Македонија
Вкупно 7.597 кандидати за 300 места во МВР
Вкупно 7.597 пријави пристигнале до Министерството за внатрешни работи на конкурсот за прием на 300 полициски службеници.
Во рамки на предводениот рок, што истече во средата, најмногу кандидати за вработување во МВР се пријавиле во СВР Скопје – 2049 (ПСОН Гази Баба 790, ПСОН Бит Пазар 658 и ПСОН Карпош 601), потоа во СВР Битола – 1176, СВР Штип – 882, СВР Куманово – 796, СВР Тетово – 776, СВР Охрид – 668, СВР Велес – 650 и СВР Струмица – 600 кандидати.
По завршување на огласот, ќе бидат доставени дописи до Секторите за внатрешни работи со кои ќе биде побарано истите да ги достават поднесените пријави во електронска верзија како и во хартиена форма до Секторот за заеднички работи и управување со човечки ресурси, по што ќе следува внесување на електронските податоци во софтверот за евидентирање на податоците и резултатите од јавниот оглас.
Следната фаза, како што информираат од МВР, ќе опфати изготвување на листа од страна на Комисијата по завршена административна проверка, односно листа на пријавени лица кои ќе бидат повикани на проверки на моторички способности.
Откако ќе бида завршена таа фаза ќе биде изготвен распоред на пријавените лица по кој ќе се вршат проверки на моторички способности, а ќе биде испратено и известување на пријавените лица за времето и местото на проверката, преку Секторите за внатрешни работи, односно надлежните организациски единици според живеалиштето на пријавените лица.
При проверките ќе бидат вклучени стручни лица од ЕСЗ и ЕБР, со цел проверка и оценување на постигнатите резултати од страна на пријавените лица.
Проверките ќе се одржуваат во Касарна „Ѓорче Петров“ и Касарна „Илинден“, просечно по 300-600 пријавени лица распоредени во два термини, претпладне од 07 до 10 часот и попладне од 18 часот до 21 часот.
По спроведените проверки ќе се изготви ранг листа од страна на Комисијата, врз основа на постигнати резултати од проверка на моторички способности, а кандидатите кои ги исполниле нормите, ќе бидат вклучени во следната фаза, односно писмено тестирање.
Писменото тестирање кое се состои од: психолошки тест, општообразовен тест и изработка на есеј. Оценување и бодирање на тестовите од писменото тестирање ќе се врши од Комисијата и стручни лица, по што повторно ќе биде изготвена на ранг листа од страна на Комисијата, врз основа на постигнати резултати од писмено тестирање.
По завршувањето на оваа фаза ќе следи интервјуирање на кандидатите. Известувањето на пријавените лица за времето и местото на спроведување на интервјуто, ќе биде со доставување на Известување и тоа преку Секторите за внатрешни работи, односно надлежните организациски единици според живеалиштето на пријавените лица.
Спроведувањето на интервју ќе биде од страна на Комисијата и повторно ќе биде изготвена ранг листа од страна на Комисијата, врз основа на постигнати резултати целокупна селективна постапка.
Последната фаза предвидена со агендата се здравствените прегледи.
Целата процедура на избор на кандидатите ќе заврши со изготвување на конечна ранг листа од страна на Комисијата. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на магистралниот пат Струмица – Дабиле
Од 04:20 часот сообраќајот на магистралниот пат Струмица – село Дабиле е нормализиран, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Министерката Јаневска ќе учествува на „Глобалниот конгрес за популација, здравје и човечки развој“ во Каиро
Министерката за образование и наука проф. д-р Весна Јаневска од 12 до 15 ноември ќе учествува на „Глобален конгрес за популација, здравје и човечки развој“ што по трет пат се одржува во Каиро, под покровителство на Претседателот на Египет, Абдел Фатах Ел – Сиси.
Предвидено е учество на министерката Јаневска на повеќе панел дискусии посветени на човечкиот развој, развој и примена на иновации со фокус на вештачката интелигенција, а ќе биде и воведен говорник на сесија посветена на неформалното образование како концепт на доживотно учење.
За време на конгресот, Јаневска ќе оствари билатерална средба со египетскиот министер за високо образование и научни истражувања, Мохамед Ајман Ашур.
Македонија
Неколку улици во Скопје денеска без вода
Од ЈП Водовод и Канализација известуваат дека денеска поради промена на затворач ф-125мм на крстосницата Индира Ганди/Гвадалахара, прекинато водоснабдување ќе имаат следниве улици; Гвадалахара, Индира Ганди, Метохиска, Јован Хаџи Шишко и Гарсија Лорка, општина Шуто Оризари.
Водоснабдувањето ќе биде прекинато од 09:00 часот до завршување со работните активности.
Од ЈП Водовод и Канализација исто така информираат дека денеска поради уличен дефект од ф 1” на улицата Прашка бр.50, со прекинато водоснабдување ќе бидат дел од корисниците од улицата Прашка од 09:00 часот до завршување на санацијата на дефектот.

