Малолетници вчера биле нападнати од непознати лица од албанска националност во автобусите со број 64 и 57 и пред „Тинекс маркет“ на улица „Мирче Ацев“, соопшти МВР.

Малолетници вчера биле нападнати од непознати лица од албанска националност во автобусите со број 64 и 57 и пред „Тинекс маркет“ на улица „Мирче Ацев“, соопшти МВР.

Вчера околу 17,15 часот 5-6 непознати лица од албанска националност  нападнале петнаесетгодишник од Скопје со клоци и тупаници во главата и телото.  Малолетникот добил црвенило и оток на десното око.

Вториот напад се случил во 20.15 часот во автобус со број 64 кој сообраќал на релација од Скопје кон село Никиштане.

Кога автобусот пристигнал на последната станица две непознати лица од албанска националност напднале седмнаесетгодишник од село Волково. Му удриле еден шамар и еден бокс во десниот образ.

Според полицијата, нападот бил без повод и причина. Лицата му пришле на малолетникот го прашале од каде е и што бара таму и почнале да го удираат.Патниците во автобусот ги раздвоиле, а напаѓачите веднаш избегале.

Третиот напад се случил синоќа околу 23.30 часот на улица „Босна и Херцеговина“, на автобуската постојка пред старата општина „Бутел“ во автобус со број 57, кој сообраќал од Центар кон Радишани.

Десет до 15 непознати лица од албанска националност на возраст од 16 до 20 години претепале двајца малолетници, а на едниот му го раскрвавиле и носот.

Во трите случаи полицијата соопштува дека немало посебна причина за нападите. МВР работи на расчистување на случаите./крај/мвр/фф