Македонија
„Разбуди се„ ги осудува тенденциите за колективно обвинување на Албанците
Граѓанското Движење „Разбуди се“ изразува жалење по повод убиството на петтемина невини сограѓани во скопското село Смилковци и изразува сочувство до семејствата на жртвите на како што го нарекуваат „овој варварски чин“.
Ги повикуваат компетентните органи да ги изнесат пред лицето на правдата „авторите на ова криминално дело“ и апелираат до граѓаните да се воздржат од неодмерени реакции кои според нив, може да предизвикаат непредвидливи последици за стабилноста и безбедносната состојба во земјата.
„Разбуди се“ остро ги осудува тенденциите за колективно обвинување на Албанците за секоја негативна појава која се случува во земјата и бара од безбедносните органи да не дозволат расистичко-националистичко изживување кон Албанците од страна на групи кои се раководат од фашизоидни идеологии. Овие групи кои и се веќе добро познати на пошироката јавност, со своето делување се претворени во аргати на странските служби или на внатрешни реакционерни кругови кои што не и го сакаат доброто на Република Македонија и не се загрижени за иднината на земјата. На спомнатите групи им е повеќе него јасно дека оваа држава опстојува само благодарение на здравите меѓуетнички односи помеѓу двата народа кои го сочинуваат апсолутното мнозинство, и затоа постојано се обидуваат да ги нарушат и да ги отежнат овие односи провоцирајќи ги, сè со надеж дека ќе ги реализираат своите национал-шовинистички агенди“ се вели во реакцијата на граѓанското движење./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
До понеделник променливо облачно време со локални врнежи од дожд
Променливо облачно време со локални врнежи од дожд кои повремено ќе бидат пообилни. Процесите ќе бидат поинтензивни во форма на невреме со пообилен пороен дожд (над 30 l/m² за 24 часа), засилен ветер и појава на грмежи. Ќе дува умерен до засилен ветер од јужен, а долж Повардарието од југоисточен правец. Минималната температура ќе биде во интервал од 6 до 12, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува умерен до засилен југоисточен ветер. Минималната температура ќе се спушти до 10, а максималната ќе достигне до 16 степени.
Времето во наредните денови
Под влијание на влажна и нестабилна воздушна маса до понеделник ќе преовладува променливо облачно време со локални врнежи од дожд кои повремено ќе бидат пообилни. Процесите ќе бидат поинтензивни во форма на невреме со пообилен пороен дожд (над 30 l/m² за 24 часа), засилен ветер и појава на грмежи. Од вторник се очекува стабилизирање на времето.
Македонија
Гаши – Форнавре: Односите меѓу Шведска и Северна Македонија се темелат на заемно разбирање, доверба и почитување
Претседателот на Собранието, Африм Гаши, оствари средба со Делегација на Меѓупарламентарната група за пријателство Шведска – Северна Македонија на шведскиот Риксдаг, предводена од претседателката на Групата, Лота Џонсон Форнарве.
На средбата присуствуваше шведскиот амбасадор во нашата земја, Ола Солстром, како и претседателката на Пратеничката група на Собранието за соработка со Парламентот на Кралството Шведска, Дафина Стојаноска.
Претседателот Гаши ја истакна долгогодишната поддршка и пријателство на Кралството Шведска кон нашата земја, нагласувајќи дека односите меѓу двете држави се темелат на заемно разбирање, доверба и почитување.
Посебно беше изразено задоволство од формирањето на Групата за пријателство со Северна Македонија во шведскиот Риксдаг, што претставува важен чекор кон унапредување на парламентарната соработка.
Пратеничката Дафина Стојаноска упати благодарност за континуираната шведска поддршка за стратешката цел на нашата земја – полноправно членство во Европската Унија.
Се разговараше за остварување проекти во следниот период во повеќе области – земјоделство, бизнис, родова еднаквост, што ќе значи континуитет на поддршка и пријателство.
Присутните соговорници се согласија дека интензивната меѓусебна комуникација и размената на искуства придонесуваат кон приближување на државите и народите на Шведска и Северна Македонија.
Македонија
Даме Димитровски нов претседател на Советот на Град Скопје
Даме Димитровски е избран за нов претседател на Советот на Град Скопје. Тој кажа дека Советот ќе функционира во служба на граѓаните, со дијалог, транспарентност и отчетност.
„Денеска, на конститутивната седница на Советот на Град Скопје, сум избран за претседател на Советот. Благодарност до советниците за довербата и до скопјани за поддршката. Советот ќе функционира во служба на граѓаните, со дијалог, транспарентност и отчетност. Ќе бидеме активен чувар на јавниот интерес и ќе работиме доследно на спроведување на темелните политики: чист град, функционален јавен превоз, безбеден сообраќај, повеќе зеленило и современи јавни услуги“, рече Димитровски.

