Македонија
Одново започнува судењето за „Пливалиште“
Денеска во Струга одново ќе започне, судскиот процес за трагичната несреќа на струшкиот шанк во комплексот „Пливалиште“, во која лани загинаа тројца Стружани.
Денеска во Струга одново ќе започне, судскиот процес за трагичната несреќа на струшкиот шанк во комплексот „Пливалиште“, во која лани загинаа тројца стружани.
Предметот е вратен на повторно судење откако Апелацискиот суд во Битола ја укина претходната пресудата и ја уважи жалбата на бранителите на обвинетите.
Првостепената судска постапка, против косопствениците на шанкот Цвете Вранишкоски, Климе Миладиноски и Гоце Јанески ќе се води повторно во Основниот суд во Струга.
Според решението на Апелациониот суд во Битола, првостепениот суд недоволно ја утврдил фактичката положба, а немало ниту образложение какви дејствија поединечно презеле обвинетите. Во обновената постапка првостепениот суд ќе мора да изведе дополнителни докази при донесувањето на пресудата.
Косопствениците на летниот шанк беа прогласени за виновни за тешки дела против општата безбедност. Вранишковски доби казна од четири години затвор, Јанески беше осуден на три години и четири месеци затвор, а Миладиновски доби тригодишна затворска казна.
Во несреќата, што се случи на 11. септември лани, настрадаа тројцата долгогодишни пријатели, лекарите Јосиф Докоски (56) и Киро Ѓоргоноски (57), како и Јоско Кувенџиески (48).
Вештачењето, по трагичниот настан, покажа дека нестручно и непрописно изведување на електричната инсталација на објектот било причина за несреќата. Струјниот удар се случил поради необезбеден кабел што поминувал под теписонот на отворената тераса на кафе-барот „Пливалиште“ во центарот на Струга. крај/ohridnews
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајот низ државата во зимски услови, магла на патниот правец Гевгелија – граничен премин Богородица
Сообраќајот на државните патишта се одвива во зимски услови, по претежно влажни коловози. Намалена видливост и појава на магла на патниот правец Гевгелија – граничен премин Богородица до 60 метри.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Променливо облачно со сончеви периоди, максималната температура до 11 степени
Променливо облачно со сончеви периоди. Ќе дува слаб, а долж Повардарието умерен ветер од југоисточен правец. Минималната температура ќе биде во интервал од -4 до 3, а максималната ќе достигне од 6 до 11 степени.
Во Скопје, променливо облачно со слаб до умерен ветер од југоисточен правец. Минималната температура ќе се спушти до -1, а максималната ќе достигне до 9 степени.
Времето во наредните денови
Од среда времето ќе биде променливо облачно со повремени локални врнежи од дожд, а на повисоките планини со врнежи од снег. Ќе дува слаб до умерен, а во среда засилен ветер од југоисточен правец. Температурите ќе бидат во пораст.
Македонија
Нормализиран сообраќајот на експресниот пат Кочани-Штип
Од 23:25 часот, вчера вечер сообраќајот на експресниот пат Кочани-Штип целосно е нормализиран, извести АМСМ.
Претходно, од 19:10 часот, поради сообраќајна несреќа на експресниот пат Кочани – Штип во близина на село Тркање, сообраќајот беше во целосен прекин.

