Македонија
Прво место за македонските дебатери на турнир во Будимпешта

Македонските дебатери Лазар Поп Иванов и Георги Велковски го освоија првото место на меѓународниот дебатен турнир Будимпешта Опен 2012.
Македонските дебатери Лазар Поп Иванов и Георги Велковски го освоија првото место на меѓународниот дебатен турнир Будимпешта Опен 2012.Домаќини на турнирот, што се одржа викендот на 3 и 4 март, беа дебатните клубови на Central European University и Corvinus University а учество земаа повеќе од 100 учесници од преку 30 земји од светот.Македонската делегација како учесник на овој турнир беше составена од 8 дебатери – членови на Младински образовен форум (МОФ). Распределени во тимови по двајца, Лазар Поп Иванов, Георги Велковски, Стефан Алексиќ, Стефан Ристовски, Катерина Васковска, Анте Гулин, Марија Василевска и Александра Живковиќ дебатираа на форматот Британска парламентарна дебата. По четири прелиминарни рунди во полуфиналето се пробија и два македонски тима. Во аудиториумот на CEU (Central European University) на полуфиналната рунда се сретнаа два од македонските тимови и се натпреваруваа против дебатери од Франција и Германија. Во полуфиналето се дебатираше на тезата „Овој дом би го забранил развојот на лекови за бришење на човековата меморија“. И покрај одличните говори на сите учесници во дебатата само два тима имаа можност да се квалификуваат во финалната рунда. Стефан Алексиќ и Стефан Ристовски го завршија натпреварот со солиден пласман на 3то место на полуфиналната дебата, додека вториот македонски тим и тимот од Франција како победници продолжија во финалната рунда.Финалната дебата се одржа во свечената сала на хотелот “Corinthia”, а тезата на која дебатираа финалистите од Германија, Словенија, Франција и Македонија беше „Овој дом верува дека насилните протести против социо-економска неправда во западните општества се оправдани“. Судискиот панел со одлука од 3 против 2 гласа одлучи дека првото место им припаѓа на нашите дебатери Лазар Поп Иванов и Георги Велковски. македонските студенти-дебатери се надеваат на добар успех и на претстојното Европско првенство кое годинава се одржува во август во Белград. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денеска до вторник топлотен бран во Македонија, се активираат препораките за заштита на населението

Министерството за здравство ја информира јавноста дека согласно прогнозите од УХМР и врз основа на акцискиот план за превенирање на последиците од топлотни бранови врз здравјето на населението 2025–2030 година, почнувајќи од денеска (петок, 4 јули) се активира фаза 3, што ќе трае до 08 јули, вторник.
На предлог на Министерството, Владата ги донесе следните препораки:
– Ослободување од работни обврски за бремени жени и лица постари од 60 години. Оваа препорака не се однесува на вработени во критичната инфраструктура (здравство, полиција, армија, транспорт, енергетика, јавни комунални претпријатија).
-Одложување на работниот процес во критичните часови (11:00–17:00) за работници изложени на директна топлина;
– Работа од далечина, флексибилно или двократно работно време, каде што е изводливо;
-Работодавачите да обезбедат микроклиматски услови за работа согласно акцискиот план: простории со температура до 25°C, освен таму каде што природата на работниот процес налага поинаку;
-Активирање на планови за вонредни услови, сите здравствени установи, установи за згрижување на стари лица и образовни институции да постапат согласно интерните протоколи за кризна состојба.
Мерките имаат за цел да обезбедат континуирана и ефикасна заштита на здравјето на населението преку превентивно дејствување и соодветна институционална подготвеност.
Македонија
Рекордна потрошувачка на вода во Скопје, неконтролирано се вадат бавчи и перат автомобили, велат од Водовод

ЈП Водовод и канализација – Скопје, согласно системот за мониторинг и мерење на дневната потрошувачка на вода констатира енормно зголемена потрошувачка на водата, особено во попладневните часови.
Конкретно на ден 23 јуни, дневната потрошувачка на вода изнесуваше рекордни 356.000 м3, што би значело потрошувачка од 700 литри вода по глава на жител.
Потрошувачката е предизвикана од неконтролирано трошење на водата за полевање на зеленило, бавчи и ниви, за перење автомобили, за полнење на базени. Воедно апелираат до сите граѓани на градот Скопје на совесно и рационално користење и употреба на водата.
„Апелираме до граѓаните на град Скопје, доколку забележат див приклучок, истиот да го пријават на 02 3073 010, [email protected] или www.vodovod-skopje.com.mk“, велат од Водовод.
Со дивите приклучоци се нанесува директна штета на системот за водоснабдување и на квалитетот на водоснадбувањето до сите корисници во град Скопје.
Македонија
Костадиновски на средба со Мартин Памер за предизвиците со кои се соочува Уставниот суд

Претседателот на Уставниот суд, Дарко Костадиновски оствари средба со Н.Е. Мартин Памер, амбасадор на Република Австрија.
Костадиновски го информираше амбасадорот Памер за актуелностите и предизвиците со кои се соочува Уставниот суд и го запозна со приоритетите во неговиот мандат.
На средбата беше изразено заедничко задоволство од унапредување на соработката помеѓу двата уставни судови за што претседателот Костадиновски предаде покана за претседателот на Уставниот суд на Австрија, Кристоф Грабенвартер.
Амбасадорот Памер истакна дека ќе се заложи за воспоставување на билатерална соработка меѓу двата суда, нагласувајќи дека високо ја цени посветеноста на Уставниот суд на Република Северна Македонија кој има круцијална улога во обезбедување на владеењето на правото и правната држава.