Судскиот процес за убиството на тројцата полицајци на влезот на скопското село Арачиново што се случи пред 12 години, никако да добие судски епилог. На жители од селото им се суди оти според обвинението ги застрелале полицајците Кирил Петрушевски, Ацо Ангеловски и Ерол Готак.

Судскиот процес за убиството на тројцата полицајци на влезот на скопското село Арачиново што се случи пред 12 години, никако да добие судски епилог. На жители од селото им се суди оти според обвинението ги застрелале полицајците Кирил Петрушевски, Ацо Ангеловски и Ерол Готак. И продолжението од процесот што беше закажано за понеделникот, беше одложено. Судијата и инволвираните страни во процесот не стигнаа навреме во судница. Процесот е презакажан за во април. Тројното убиство што се случи на 11-ти јануари 2000 година, а за што им се судеше на Лирим Динарица, Рамиз Асани, Муча Бајрами, Башким Асани, Агим Асани и Наим Асани. Шестмината добија ослободителни пресуди поради немање докази, но Апелациониот суд по жалбата на Обвинителството ја укина првостепената пресуда.На повторената постапка Скопското обвинителство поднесе обвинителен акт и за уште едно лице, Емрула Емрулај, а постапката беше запрена за Агим Асани кој беше убиен пред Стоковната куќа „Илинден“ во февруари 2007. Судот се обидува да распраша неколкумина сведоци, но тие не доаѓаат во судот.Според обвинението, шестемина во доцните часови од заседа ги застрелаа полицајците Петрушевски, Ангеловски и инспекторот Готак, кои на влезот од селото учествувале во акција за пронаоѓање  украдени луксузни автомобили. Тројцата полицајци беа изрешетани од автоматско оружје, а под сè уште мистериозни околности, како што сметаат застапниците на оштетените, четвртиот полицаец, инспекторот Горан Новковски, инаку клучниот сведок, односно оштетен во случајот –  остана жив. Првообвинетиот Динарица во истражна постапка го призна делото и во детали го опиша настанот, но на судењето го смени исказот велејќи дека признанието во истрагата го дал под присила. Судскиот процес на почетокот се одвиваше под силно полициско обезбедување. Сега обвинетите се бранат од слобода. Во текот на овие неколку години се променија неколкумина судии кои го работат предметот./крај/км/мф/