Вкупно шесмина се приведени за пукањето што се случи завчера на постојката кај Народна банка, кога едно девјче заврши со куршум во стомакот, а две момчиња беа расечени со нож.

Вкупно шесмина се приведени за пукањето што се случи завчера на постојката кај Народна банка, кога едно девјче заврши со куршум во стомакот, а две момчиња беа расечени со нож.

Лицето кое што пукало кон автобусот и кое го рани девојчето е се уште во бегство. Против седумте напаѓачи, сите од село Горно Количани, е поднесена кривична пријава, а на петмина од приведените им е одреден домашен притвор во траење од 30 дена.

Двете спротиставени групи од Горно и Долно Количани првин се степале на паркингот во трговскиот центар „Веро“. Тепачка имало и кај транспортниот центар додека автобусот бил сеуште паркиран, каде што двете момчиња од Долн Количани биле ранети со нож.

Напаѓачите се разбегале, а патниците меѓу кои биле и повредените се качиле на автобусот и тргнале кон предвидена релација.

Кога автобусот пристигнал и сопрел на постојката кај Народна банка, пред автобусот истрчале повеќе лица, меѓу кои биле и напаѓачите од тепачката кај транспортниот центар и почнале да дивеат и да удираат по автобусот и барале од возачот да ги отвори вратите.

За да ја смири ситуацијата, возачот ја отворил вратата и излегол надвор од автобусот. Едно од лицата фрлило нож низ отворениот прозорец од возачкиот простор кон патниците од предниот дел на автобусот. Друго лице пак вперило пиштол кон отворената предна врата и испукал 2-3 кушуми.

Еден проектил го погодил автоматот за билети, се одбил од него и удрил во средниот дел од левото ветробранско стакло и паднал на подот пред возачкото седиште.

Друг проектил од испуканите куршуми завршил во телото на девојчето кое седело на седиштето непосредно зад возачкото седиште од автобусот. Напаѓачите веднаш се разбегале.

Тројцата повредени биле веднаш пренесени во Градската болница. Еден од нив е пуштен на домашно лекување, а девојчето и другиот повреден се задржани во болница.

Меѓусебната нетрпеливост на жителите од двете села не е новост, во едното село живеат Македонци муслимани и етнички Албанци.крај/фф