Македонија
Македонија и Словачка најавуваат договор за социјално осигурување

Македонски експерти наскоро ќе заминат во Словачка со цел да почнат разговори околу можноста за склучување договор за социјално осигурување меѓу двете земји.
Македонски експерти наскоро ќе заминат во Словачка со цел да почнат разговори околу можноста за склучување договор за социјално осигурување меѓу двете земји.Ова било договорено на денешната средба во Скопје помеѓу македонскиот министер за труд и социјална политика Спиро Ристовски и словенечкиот заменик премиер и министер за труд, социјални работи и семејство Јозеф Михал.Во моментов во Република Словачка има 104 евидентирани македонски граѓани, но и присуство на сезонски работници.Покрај иницијативата за склучување на Договор за социјално осигурување, на средбата било инициран и Договор за вработување на сезонски работници. двајцата министри размениле искуства од сферата на вработувањето, фунционирањето на институциите инволвирани во пазарот на трудот и спроведувањето на реформите во пазарот на трудот од аспект на различни активни политики за вработување. „Разменивме искуства во делот на развој на социјалниот дијалог, комуникација со синдикатите и организациите на работодавачи и реформи во системот за пензиско и инвалидско осигурување, односно процесот на доделување на инвалидските пензии“, изјави Ристовски.Словачкиот вицепремиер нагласи дека и Словачка се соочува со невработеност, и дека таа изнесува 14 отсто, што, според него, е прилично голема бројка и со македонскиот колега разгледувале предлози и идеи за намалување на невработеноста. „Во намалување на невработеноста многу ни помогна влезот во ЕУ и се надевам дека истото ќе и се случи на Македонија, бидејќи со користењето на ЕУ фондовите се овозможи намалување на невработеноста, нагласи Михал, додавајќи дека Словачка безрезервно ја поддржува Македонија на патот кон европската интеграција“. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филков се потпиша во книгата на жалост: Одговорност ќе има и правдата ќе биде задоволена

Министерот за правда, Игор Филков се потпиша во книгата на жалост, отворена во Министерството за надворешни работи и надворешна трговија, по повод трагичниот настан во Кочани.
,,Изразувам длабоко сочувство за трагично загубените млади животи во Кочани. Оваа несреќа нè потресе сите, оставајќи неизмерна болка и тага. На повредените, кои се згрижени во болниците во земјата и надвор од неа, им посакувам брзо и целосно закрепнување. До граѓаните упатувам јасна порака – одговорност ќе има, а правдата ќе биде задоволена! Министерството за правда и јас, како министер, ќе направиме сè што е во наша надлежност за да се осигураме дека вистината ќе излезе на виделина, а одговорните ќе сносат последици! Правда ќе има!”,вели министерот за правда Игор Филков.
Македонија
Свети ВМРО да е, ако направил грешка ќе одговара: Мицкоски за градоначалникот на Кочани

Колкава е одговорноста на градоначалникот на Кочани ќе утврди Обвинителството, кажа премиерот Христијан Мицкоски денеска одговорајќи на прашање дали Папазов, ќе сноси одговорност во врска со пожарот во дискотеката.
Мицкоски рече дека надлежните во текот на денот ќе ги проверат сите документи во Општината.
Посочи дека никој нема да биде заштитен и секој што има каква било вина во врска со настанот, ќе одговара.
„Градоначалникот во својата оставка напиша дека стои на располагање за се. Не бега. Тука е. Денеска, колку што јас знам, истражните органи ќе влезат и во Општината. Ќе ги проверат сите документи. Ако вие сега пледирате дека тој е ВМРО-ДПМНЕ, па ние го штитиме, не, се лажете. Никого нема да штитиме. Свети ВМРО да биде, и јас да сум, родена сестра, брат да ми е, ќе одговара ако има каква било вина“, рече Мицкоски.
Кривична одговорност според него ќе има за сите, и дека не треба да се шпекулира.
„Кривична одговорност ќе има за сите. Ако е потребна морална или политичка, удрете на мене. Јас сум тука, јас ќе се сносам со сиот предизвик, но прво ќе ги поразам како што многу пати сум ги поразил, а потоа на избори граѓаните ќе судат дали и кој треба да сноси одговорност. Само ве молам да не шпекулираме, да не креираме информации кои што немаат никаква врска со вистината. Свети ВМРО да е, ако направил грешка ќе одговара. Тоа сме го покажале и докажале во овој период“, порача Мицкоски.
Македонија
МВР: Големиот број полициски службеници во Кочани е поради службени активности, а не за попречување на протестите

Министерството за внатрешни работи со известување до граѓаните дека овие денови има зголемено присуство на полициски службеници на територија на цела држава, особено во градот Кочани и околу општинската зграда.
Зголемениот број на полициски службеници е поради извршување на службени активности и обезбедување на документација од општината, а не заради попречување на граѓаните во нивното загарантирано со Устав право на собирање и одржување на протест, велат од МВР.
Апелираат до граѓаните сите собирања и протести да се одржат во мирна атмосфера.