Македонија
Забрана за движење за камиони на планинските превои
Сообраќајот на сите магистрални и регионални патни правци низ државата се одвива во зимски услови, соопшти АМСМ.
Сообраќајот на сите магистрални и регионални патни правци низ државата се одвива во зимски услови, соопшти АМСМ.Во пониските делови движењето се одвива забавено по влажни и лизгави коловози со местимични остатоци од снег, додека на повисоките места и планинските превои сообраќајот е поотежнат сообраќај поради поинтензивни врнежи од снег и поголеми остатоци на коловоз после расчистување.Воведени се забрани за движење само за тешки товарни возила на патниот правец Гостивар – Кичево преку планинскиот превој Стража, на патниот правец Маврово – Дебар, на патниот правец Кичево – Охрид преку планинскиот превој Пресека и на патниот правец Струга – граничен премин Ќафасан. На патниот правец Градско-Прилеп на планинскиот превој Плетвар задолжителна е употреба на зимската опрема за тешките товарни возила. АМСМ на возачите им препорачуваме крајно внимателно возење, прилагодена брзина на движење по влажните и лизгави коловози, и одржување на потребното растојание помеѓу возилата. Внимателно и низ клисурите и планинските превои поради честата појава на поситни одрони. /крај/амсм/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утрово најстудено на Попова Шапка и во Маврови Анови
Утрово најстудено било на Попова Шапка и Маврови Анови каде што се измерени -7 степени, -5 било во Крушево, -4 во Крива Паланка, -3 во Берово, Дебар и Виница, -2 во Тетово, Битола, Прилеп, -1 во Охрид, Претор, Штип, Скопје-Зајчев Рид, Кавадарци, 0 во Скопје-Петровец, Струмица, Велес, Демир Капија, 2 во Гевгелија.
Висината на снежната покривка во 7 часот била 57 сантиметри на Попова Шапка, 50 Маврови Анови, 33 Крушево, 25 Битола, 24 Тетово, 17 Берово, Штип, 16 Прилеп, 14 Демир Капија, 10 Претор, 9 Скопје – Петровец, 5 Охрид, 4 Струмица, Крива Паланка.
Времето денеска
Претпладне со појава на магла по одделни котлини. Преку денот променливо облачно, а облачноста попладне особено во источните делови ќе се намалува. Понекаде и особено во планинските региони може краткотрајно да провејува слаб снег. Максималната температура ќе биде во интервал од -1 до 7 степени.
Во Скопје со појава на слаба магла, преку денот претежно облачно и тивко.
Максималната температура ќе достигне до 4 степени.
Македонија
Намалена видливост поради магла на Плетвар
Сообраќајот на државните патишта се одвива во зимски услови по влажни коловози со остатоци од кашест снег на коловозот. Снег со слаб интензитет провејува на планинскиот премин Ѓавато, кој не се задржува на коловозот.
Намалена видливост поради појава на магла со видливост од 50 до 70 метри има на Плетвар.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
Македонија
Студено време, преку денот облачно со услови за слаб снег
Времето утрово е студено со појава на магла по одделни котлини. Преку денот ќе биде променливо облачно наместа со услови за провејување на слаб снег.
Минималната температура ќе биде во интервал од -6 до 1, а максималната ќе достигне од -1 до 7 степени, информираат од УХМР.
Во Скопје наутро студено со појава на слаба магла, преку денот претежно облачно и тивко. Минималната температура ќе се спушти до -3, а максималната ќе достигне до 4 степени.
Од петок ќе преовладува стабилно време со пораст на дневните температури. Утринските температури насекаде ќе бидат под нула, а наместа ќе се спуштат и под -10 степени. По котлините ќе има појава на магла и пониски дневни температури.