Македонија
Последните инциденти – дел од разговорите на Фуле со македонските власти
Последните случувања на меѓуетнички план ќе бидат дел од темите за кои еврокомесарот за проширување Штефан Фуле ќе разговара со македонските власти во четврток, кога стартува претпристапниот дијалог на високо ниво меѓу Македонија и ЕУ, најави неговиот портпарол Петер Стано.
Последните случувања на меѓуетнички план ќе бидат дел од темите за кои еврокомесарот за проширување Штефан Фуле ќе разговара со македонските власти во четврток, кога стартува претпристапниот дијалог на високо ниво меѓу Македонија и ЕУ, најави неговиот портпарол Петер Стано.
Европската Комисија ги осуди последните инциденти и ги поздравија изјавите на политичките лидери, кои ја истакнале „посветеноста кон владеењето на правото“.
Европската Комисија, како што рече Стано, ја следи ситуацијата во земјата, посочувајќи дека, според нивните сознанија, државните и локалните власти веќе покренале детална истрага за случувањата.
Го нагласи уверувањето дека „клучните играчи во земјата, политичарите и граѓанското општество ќе присптапат внимателно кон емотивните последици и ќе побараат враќање на мирот во земјата“.
Најави дека спроевдувањето на Охридскиот рамковен договор, а во тие рамки и последните случувања во земјата, ќе бидат дел од разгворите.
„Спроведувањето на тој договор е важно и секако ќе биде една од клучните теми на дијалогот“, рече Стано на денешната прес-конференција во Европската Комисија во Брисел. /крај/бета/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Герасимовски: Воведуваме „Центарска картичка“ со попусти за културни, спортски настани, локали и продавници
Кандидатот за градоначалник на Општина Центар, Горан Герасимовски, денеска најави дека се воведува „Центарска картичка“ со попусти за културни и спортски настани, локали и продавници.
„Секој центарец добива еднаш годишно бесплатна карта за театарска претстава, а за секоја следна купена карта добива 20% попуст. Со картичката, овоможуваме и 20% попуст за натпреварите на нашиот најтрофеен клуб „Работнички“, како и попусти за влез на базен. На нашите центарци, на децата и возрасните им овозможуваме подобри услови и поволности“, рече Герасимовски.
Македонија
Почина Агим Јонуз
Политичкиот анлитичар, Агим Јонуз, почина во Скопје на 63 години по боледување.
Јонуз беше активен во политичкиот живот во Македонија не само како аналитичар и колумнист, туку и како поранешен советник и портпарол на поранешниот претседател на Собранието, Лупчо Јордановски и на поранешниот премиер Бучковски.
Во 2021 година Јонуз беше носител на листа на советници за Град Скопје предложен од „Твоја Партија“.
Јавноста го познаваше како чест гостин во политичките дебатни емисии на телевизиите.
Погребот на Агим Јонуз ќе се одржи утре, 26 октомври 2025 година, на гробиштата во Бутел.
Македонија
ВМРО-ДПМНЕ веќе има 35 градоначалници, рече Мицкоски по повлекувањето на опонентите од Могила и Македонски Брод, очекува 59
Премиерот и претседател на ВМРО-ДПМНЕ, Христијан Мицкоски од денешниот митинг во Неготино изрази увереност дека кандидатката од ВМРО-ДПМНЕ која има предност пред нејзиниот опонент од СДСМ, ќе биде следниот градоначалник на општината.
Мицкоски нагласи дека граѓаните јасно ја изразиле својата волја и доверба кон ВМРО-ДПМНЕ и Коалицијата, која во првиот круг освоила 33 градоначалници, наспроти тројца од СДСМ, а во вториот круг влегла во 26 општини.
„Веќе во две општини противниците на нашите кандидати се откажаа – Македонски Брод и Могила – така што во овој момент коалицијата има 35 градоначалници и уште во 24 општини е во втор круг. Тоа се 59 потенцијални градоначалници“, рече Мицкоски, додавајќи дека тоа ќе биде историски најголем триумф на македонската политичка сцена.
Тој посочи дека ВМРО-ДПМНЕ е апсолутен победник на овие избори, имајќи мнозинство и во 58 општински совети, а го истакна и водството на кандидатот за градоначалник на Град Скопје, со предност од над три спрема еден во однос на противкандидатот.
Мицкоски ги повика граѓаните масовно да излезат на гласање на 2 ноември и да го заокружат бројот 9, за, како што рече, да се потврди „најголемата победа во историјата на Македонија“.

