Медијаторот во македонско-грчкиот спор за името, специјалниот пратеник на генералниот секретар на Обединетите нации (ОН), Метју Нимиц, во понеделникот по попладневната средба со македонскиот премиер Никола Груевски, изјави дека не донел нов предлог.

Медијаторот во македонско-грчкиот спор за името, специјалниот пратеник на генералниот секретар на Обединетите нации (ОН), Метју Нимиц, во понеделникот по попладневната средба со македонскиот премиер Никола Груевски, изјави дека не донел нов предлог.Разговорите со државниот врв на Република Македонија ги оцени како продлабочени, чијашто цел е изнаоѓање нови начини за одење напред. Медијаторот Нимиц, притоа изјави дека во разговорите со македонската страна препознал искрена желба за надминување на спорот со Атина.За евентуален нов предлог, Нимиц рече дека би размислил дури откако би ја посетил Атина и би ги слушнал ставовите на грчкиот државен врв.Нимиц порача дека надминувањето на спорот со името е и во интерес на регионот и е потреба и интерес на меѓународната заедница и на САД Запрашан дали до самитот во Чикаго на НАТО би понудил нов предлог, медијаторот на ОН во македонско-грчкиот спор за уставното име на Република Македонија, објасни дека никогаш не поставува крајни рокови и дека евентуалниот предлог ќе зависи од тоа дали има простор за такво нешто.Пресудата на Меѓународниот суд на правдата во Хаг, Нимиц не сакаше директно да ја коментира, меѓутоа порача дека таа се однесува на двете страни инволвирани во спорот, коишто треба да ја почитуваа согласно меѓународното право . За опсегот на разговорите, Нимиц, порача дека согласно документите на ОН, разговорите се однесуваат за името на државата. Според него, народот во „оваа држава има свој идентитет“ и не е негова работа да одредува нечиј идентитет./крај/мф/ач