Она што СДСМ денеска го промовираше како голема и досега невидена мерка, веќе се остваруваат во Скопје и во другите градови каде што градоначалникот е од редовите на ВМРО-ДПМНЕ

Она што СДСМ денеска го промовираше како голема и досега невидена мерка, веќе се остваруваат во Скопје и во другите градови каде што градоначалникот е од редовите на ВМРО-ДПМНЕ, рече во вторникот на прес-конференција, градоначалникот на скопската општина Аеродром и воедно претседател на скопскиот градски комитет на владејачката партија, Ивица Коневски.„СДСМ предлага проекти кои веќе се спроведуваат. Ова е доказ дека СДСМ нема чуство за проблемите на граѓаните и воопшто не следат што реално се случува и реализира. Денешната прес конференција на СДСМ, за жал, не е мотивирана од вистинската грижа за социјалните случаи, туку од желбата за евтин политички маркетинг во пресрет на локалните избори. Искрено се надеваме и ги повикуваме во иднина оваа категорија на граѓани да не ја користат за дневно политички цели и маркетинг“, цени пред новинарите Ивица Коневски.„СДСМ доцни неколку години, бидејќи Градот Скопје и Битола. и многу други градови повеќе години ги субвенционираат и ослободуваат од давачки граѓаните, коишто се корисници на постојана парична помош, не само за плаќање на комунална такса, туку и при користење на вода од водоводните системи“, рече Коневски.Тој го посочи како пример скопското јавното претпријатие за комунална хигиена коешто ја спроведува одлуката за ослободување од плаќање надомест за фрлање смет на корисниците на постојана социјална помош, олеснување што го овозможува и Јавното претпријатие за водовод и канализација Скопје.„И во Битола јавното претпријатие за водовод на сите социјални случаи и лица со посебни потреби, им овозможува бесплатно користење на вода. Вакви слични активности спроведуваат многу други градови каде градоначалниците се од редовите на ВМРО-ДПМНЕ“, посочи Коневски.Тој потсети и дека ова не се единствените мерки што ги презема ВМРО-ДПМНЕ за семејствата кои се корисници на социјална помош, како што се бесплатната легализација на дивоизградените објекти, отворање на СОС продавници, реализирање план за енергетска сиромаштија со кој семејствата приматели на социјална помош добиваат субвенција за плаќање на електричната енергија, бесплатното образование за членовите на овие семејства е бесплатно итн./крај/мф/сн