Македонија
Запленети уште три возила за користење „црвена нафта“
Во петокот мобилните екипи на цариснаката служба, откриле нови случаи на користење ткн „црвена нафта“, како погонско гориво што е спротивно на одредбите на Законот за акцизи.
Во петокот мобилните екипи на цариснаката служба, откриле нови случаи на користење ткн „црвена нафта“, како погонско гориво што е спротивно на одредбите на Законот за акцизи. При контрола на повеќе моторни возила, извршена на патните правци Тетово – Скопје и Свети Николе – Штип, биле откриени три возила од кои биле земени мостри од горивото што го користеле, и истите биле предадени на анализа во Царинската лабораторијата, од каде е добиен одговор дека станува збор за екстра лесно гориво обележано со црвена боја, кое не смее да се користи како погонско гориво во моторните возила. Според законските одредби, привремено се задржани сите три возила, информураат од Царинската управа.При оваа акција запеленти се автобус „санос“ со македонски регистарски ознаки проценет на околу 300 илјади денари. чиј сопственик се сомничи дека со користење на вакво погонско гориво, избегнати се акцизни давачки во износ од околу 185.850 денари. Исто така, запленето е наменско возило „бетономешалка“ со македонски регистарски ознаки проценето на 1.2 милиони денари. Се проценува дека со користење на вакво погонско гориво, избегнати се акцизни давачки во износ од околу 370.000 денари. Запленет е и камион „мерцедес“, исто така, со македонски регистарски ознаки со вредност околу 340 илјади денари во чиј случај е проценето дека со користењето на „црвената нафта“ се избегнати акцизни давачки во износ од околу 148.680 денари. Во секој поединечен случај, за сторените акцизни прекршоци согласно Законот за акцизи, на правните лица-сопственици на возилото им е доставена покана за плаќање глоба во висина од четири илјади евра, на одговорните лица во правното лице – глоба од 500 евра и на физичките лица – возачите, исто така, 500 евра, или вкупно околу 300 илјади денари, сума којашто доколку ја платат во рок од осум дена, се намалува за половина. Против прекршителите, Царинската управа поднесува Барања за поведување прекршочна постапка до Комисијата за одлучување по прекршок, каде ќе биде донесено решение за конечно одземање на возилата и наплата на глоба во полн износ, доколку прекршителите не ја платат глобата во предвидениот рок. Поднесени се и Барања за дополнителна наплата на акцизен долг до Секторот за царински систем, а согласно Барањата донесени се Решенија за дополнителна наплата на акцизен долг на име на сторителите на акцизните прекршоци во вкупен износ од околу 700 илјади денари.Ова е втор ваков случај откриен во последните десетина дена. Претходно, на 29-ти минатиот месец, откриени беа други три случаи каде возилата (автобус, минибус и товарно моторно возило) користеле екстра лесно гориво наменето за домаќинство. И тогаш возилата беа привремено задржани, а против прекршителите беа поднесени соодветни пријави, изречени се глоби за сторените акцизни прекршоци, а донесени беа Решенија за дополнителна наплата на акцизен долг./крај/со/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Општина Аеродром собра околу 70 тони кабаст отпад во бесплатната акција
Општина Аеродром и Јавното претпријатие за комунални дејности на Општина Аеродром успешно ја спроведоа акцијата за бесплатно собирање кабаст отпад, при што од точно 41 локација, собрани се околу 70 тони отпад.
Акцијата почна кон крајот на јули и наиде на голем интерес кај аеродромци. Големи контејнери во текот на август и септември беа поставувани на различни локации низ целата општина според точно одреден распоред. Жителите навремено беа информирани кога и каде да го остават својот стар мебел и друга дотраена покуќнина, кои потоа беа собирани со механизација на Општина Аеродром.
Оваа акција беше спроведена со цел да им се излезе во пресрет на жителите бесплатно да го отстранат стариот мебел од своите домови. Со тоа придонесовме да се заштити животната средина од несовесно фрлање отпад, како и од создавањето лоша слика за Аеродром.
Општина Аеродром упатува апел до граѓаните да внимаваат како се однесуваат кон околината, затоа што инспекциските служби се постојано на терен, а секое несовесно фрлање отпад е казниво со закон.
Македонија
Вреди: Со интервенцијата на ДУИ за измените во Кривичниот законик му застаре уште една казна на Груевски
Со директна интервенција на ДУИ во измените на Кривичниот законик, на Никола Груевски, поранешниот премиер и омилен политичар на Али Ахмети, му застаре уште една затворска казна, велат од коалицијата ВРЕДИ (Влен).
