Македонија
28 јануари техничка влада, 28 февруари распишување на изборите доколку датумот е 8 мај, вели Џафери

Доколку партиите се договорат претседателските и парламентарните избори да бидат заедно и датумот да биде 8 мај, претседателот на Собранието, Талат Џафери, вели дека изборите треба да бидат распишани до 28 февруари, а во согласност со пржинскиот договор техничката влада треба да биде избрана еден месец претходно, односно до 28 јануари. Тој денес на брифинг со новинарите даде појаснување за роковникот.
„Ако се претпостави она што се шпекулира дека 8 мај би бил прифатлив за сите изборите да бидат заедно, претседателските и парламентарните, тогаш роковите се во рамките на минимум 70 и максимум 90 дена од распишување до одржување на изборите, во тој случај тие би се распишале 27-28 февруари. Ако изборите се одржат заедно, значи на 8 мај, како резултат на пржинскиот договор техничка влада би требало на крајот на јануари да е избрана. Значи на 27, 28 јануари да се избере техничка влада. Тоа се роковите во однос на она што би бил конкретниот датум за избори доколку е 8 мај. Појасно, само здравје“, рече претседателот на Собранието, Џафери.
Нагласи дека политичките партии во Собранието заеднички треба да го изберат датумот во рамките на она што го пропишуваат Уставот и законите, односно да се внимава на обврските од последните 60 дена од претседателските и 90 дена од парламентарните избори и на мандатите на двете институции.
Џафери претходно им даде рок на партиите до Нова година се усогласат и да изберат датум за изборите и најави дека ако дотогаш не се договорат тие, датумот за претседателските избори ќе го одреди тој.
Минатата недела и опозицијата и Владата во одвоени изјави посочија дека мај е соодветен период за заеднички, претседателски и парламентарни избори, но официјален договор сè уште нема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Да не се делиме пред надворешните фактори – Мицкоски повика на единство

Денес, кога нашиот народ стои пред нови предизвици, кога светот се обидува да нè дефинира и објаснува, мисијата на Свети Кирил и Методиј нè потсетува кои сме, изјави премиерот Христијан Мицкоски на прославата за Свети Кирил и Методиј во Црквата Света Софија.
Премиерот во обраќањето рече дека и на ваквите денови вообичаено во одредени кругови следи, се води дебата за тоа кои се Светите браќа, чии се, кому му припаѓаат, но нема никогаш да навлезе во таквата несуштествена реторика, затоа што ние самите не смееме да се поткопуваме себеси и најдобро знаеме кои сме, и од што сме создадени.
Мицкоски зборувааше и за надворешните напади, блокадите и негирањата со кои 30 години како држава се соочуваме. Вели дека овие напади се насочени кон разјадување на темелите на нашето постоење – нашето знаме, народ, химна, јазик, култура.
„Како човек и како претседател на Владата сум многу спокоен, затоа што знам кој сум, знам кои сме и што сме. И не треба да не вознемируваат таквите негирања, затоа што во глобалниот свет на поголеми и помали, на посилни и послаби, тоа е природен процес на докажувања. На помалите народи им преостанува да играат мудро и стабилно. А во однос на негирањата одговорот ќе го добијат и тие и сите други во оригиналните списи кои во оваа прилика се изложени на десетина метри од местото на овој мој говор. Со оригиналните ракописи на еден од многуте „големи“ за нашиот народ. Ѓоргија Пулевски еден од најзначајните личности во македонската историја, борец за национална самобитност, писател, револуционер и еден од првите што го истакнуваат постоењето на македонската нација и јазик, пред два века напиша: ‘Јас сум по народност Македонец, Македонците се народ, а не племе, и да сакаме да имаме свои книги, свој јазик и своја многу вековна историја’“, цитираше Мицкоски.
Премиерот се осврна и на домашните превирања, државните сопки кои ги правиме пред очигледните притисоци однадвор и ја истакна неопходноста за единство и обединетост. Да не се делиме пред надворешните фактори, и да не паѓаме во нивните очи преку математиката на броење на прозападни и происточни крвна зрнца, повика премиерот. Замислете, рече Мицкоски, позиција каде власта и опозицијата ќе делуваат единствено, нема да имаме внатрешни процепи, каде секој политички чинител, своите слабости и не поддршка од народот нема да ја надополнува преку попустливост пред оние предизвици коишто доаѓаат од надвор.
„Замислете каде ќе бевме сега доколку пред повеќе од 30 години направевме силни пактови со нашите стратешки партнери, западни сојузници, доколку тогаш и во сите години потоа не се делевме, не се каравме за стратешките цели и склучувавме пријателства од кој бенефит ќе имаа сите граѓани. Не одете подалеку, погледнете неколку од нашето соседство, кои имаа таков пристап, тие отидоа и подалеку и посилно, затоа што ги фатија и приграбија историските шанси. А да не заборавиме, додека сите тука заедно седиме во удобни одела, и меки седишта, во ниту еден момент не заборавајте дека народот живее тешко, мачно и некои процеси како иселувањето се многу болни и штетни. И ова не се случи од вчера, туку ова тивко умирање е најглавниот предизвик со кој мораме да се соочиме. Ова се проблемите со кои заспивам и се будам. Но воедно ова се проблемите за чие решавање треба сите заедно да работиме“, рече Мицкоски.
За да направиме квантни скокови, вели тој, потребно ни е градење на државно и национално единство. Подавање на рака, и клучна согласност за најважните прашања за татковината. Како што порача, нема поголем патриотизам од тоа да се обединиме за доброто на сите. Не за поединци, не за партии, туку за нашата татковина. Нашите победи се тивки, но длабоки, а ние сме нарок кој многупати бил потценет, но никогаш покорен. Народ кој чекори исправено, рече премиерот.
Македонија
Воените оркестри на Македонија и Вермонд, САД со заеднички концерт утре во Скопје

Утре, 25.05.2025 година во пресрет на вежбата „Immediate Response 25” воените оркестри од армиите на Република Северна Македонија и Вермонт, САД, ќе одржат едночасовен концерт во Парк на Франкофонија во Скопје, со почеток во 12 часот.
Како дел од армиската соработка на двете сојузнички армии, пред почетокот на поголемите вежбовни активности воените оркестри традиционално одржуваат заеднички концерти.
Потврдувајќи го тридецениското пријателство во духот на соработката реализацијата на заедничкиот концерт со армијата на Вермонт, дополнително ги зајакнува врските помеѓу двете сојузнички армии и држави.
Македонија
Немаат симптоми лицата кои биле во контакт со заразените со мајмунски сипаници

Контактите на лицата позитивни на мајмунски сипаници не развиле никакви симптоми на заболување.
Институтот за јавно здраваје информира дека нивни епидемиолози стапиле во комуникација со контактите и тие немаат симптоми, додека позитивните лица се во добра состојба.
Од тука велат дека нема нови сомнителни случаи кои што се испратени за тестирање, ниту нови позитивни случаи.
Институтот за јавно здравје денес отвара две нови телефонски линии за информирање за Mpox од кои едната за консултации на граѓани, а втората за консултација на здравствени работници
По двата потврдени случаи, се проценува дека засега ризикот за ширење на оваа болест во нашата држава останува низок.