Вкупно 404 случаи за корупција се решени од страна на Министерството за внатрешни работи во последните пет години, вели министерот за внатрешни работи Гордана Јанкулоска во интервју за српски „Нови магазин“.

Вкупно 404 случаи за корупција се решени од страна на Министерството за внатрешни работи во последните пет години, вели министерот за внатрешни работи Гордана Јанкулоска во интервју за српски „Нови магазин“.

Јанкулоска вели дека во овие случаи се пријавени вкупно 1.245 извршители, кои со своите нелегални активности го оштетиле Буџетот за 15,1 милијарди денари.

„Една од нашите основни определби при преземањето на власта беше ‘нулта толеранција за криминалот’. Се обврзавме дека ќе ја промениме дотогашната практика и дека ќе бидеме бескомпромисни и неселективни. Задоволна сум со она што го имаме постигнато, но повеќе сакам да говорам за фактите. За последните пет години имаме решено 404 случаи на корупција, за кои се пријавени 1.245 извршители, главно носители на јавни функции, службени и раководни лица. Тие најчесто со злоупотреба на службената положба и овластувања го оштетиле Буџетот и за себе стекнале противправна имотна корист од 15,1 милијарди денари или 245,5 милиони евра“, вели Јанкулоска за „Нови Магазин“.

Во интервјуто таа говори и за соработката на македонската и српската полиција. Посочува и на соработката во делот на спречувањето на азилантскиот бран кон земјите од Европската унија.

„Од април минатата година до денес на граничните премини кон земјите од западна Европа поминување на границата не е дозволено за 3.353 македонски државјани. Во истиот период службите на МВР, во соработка со Управата за јавни приходи, министерствата за транспорт и врски и за труд и социјална политика и со Државниот пазарен инспекторат се извршени 382 контроли во 109 туристички агенции, 37 претпријатија и 22 индивидуални превозници. Казнети се осум агенции, 20 претпријатија и 22 индивидуални превозници“, вели Јанкулоска во интервју за „Нови Магазин“. /крај/нм/ач