Македонија
Лисици со беснило забележани во велешко
Лисици со беснило се забележани во велешкиот реон, а ловџиите од ловното друштво Руен од јули годинава до денес фатиле три лисици во Стариград, Мартолци и Оризари.
Лисици со беснило се забележани во велешкиот реон, а ловџиите од ловното друштво Руен од јули годинава до денес фатиле три лисици во Стариград, Мартолци и Оризари.
Испитувањата во референтната лабораторија во Франција потврдиле дека кај лисиците имало беснило.
Од Агенцијата за храна и ветеринарство велат дека кампањата на Владата за вакцинација ќе ја спречи оваа појава.
„Акцијата почна годинава, а ќе трае во наредните пет години. Секоја пролет и есен авионски ќе се пуштаат вакцини и се надеваме дека ваквата состојба ќе се нормализира и нема повеќе да се јавува беснило кај лисиците, рече Виктор Наковски, официјален ветеринар во подрачната единица во Велес на Агенцијата за храна и ветеринарство.
Од Агенцијата соопштуваат дека континуирано ја следат состојбата на терен и редовно спроведуваат вакцинација со поставување мамци кои содржат капсула со средство против беснило. Ги советуваат сопствениците на домашни животни да ги вакцинираат против болеста и секој сомнителен случај да го пријават во ветеринарните служби.
Инаку симптоми на беснило кај лисицата се талкање преку ден, агресивно однесување и напаѓање животни и луѓе. /крај/лсц/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски до пензионерите: Уживајте во зголемените пензии од 2.500 денари
Пензионерите утре ќе добијат повисоки пензии за 2.500 денари. Зголемувањето е линеарно, што значи дека сите пензии ќе се покачат за истиот износ.
Второто линеарно покачување од плус 2 и пол илјади денари пензионерите ќе го добијат во март следната година.
Премиерот Христијан Мицкоски вечерва преку видео обраќање на пензионерите им порача да уживаат во повисоките пензии кои од утре ќе се најдат на нивните сметки.
Македонија
До овој момент нема наши државјани кои се обратиле за помош или евакуација од Либан, соопшти МНР
До овој момент, нема македонски државјани кои се обратиле за помош или евакуација од Либан, соопштија од Министерството за надворешни работи и надворешна трговија.
-Поради влошенета безбедносна ситуација во Либан, Министерството за надворешни работи и надворешна трговија на Северна Македонија во неколку наврати ги повика сите наши државјани кои се наоѓаат во оваа држава, да ја напуштат во прва можна прилика и апелираше да се одложат сите патувања кон оваа држава, кои не се неопходни, рекоа од Министерството.
Денеска силен чад се издига над хоризонтот на јужен Либан откако израелските трупи го нападнаа јужниот град Сидон, на околу 45 километри јужно од Бејрут каде што загинаа најмалку 32 лица, соопштија либанските власти, додека во провинцијата Баалбек Хермел загина 21 лице, а најмалку 47 се ранети.
Според либанското Министерство за здравство во последните израелски напади загинале повеќе од 100 луѓе, додека бројот на жртвите во изминатите две недели се искачи на над 1.000, а околу 600 се повредени.
Македонија
Мицкоски на средба со СОНК: Стандардот на вработените ќе го подобруваме преку заеднички дијалог и мерки што ќе дадат резултати
Претседателот на Владата, Христијан Мицкоски заедно со министрите за финансии Гордана Димитриеска Кочоска, образование и наука Весна Јаневска и економија и труд Бесар Дурмиши остварија средба со раководството на Самостојниот синдикат за образование, наука и култура – СОНК.
На средбата се разговараше за унапредување на работничките права, состојбата во образованието, науката и културата, колективните договори како и состојбата со платите и нашата тенденција тие да растат согласно реалните можности на економијата.
„Стандардот на вработените ќе го подобруваме преку заеднички дијалог и мерки кои ќе дадат резултати. Разговараме за сет одлуки и системски мерки кои ќе бидат одржливи на долг рок. Следуваат добри одлуки“, истакна премиерот Мицкоски.