Македонија
ВМРО-ДПМНЕ: Ароганцијата на СДСМ не му дозволува нештата да ги види реално

Гордан Горгиев не може да го намали значењето на фактот што 2011-та беше година во која Република Македонија доби потврда на препораката од ЕУ што преставува најдобар показател за квалитетот на реализираните реформи, година во која Македонија беше оценета како трет најдобар реформатор во светот
Гордан Горгиев не може да го намали значењето на фактот што 2011-та беше година во која Република Македонија доби потврда на препораката од ЕУ што преставува најдобар показател за квалитетот на реализираните реформи, година во која Македонија беше оценета како трет најдобар реформатор во светот, но и година во која се набави нова медицинска опрема, се реновираа медицинските центри, се градеа и реновираа училишта, се продолжи со политиката на субвенции во земјоделието.Ова се потенцира во писмената реакција на владејачката ВМРО-ДПМНЕ, на коментарот на потпретседателот на опозициската СДСМ, Гордан Георгиев за изјавата за успешноста на 2001 година дадена од странана премиерот Никола Груевски. „За разлика од функционерите на СДСМ кои во своите изјави се полни со ароганција и самобендисаност, ВМРО-ДПМНЕ работи и е ангажирана за подобрување на состојбите и обезбедување на услови за пристоен живот на граѓаните“, се вели во реакцијата на ВМРО-ДПМНЕ.Во него се додава и дека самиот факт што Гордан Георгиев како политиколог се осмелил да зборува се економски теми „е доволен показател дека СДСМ отворено манипулира со податоците користејќи ја секоја прилика бомбастично и нереално да ја прикаже состојбата со задолжувањето“. „Но веќе таа тема не поминува во јавноста, бидејќи и ММФ, и Светска банка и сите меѓународни угледни институции потврдија дека Владата води стабилна макроекономска политика и дека државата е една од најмалку задолжените. Поради својата тесноградост и желбата за маркетинг сето ова СДСМ не сака да го поздрави“, одговараат од владејачката партија.ВМРО-ДПМНЕ, во своето соопштение наведува и дека ниту кој и да е претставник на партијат „ниту претседателот Груевски никогаш не кажале дека се решени сите проблеми и дека се завршени сите приоритети. Напротив, совесно и одговорно се соочуваме со сите проблеми и со сите предизвици. Работиме на нивно отстранување и подобрување како никоја влада досега“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: По трагедијата во Кочани целосно се забрани употреба на пиротехника во затворен простор

СДС брутално и очигледно ја злоупотребува трагедијата во Кочани, со очајнички обиди да фрлат песок во очите на јавноста и со нивните лаги да ја засенат вистината, реагираат од ВМРО-ДПМНЕ, на обвинувањата од потпретседателот на СДСМ, Методија Илиевски.
„За разлика од претходната власт сега има сеопфатна, темелна истрага за трагедијата во Кочани во која беа опфатени поранешни и сегашни функционери, од кои некои се во притвор, а тоа е доказ дека сега има одговорност и неселективност. Владата на ВМРО-ДПМНЕ за разлика од претходната власт, донесе серија законски, измени со кои тотално се забранува употреба на пиротехнички средства во затворен простор, со цел да нема импровизации кои во иднина би резултирале со несреќи“, велат од партијата.
Од ВМРО-ДПМНЕ додаваат дека санкциите за прекршување на оваа забрана драстично се зголемени, но исто така утврдена е и строга одговорност за нелегално присуство на малолетници по полноќ во угостителски објекти, со цел заштита на младата популација.
„Ова се ефикасни законски мерки со кои се воведува одговорност и ефективен надзор, мерки кои гарантираат заштита на јавноста во затворени простории. Оваа Влада демонстрира одговорност со максимална сериозност и законски механизми ја брани јавната безбедност, води транспарентна и структурирана одговорност кон сите виновници без исклучок“, велат од партијата.
Македонија
АХВ: Засилени мерки по појавата на ново жариште на чума кај малите преживари во Албанија

Агенцијата за храна и ветеринарство (АХВ) воведе мерки на засилен надзор на болеста чума кај малите преживари, особено во регионот на Западна Македонија, со цел спречување на внесување и ширење на болеста од соседна Албанија во земјава.
Засилена е контролата на движењето и транспортот на животни од видовите овци и кози по добиеното известување вчера вечер преку европскиот систем за пријава на болести (ADIS) на Светската организација за здравствена заштита на животните – WOAH, дека во Република Албанија во областа Дебар, во место Кастриот, на фарма со 200 кози има појава на ново жариште на болеста, по пријавата на првиот случај неодамна во областа Скадар.
АХВ донесе Решение за забрана за увоз и транзит на живи домашни и диви мали преживари, семе, јајце клетки и емброни од домашни и диви мали преживари, месо од домашни и диви мали праживари, производи и преработки од месо од домашни и диви мали преживари, млеко и производи од млеко од домашни и диви мали преживари, како и нуспроизводи од домашни и диви мали преживари во Република Северна Македонија од РепубликаАлбанија, со цел спречување на можноста за ширење на болеста.
Со оглед на новонастаната состојба, а заради намалување на ризикот од појава и проширување на болеста, АХВ ги извести ветеринарните друштва и официјалните ветеринари за спроведување на засилен надзор на одгледувалиштата со овци и кози и пријавување на секој сомнителен случај на болеста. На сила останува Решението за безбедносни мерки во однос на болеста чума кај мали преживари кое Агенцијата за храна и ветеринарство го донесе на 09.08.2024 година.
Агенцијата за храна и ветеринарство го извести Министерството за внатрешни работи за новонастанатата ситуација со појава на болеста во пограничниот регион со Македонија за преземање на засилени мерки за надзор и спречување на евентуален шверц со живи животни од видовите овци и кози од Албанија во нашата земја.
Македонија
Петрушевски: Струјата со СДС се зголеми затоа што фирми блиски до Заев и Филипче препродавале јаглен на ЕСМ за три пати поскапо од набавното

Венко Филипче трет ден молчи за испумпувањето на десетици милиони евра од ЕСМ од страна на Вице Заев и фирми кои водат и лично до него. Истражувањето на истражувачките новинари, кои го објавија овој скандал всушност покажува зошто ЕСМ е доведена во состојба на милионски долгови, изјави Бране Петрушевски, пратеник на ВМРО-ДПМНЕ.
„Вице Заев, Зоран Заев и Венко Филипче се директно виновни што струјата во нивно време се покачи за над 50%. Заев и Филипче се директно виновни што немало инвестиции во енергетиката, а немало за да има повеќе пари за во нивните џебови. За да може да профитираат Зоран Заев, Вице Заев и Венко Филипче, биле направени мрежа на фирми и посредници за ископ, транспорт и продажба на јаглен од Грција на ЕСМ. Јагленот кој од Грција се продавал кон мрежата на фирми за 30 евра бил препродаван во Македонија на ЕСМ по цена и до 82.5 евра“, рече тој.
Петрушевски обвини дека Заеви продавале скап јаглен на ЕСМ, а Филипче уживал во придобивките на милионските бизниси низ разни луксузи кои што му ги приуштувале.
„Овој скандал и афера од размери од неколку стотици милиони евра мора да има разрешница и одговорност. Очекуваме ЈО да отвори истрага, а Венко Филипче да излезе и да каже со кое лице излегува повторно во политиката и бара гласови од народот кој тој и Заев го краделе со стотици милиони евра“, рече Петрушевски.