Министерството за животна средина како државен орган, мора да ги разгледа и да ги штити интересите на сите заинтересирани страни, што значи и на граѓаните и на потенцијалните инвеститори,

Министерството за животна средина како државен орган, мора да ги разгледа и да ги штити интересите на сите заинтересирани страни, што значи и на граѓаните и на потенцијалните инвеститори, но исклучиво во рамките на законите, рече министерот Абдилаќим Адеми во саботата на средбата со претставниците на компанијата „Метрудхем“, која има доставено писмо за намера за рестартирање на велешка Топилница.Писмото на „Метрудхем“ предизвика протести на сите здруженија и политички субјекти во Велес., па по неодамнешната средба со велешани, министерот Адеми  во директен разговор со претставниците на компанијата инвеститор се информираше и за размислувањата на  другата страна за да се надмине состојбата на дезинформираност и шпекулации со информации и да се создадат услови за максимално почитување и законите и функционирање на правната држава.На средбата, министерот Адеми го презентираше ставот на министерството кој беше искажан и во Велес на неодамнешната средба со невладините организации, со локалната самоуправа и со Одборот за спас на Велес, дека ќе се работи исклучиво во рамките на процедурата којашто е пропишана со закон и дека во оваа фаза не може да стане збор за каква и да е одлука или, пак, забрана.Дури по изработката и разгледувањето на Студијата за оцена на влијанието врз животната средина која ќе биде доставена од страна на „Метрудхем“, ќе може да се заземе конкретен став и да се донесе решение.Од друга страна и претставниците на „Метрудхем“, откако ја претставија сериозноста на својата компанија, ја искажаа подготвеноста да ја прифатат одлуката на министерството и на Владата на без разлика каква ќе биде, но откако ќе бидат сослушани.Директорот на Метрудхем, Тони Димитриевски, на средбата ја искажа намерата на компанијата, при изработка на Студијата за ОВЖС за рестартирање на Топилница, да се вклучат реномирани експерти од областа и навести употреба на најдобри достапни производствени техники прифатени и усвоени на ниво на Европската унија./крај/со/мф