Според нив, ова е уште една шајка на Ахмети во ковчегот на неправдата која ја инсталираше неговиот режим 22 години.
„После срамната спогодба на „Абазиското“ Обвинителство со Иџет Мемети, ова криминализирано раководство издејствува уште една амнестија. Ова фијаско на фаулираниот правен систем е уште една потврда за вирусот на Ахмети инсталиран во правосудството со години, каде што нивните моќници изградија заштитен ѕид околу себе, спасувајќи се меѓусебно од правосудна одговорност. Ова не е прв пат кога ДУИ, предводена од Али Ахмети, интервенира за да ги спаси своите пријатели од затвор. Претходно, истата игра ја одиграа и за архитектот на маките на Албанците, поранешниот директор на УБК, Сашо Мијалков“, велат од Вреди,
Коалицијата додава дека ДУИ е партија која две децении го манипулира народот со ветувања за реформи и европски интеграции, и е убиецот на секоја надеж за правда и подобра иднина.
„Сите знаат за притисокот на Артан Груби врз претседателката на Врховниот суд за оживување на аболициите на Ѓорге Иванов, наводно за да изврши притисок врз ВМРО-ДПМНЕ за усвојување на уставните измени. Време е граѓаните на оваа земја еднаш засекогаш да разберат: ДУИ никогаш не била за големиот европски сон, туку нејзин саботер. Тие се главните виновници за недостатокот на напредок и за оддалечувањето на Северна Македонија од европскиот пат. Наместо да се борат за правда и просперитет, тие се бореа само за да ги заштитат своите криминални кланови, без разлика на етничката припадност. Коалицијата ВЛЕН им упатува повик на сите совесни граѓани да се обединат во нашата борба за почесна и потранспарентна иднина“, велат од Вреди.
Додаваат дека соочени со ова предавство на европските вредности, посветени се на демонтирање на секој елемент од оваа распадната структура и изградба на држава заснована на закон, еднаквост и правда за сите.
Македонија
Меџити: Ги зајакнуваме процедурите за доделување на А и Б Интегрираните дозволи
Првиот вицепремиер и министер за животна средина и просторно планирање, Изет Меџити, со поздравно обраќање ја отвори денешната работилница за „Понатамошно зајакнување на капацитетите за ефективна имплементација на acquis-от во областа на индустриското загадување“.
„Индустријата е важен столб за економски развој, но за жал, остава сериозни последици во животната средина. Загадувањето од големи индустриски инсталации го допира воздухот што го дишеме, водата што ја пиеме и земјата што не храни. Затоа, наша должност е да ги контролираме овие влијанија и да промовираме почисти и поодржливи практики“ – истакна Меџити, додавајќи дека Интегрираните еколошки дозволи се клучни за да се осигура дека секоја индустрија ќе ги почитува стандардите и ќе го намалува загадувањето. Од таа причина, според Меџити мораме да ги зајакнеме процедурите за доделување на овие дозволи, за да обезбедиме подобра заштита на животната средина.
Проектот го спроведуваат Министерството за животна средина и просторно планирање на Република Северна Македонија (како земја корисник) и Центарот за меѓународно и европско економско право (CIEEL), Република Грција (како земја-членка партнер).
Во рамки на проектот се работи на зајакнување на националните и локалните административни капацитети во областа на индустриското загадување и тоа преку подобрување на интегрираните еколошки дозволи, кои треба да содржат услови поставени во согласност со начелата и одредбите на Директивата за индустриски емисии и Заклучоците за најдобрите достапни техники.
Се додава дека во реализација на проектот земени се предвид неодамнешните предлози на Европската комисија за справување со загадувањето од големите индустриски инсталации. Овие предлози опфаќаат ревизија на Директивата за индустриски емисии и ревизија на Регулативата за Регистарот на испуштање и пренесување на загадувачки материи.
Во рамки на трите компоненти од проектот треба да се постигне усогласена правна рамка, подобрена процедура за Оцена на влијание врз животната средина за активностите на Директивата за индустриски емисии и подобрен процес на издавање дозволите за Интегрираното спречување и контрола на загадувањето.
Проектот го спроведуваат Министерството за животна средина и просторно планирање на Република Северна Македонија (како земја корисник) и Центарот за меѓународно и европско економско право (CIEEL), Република Грција (како земја-членка партнер). Започнат е на 1 март 2023 година и ќе трае 24 месеци.