Македонија
Бракоразводна постапка во Битола заврши со самоубиство

Недоразбирањата меѓу двајца сопружници во Битола кои биле во бракоразводна постапка завршија со обид за убиство и самоубиство.
Недоразбирањата меѓу двајца сопружници во Битола кои биле во бракоразводна постапка завршија со обид за убиство и самоубиство.Триесет и шестгодишниот Јуксел Ј. си пресудил со истрел од пиштол во главата, а неговата сопруга ја истепал со кундакот од пиштолот.Несреќата се случила попладнево во 14.50 часот на крстосницата од улиците „Иво Рибар-Лола“ и „Партизанска“.Портпаролот на битолската полиција, Ѓоко Стрезовски за Макфакс вели дека расправијата меѓу двајцата сопружници започнала во автомобил „Пежо 607“ со кое управувал Јуксел. Во еден момент за време на расправијата со неговата четири години помлада сопруга која била вработена во СВР Битола, Јуксел изгубил контрола, преминал на коловозната лента и удрил во „Голф“.Полицијата кога излегла на местото на инцидентот ја затекнала сопругата пред „пежото“ облеана со крв на главата. На возачкото седиште затекнат бил нејзиниот сопруг со прострелна рана на главата. Жената со повреди е пренесена во Клиничката болница во Битола и се наоѓа вон животна опасност.Двајцата сопружници се соочувале со недоразбирања подолг период, а во тек била и бракоразводна постапка.Извршен е увид на лице место, а телото на починатиот е предадено на обдукција./крај.фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ниту повредените, ниту семејствата на починатите не се сами, Кочани е наш приоритет, велат од Владата

Трагедијата во Кочани во која животот во загубија 62 млади лица е од невидени размери, велат од Владата и додаваат дека нивна обврска покрај целосна истрага и расветлување на случајот, носење на сите инволвирани лица пред правдата, е и обезбедување соодветна здравствена заштита и медицинска помош на сите повредени и нивни семејства.
„До сега како Влада обезбедивме 30 милиони денари за транспортот и сместувањето на придружбата односно за членовите на семејствата на повредените пациенти.
Но, нашата грижа не завршува тука, бидејќи Кочани е наш приоритет и никој не смее да биде заборавен.
Дополнително отворивме телефонска линија која е во директна комуникација со претседателот на Владата. Повредените и нивните семејства можат да се јават на телефонскиот број 070/355-526 за да ги искажат своите барања, конкретни предлози и потреби кои ги имаат.
Понатаму, на владина седница ќе донесеме одлука со која одморалиштето Пониква кое располага со 27 соби и 56 легла се пренамени во центар за рехабилитација, во кој медицински кадар ќе може да работи како на психофизичката состојба така и на пружањето на медицинска нега за брзо закрепување на повредените граѓани“.
Ова, како што нагласуваат во официјалното соопштение е заедничка борба, и додаваат дека ниту повредените, ниту семејствата на починатите млади лица не се сами.
„Како Влада ќе направиме се што е во наша надлежност да помогнеме и да се обидеме да ја намалиме болката“.
Македонија
Грантови до 10.000 евра за млади и ранливи групи преку мерките од Оперативниот план, најавува Владата

Од Владата најавуваат дека грижата за младите продолжува преку сеопфатна стратегија и оперативен план од 40 милиони евра кој ќе опфати над 16.000 граѓани.
„Се објави јавниот повик од Оперативниот план за вработување за 2025 година, кој се однесува на две нови мерки наменети за невработени лица кои сакаат да започнат сопствен бизнис.
Во рамки на Оперативниот план за вработување за 2025 година, официјално се објави повикот за Мерка 1.1 и Мерката 1.2.
Преку Мерката 1.1 се доделува грант од 430.500 денари (околу 7.000 евра), за граѓаните над 29 години, а преку мерката Мерката 1.2. се доделува грант до 615.000 денари (10.000 евра) за започнување сопствена дејност за лицата до 29 години“.
Како што се појаснува во соопштението, за лица со попреченост се предвидени средства до 250.000 денари над основниот грант, со цел да се создадат еднакви услови за сите заинтересирани.
Двете мерки, според најавеното, вклучуваат и целосна поддршка преку обука за претприемништво, изработка на бизнис план и шестмесечно менторство, со цел граѓаните не само да добијат финансиска поддршка, туку и знаење и насоки за успешно водење на сопствен бизнис.
„Преку мерките и проектите владата ја потврдува посветеноста на создавање на инклузивен пазар на трудот и зајакнување на поединецот како клучен актер во економскиот развој на земјата.
Преку овие мерки се создаваат реални улови за развој, вработување, самовработување, како и развој на претприемништвото и долгорочен економски раст“.
Македонија
Цените повторно растат, а Владата реши да ги покачи платите само на функционерите, велат од СДСМ

Македонија повторно се соочува со огромен раст на цените и инфлацијата, а Владата реши да ги покачи платите на функционерите. За работниците и граѓаните, повторно нема ништо. Според последните податоци од Државниот завод за статистика, годишната инфлација во мај 2025 изнесува 3,3%, што е скок во споредба со април, кога беше 2,6%. Дополнително, месечната инфлација од 1,5% е највисока оваа година, велат од СДСМ.
„Ова значи едно, животот е сѐ поскап, а власта нема ниту план, ниту капацитет да го заштити стандардот на граѓаните. Но, секако, има добар план да си ги покачува сопствените плати.
СДСМ повеќепати предупредуваше: цените растат и ќе продолжат да растат ако не се преземат мерките кои ги понудивме. Мицкоски се обидува да ги убеди граѓаните дека платите им растеле, но факт е дека единствено растат платите на неговите во Владата и институциите, додека народот едвај преживува“.
Оваа влада, додаваат од опозициската партија, нема економска визија, нема стратегија и нема емпатија. Оваа влада, според СДСМ, има само лични интереси и работи само за себе, и за никој друг.
СДСМ бара итна интервенција, конкретни мерки за заштита на стандардот, а не како што велат, лажни ветувања и манипулации.
„Граѓаните не може повеќе да бидат жртви на неспособноста и ароганцијата на оваа власт“.