„Не сакаме да зборуваме агресивно за Егејска Македонија, за Бело Море, за неослободување, окупации и слично. Најлесно е некој човек да флертува националистички со такви идеологии, да зборува за борби за големи Македонии, и на крајот, што?“ – вели Павле Филипов Васкопулос, лидер на партијата на Макед

„Ние во Виножито делуваме принципиелно, имаме многу добри односи со нашите протерани Македонци што живеат и во Република Македонија и насекаде. Навистина имаме добри односи и настојуваме со сите луѓе што делуваат позитивно, било да се во Република Македонија или во Австралија, или во Канада и ние да контактираме и да напредуваме. Но од друга страна, најпринципиелно сакаме да имаме еквидистанца со сите политички, партиски структури во Република Македонија за да бидеме коректни и добри и да делуваме конструктивно“, додава Филипов Васкопулос.

Говорејќи за тоа дали ќе се обидат да комуницираат со новата грчка влада, Васкопулос вели: „Ние континуирано бараме, имаме барано и средби во грчкиот парламент со парламeнтарци, со структури кои би сакале да разговараат за овие теми. Но ова е страшнa табу тема, одбиваат континуирано сите овие години. Бараме чаре, да влеземе во институциите, да не бидеме априори непријатели, да не бидеме надвор од системот, маргинализирани како што ни прави државата сите овие години. Не е воопшто лесна оваа работа. Конкретно да ви кажам пример, праќаме апликации, покана за едно пониско ниво, како на пример за јазикот, што е полесна работа, ајде да не биде да зборуваме за малцинство. Туку да зборуваме за почитувања на различностите и за јазикот. Ние се обидовме со Министерството за образование да контактираме и да ги убедиме да го вклучат македонскиот јазик во грчкото образование во овие региони, во деловите каде сè уште е жив македонскиот јазик. За жал има целосно одбивање, не сакаат ни средби за оваа работа. И што правиме тогаш ние? Се обидуваме да го интернационализираме овој проблем -непочитување на другоста и идентитетот. Шетаме сиве овие години по Брисел, по Стразбур, по Женева, ги повикуваме експертите да дојдат во Грција, да видат каква е ситуацијата, па да ја притиснат Грција, кога веќе самата Грција и грчките власти не нè слушаат. Не сакаат воопшто да нè почитуваат, цело време нè маргинализираат, па не ли е време полека, полека да се најдат под притисок на странците“

На прашањето дали е оптимист за решавање на македонско-грчкиот спор, тој вели дека во оваа ситуација во која се наоѓа Грција, каде што системот се наоѓа во шок, воопшто не се зборува за овие теми, за националните прашања, без разлика дали е за односите со Турција, со Македонија, со другите соседни земји. Тешко ќе биде, додава тој. За мене ќе биде изненадување ако има напредок веднаш, надвор да се направи некое решение и да се реши оваа работа, уште повеќе со оваа структура. Мислам дека е познат ставот на Самарас и на старо-новата структура и тешко е да се очекува дека новиот премиер Самарас ќе направи страшна реформа, изјави Павле Васкопулос од Виножито во интервјуто за „Радио Слободна Европа“./крај/рсе/мф