Во средата, во просториите на Спомен – куќата на Мајка Тереза, амбасадорот на Република Полска во Република Македонија, Пжемислав Чиж во името на полскиот министер за култура и национално наследство

Во средата, во просториите на Спомен – куќата на Мајка Тереза, амбасадорот на Република Полска во Република Македонија, Пжемислав Чиж во името на полскиот министер за култура и национално наследство на градоначалникот на скопската општина Кисела Вода, Марјан Ѓорчев. му додели почесно одликување – Заслужен за полската култура.Ова посебно одликување се доделува на лица кои придонеле за промоција на полските културно – уметнички достигнувања во странство или за придонес во развојот на култураната соработка со Полска.Добрата соработка меѓу општината Кисела Вода и Аабасадата на Република Полска започна во 2010 година, со низа активности за одбележување на 200 годишнината од раѓањето на Фредерик Шопен. Во март таа година, градоначалникот Ѓорчев и тогашниот полски амбасадор во државава поставија плакета на Фредерик Шопен на истоимената улица во општината, а во септември 2010 година во присуство на министерката за култура, Елизабета Канчевска – Милеска свечено го пуштија во употреба паркот на Фредерик Шопен во близзина на општината.„Достојното одбележување на 200 годишнината од раѓањето на полскиот виртуоз на клавир немаше да биде возможно без исклучителната ангажираност и труд на илјадници уметници, културни институции, членови на Почесни одбори за одбележување на Шопеновата година, основани во безмалку 40 земји“, рече полскиот амбасадор, Пжемислав Чиж.„Многу од тие значајни културни настани се случија и во Република Македонија, благодарение на присутните тука меѓу нас, луѓе со добра волја, широко отворено срце и полни со разбирање”, дополни Чиж.Добрата соработка со полската амбасада ја подвлече и градоначалникот Ѓорчев кој срдечно се заблагодари за почесното одликување.„Големо задоволство претставува фактот што Полскиот министер за култура ја одликува општината Кисела Вода со Орден за заслуги за полската култура. Ние се гордееме што во Кисела Вода имаме улица и преубав парк што го носи името на Фредерик Шопен, но мора да нагласам дека тоа не претставува само мало парче земја и асфалт, тоа е дел од Полска во нашите срца”, изјави градоначалникот Ѓорчев.Тој нагласи дека одличната соработка со полската амбасада нема да застане тука и најави инцијатива за збратимување со некоја полска општина./крај/мф/сн