Претседателот на опозициската СДСМ, по повод новогодишните празници денеска се обрати до македонските граѓани.

Претседателот на опозициската СДСМ, по повод новогодишните празници денеска се обрати до македонските граѓани.„Зад нас е уште една тешка година. Година во која многумина од вас моравте да водите секојдневна битка со немаштијата, со ниските плати и пензии и со се поскапата живеачка. Сиромаштијата и невработеноста достигна рекордно ниво. Ветувањата за нови инвестиции, нови фирми и фабрики, нови работни места и оваа година не се остварија.Македонија стана држава во која владее стравот. Секој се плаши од некого, а сите заедно од власта.Административците се плашат да не го изгубат работното место, работниците од сопствениците, бизнисмените од инспекциите, земјоделците да не им ги одземат субвенциите. Дури и оние најсиромашните се плашат  да не им ја укинат социјалната помош. Луѓето стравуваат гласно да зборуваат.Во земја во која владее стравот нема слобода, нема демократија, нема правда.Оваа година пресметката со сите политички неистомисленици и критичари на власта поприми најсурова форма.Луѓето јавно се жигосуваат, се лустрираат, се затвараат во монтирани судски процеси.Сите околу нас во регионот направија голем исчекор во интеграциите кон НАТО и ЕУ .Само ние сме  таму каде што бевме и пред 5 години.  За светот Македонија стана заборавена земја.Се наоѓаме на само неколку дена пред Новогодишните и Божиќните празници. Ова е период во кој вообичаено си посакуваме среќа и изразуваме надеж дека работите ќе тргнат  кон подобро.Но дали е доволно да чекаме среќата сама да ни дојде. Дали е доволно да се надеваме дека добрите работи ќе се случат сами од себе.Проблемите во кои живееме не се наша судбина од која нема бегање. Се може да биде поинаку. Се може да биде подобро. Силата и моќта да се сменат работите се во ваши раце. Ова е ваша земја. Вие, и никој друг одлучувате каков живот ќе живеете.Првиот и најважен чекор е да се охрабрите, да проговорите, да им се спротивставите на лагите со кои не бомбардираат секој ден.Да кажеме стоп за неправдите што ви  се случуваат, за заканите и притисоците што ви се упатуваат, за расипничкото и криминално трошење на вашите пари.Да покажеме сите заедно дека  вистината е посилна од лагата, дека чесноста е посилна од арамилакот,дека слободата е посилна од стравот.Да покажеме и докажеме дека народот е посилен од власта!Ние, членовите на Социјалдемократскиот сојуз, ќе бидеме секогаш со вас.Ние сме наполно свесни која е и колкава е нашата одговорност во овие тешки времиња. И бидете сигурни, нашата обврска и долг кон вас во целост ќе ги исполниме“, се вели во новогодишното обраќање на Црвенковски. /крај/со/ст