Македонија
Средби на Вељаноски со австралиски парламентарци

Претседателот на Собранието, Трајко Вељаноски, во рамки на петдневната посета на Австралија се сретна со членовите на Комисијата за надворешни работи и трговија на австралискиот парламент, со која претседава Мајкл Денсби, со заменик-лидерот на опозицијата Џули Бишоп, и со пратеникот Хери Џенкинс.
Претседателот на Собранието, Трајко Вељаноски, во рамки на петдневната посета на Австралија се сретна со членовите на Комисијата за надворешни работи и трговија на австралискиот парламент, со која претседава Мајкл Денсби, со заменик-лидерот на опозицијата Џули Бишоп, и со пратеникот Хери Џенкинс.
На средбата членовите на комисијата се интересирале за членството и придонесот на Македонија во НАТО и неговите мировни мисии, како и приоритетите на земјата во однос на добивање датум за пристапни преговори со ЕУ, потоа состојбата со човековите права во Македонија и соседните земји и во оваа насока и регионалните извештаи на Хелсиншкиот комитет посветени на малцинските права, економската состојба и главните развојни сектори во Македонија, стапката на невработеност, земјоделството и влијанието на климатските промени врз околината.
На средбата со Бишоп, заменик-лидер на опозицијата и министер за надворешни работи и трговија во сенка, претседателот Вељаноски се осврнал на билатералните односи меѓу Македонија и Австралија и признавањето на уставното име во билатералната комуникација, како и на можноста за отворање на амбасада на Австралија во Скопје. Дополнително, Вељаноски се осврнал и на еден од стратешките приоритети на Македонија – членство во НАТО, истакнувајќи го придонесот на земјата во мировните мисии во Авганистан.
Бишоп го потврди значајниот придонес на Македонија во мировните мисии на НАТО. Во однос на отворање на амбасада во Македонија и признавањето под уставното име, таа истакна дека со оглед на тоа што е во опозиција, писмено ќе се обрати до министерот за надворешни работи и трговија, штом ќе биде назначен.
Соговорниците ја поздравиле одлуката на австралиското МНР за исфрлување на терминот Славомакедонци наметнат со Директивата од 1994 и воведување на терминот Македонци во сите официјални документи. На крајот на средбата претседателот Вељаноски ја покани Бишоп да ја посети Македонија, за да ја запознае земјата од која доаѓа Македонската заедница во нејзината изборна единица.
На средбата Џенкинс станало збор за придонесот на Македонската заедница во австралиското општество, при што тој ги споделил впечатоците од неговата официјална посета на Македонија, особено нагласувајќи ги вредностите на мултиетничкото општество во земјата. Во однос на парламентарната дипломатија, Џенкинс истакна дека истата е одличен механизам за постигнување на целите и за разрешување на прашања кои ги засегаат гласачите.
Пратеникот Џенкинс се осврнал и на размената на студентите, особено на релација Австралија-Македонија, како и на имплементација на Договорот за одбегнување на двојно оданочување меѓу двете земји.
Членовите на македонската собраниска делегација го посетија соборниот храм „Св. Климент Охридски“ каде остварија средба со Македонската заедница во Канбера. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЗНМ: Апелите од Министерството за здравство се на граница на цензура

Здружението на новинари на Македонија (ЗНМ) со загриженост ја следи јавната комуникација на Министерството за здравство, во која се упатуваат апели до медиумите кои се ограничувачки по својата содржина и претставуваат обид за воспоставување на лоша институционална пракса во односите со медиумите.
„Како ЗНМ, го осудуваме обидот на Министерството да наметнува практични правила за тоа како медиумите треба да известуваат, особено кога тоа се однесува на чувствителни настани од јавен интерес. Таквите инструкции, иако формално претставени како апели, во суштина се форма на институционален притисок и можна цензура, што е спротивно на основните демократски принципи и правото на слобода на изразување“, велат од ЗНМ.
Потсетуваат дека членот 16 од Уставот гарантира слобода на јавното информирање и забрана на цензурата, а прашањата поврзани со новинарската етика и професионализмот припаѓаат исклучиво на саморегулаторната сфера. За тие прашања постојат Советот за етика во медиумите и Судот на честа при ЗНМ, кои се единствено надлежни да оценуваат евентуални повреди на етичките норми.
„Ги повикуваме новинарите и медиумските работници да продолжат да известуваат со професионализам, етика и чувствителност, особено кога се работи за трагични настани и ранливи групи. Но истовремено, укажуваме дека секој обид за институционално ограничување на пристапот до информации и начинот на известување е неприфатлив и штетен по јавниот интерес“, велат од Здружнието.
ЗНМ останува отворено за дијалог со институциите со цел унапредување на транспарентноста и заемната соработка, но цврсто стои во одбрана на уредувачката независност, медиумската слобода и правото на јавноста да биде информирана – како темелни вредности на секое демократско општество.
Македонија
Евакуација во Психијатриската болница Бардовци, пожарот го зафати дворот

Попладнево избувна пожар во населбата Геге кој се прошири кон населбата Бардовци и зафати дел од површината на дворот на Психијатриската болница Бардовци, обраснат со висока сува трева и дрвја.
Од Центарот за управување со кризи (ЦУК) информираа дека пожарот претставувал опасност да се прошири во целиот комплекс на болницата. Пациентите и персоналот веднаш биле евакуирани, безбедно изнесени надвор од кругот на болницата.
ЦУК под водство на директорот Мухамед Али, побарал дополнителни сили од Бригадата за противпожарна заштита (БППЗ) и координирал со Хеликоптерската единица на Министерството за внатрешни работи (МВР). Првично се разгледувала можноста за пренасочување на воздушната поддршка, која дејствувала во општина Чучер Сандево – Блаце, за да помогне во гаснењето на пожарот во Бардовци.
Во моментот, пожарот е ставен под контрола и нема потреба од дополнителна воздушна поддршка. Хеликоптерот на МВР останува ангажиран кај Блаце, општина Чучер Сандево.
На лице место, заедно со директорот на ЦУК, Мухамед Али, беше и директорот на болницата, Иса Абдулаи, кои ја координираа целата акција.
Македонија
Хеликоптер го гасне пожарот кај Блаце

Хеликоптер на Министерството за внатрешни работи е веќе вклучен во акцијата за гаснење на пожарот кој избувна над магистралниот пат Скопје – Граничен премин Блаце.
Пожарот избил на потегот пред тунелот, од десната страна на коловозот. Зафатил тежок и непристапен терен, па по дојава на бројот за итни случаи 112, Центарот за управување со кризи (ЦУК) веднаш побарал воздухопловна поддршка. Хеликоптерската единица бргу се активирала, а акцијата на терен се координира заедно со припадници на противпожарните служби и други надлежни институции.