Наместо да држат панични прес-конференции, го повикуваме ВМРО–ДПМНЕ да го прифати проектот на СДСМ „Социјални субвенции“ и конечно да покаже барем малку чувство за социјално загрозените семејства

Наместо да држат панични прес-конференции, го повикуваме ВМРО–ДПМНЕ да го прифати проектот на СДСМ „Социјални субвенции“ и конечно да покаже барем малку чувство за социјално загрозените семејства, се наведува во експресната писмена реакција на социјалдемократите на пресот на претседателот на градскиот комитет на владејачката партија и градоначалник на скопската општина Аеродром, Ивица Коенвски.„Да беше така како што зборува ВМРО–ДПМНЕ немаше градоначалникот на Аеродром да држи панични прес-конференции доцна попладнево“, се вели уште во соопштението на СДСМ, во кое се наведува и дека наводна потврда за паниката во ВМРО–ДПМНЕ од проектот „Социјални субвенции“ е тоа што градоначалникот на Аеродром ги наредил „речиси сите проекти кои тие ги ископираа од СДСМ“. „И легализацијата и бесплатните учебници и СОС продавниците и планот за справување со енергетската сиромаштија се проекти ископирани од СДСМ“, се заклучува во писмената изјава на опозициските социјалдемократи. Претходно во вторникот на прес-конференција во СДСМ, градоначалниците од оваа партија на Куманово, Охрид, Струмица и скопската општина Карпош, Зоран Дамјановски, Александар Петрески, Зоран Заев и Стевчо Јакимовски, најавија почнување проект со кој ќе одвојат по 36 милиони денари за субвенционирање на трошоците кон комуналните претпријатија за плаќање на сметките на социјално најзагрозените семејства.На тоа попладнето реагираше Коневски со прес-конференција на која посочи дека вакви мерки веќе неколку години се остваруваат во градовите каде што градоначалниците се од редовите на ВМРО-ДПМНЕ, обвинувајќи ја најголемата опозициска партија дека не се раководи од „вистинската грижа за социјалните случаи, туку од желбата за евтин политички маркетинг во пресрет на локалните избори“./крај/мф/сн