Македонија
СРД побара да се исклучат БОМ ТВ и K-15 Music, се појави вистинскиот сопственик

Советот за радиодифузија побара од кабелските оператори да ги исклучат БОМ и K-15 Music во рок од седум дена, се додека не ги регулираат авторските права со сопственикот.
Денеска во Советот за радиодифузија на состанок дојде Австралијанецот Џон Јеремиќ кој тврди дека тој е вистинскиот сопственик на Best of Macedonia(БOM) и K-15 Music и дека писмото кое го испрати Sydney Community TV (SCTV) до СРД е фалсификат.
Сега ќе се испитува кој емитувал програма во Македонија со логото на БОМ и К-15 Music.
Јеремиќ тврди дека компанијата TV Plus Broadcasting Company PTY Ltd го откупила комплетниот бизнис на United Broadcasting International (UBI World TV), каналите, корисниците, лиценците за радиодифузија, веб страниците на UBI, BOM, К-15 music, како и сите поврзани марки.
„Бевме информирани дека некои лица, коишто тврдат дека ја претставуваат Sydney Community TV (SCTV), тврделе дека ги имаат правата за BOM, K-15 music и MIS TV. Ова претставување и писмото коешто наводно го потпишала г-ѓа Милена Миковиќ е измама. Лицето коешто е наведено, г-ѓа Милена, не го потпишала ова писмо, ниту била овластена нејзиниот потпис да стои на него. Освен тоа, би сакал да Ве информирам дека на локалната компанија „ИНТВАУ“ ДООЕЛ ОХРИД и’ дадовме застапувачки, маркетинг и агенциски овластувања“ се вели во писмото.
„Гостинот кажа дека програмата што се емитувала во Македонија на БОМ не е идентична со онаа во Австралија. Со ова се исклучува било каква политичка поврзаност на СРД за овој случај. Побаравме да бидат исклучени БОМ и К-15 Music до моментот додека не ги регулираат авторските права“ изјави претседателот на СРД, Зоран Трајчевски кој претпладнево имаше средба со Јеремиќ.
Според најавите во јавноста на БОМ ТВ, требаше да почне да се емитува програма на А3, проект на новинарот Ацо Кабранов.
Од синоќа на телевизијата АБ не се емитува програма, на екранот пишува дека телевизијата се продава.
Сопственикот на телевизијата, Бојо Андревски им кажал на вработените дека нема да ја плаќа лиценцата за емитување на програмата. Андревски има рок до понеделник да плати околу 30-35 илјади евра. Доколку не плати СРД ќе му ја одземе дозволата./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДСМ: Филипче нема никави инвестиции, ниту имот во ОАЕ

„ВМРО-ДПМНЕ во целосна безидејност продолжува да лаже иако претседателот на СДСМ, Венко Филипче јасно кажа дека не поседува никакви инвестиции ниту имот во Обединетите Арапски Емирати“, велат од СДСМ.
„Филипче поседува виза која не е добиена на основ на никакви инвестиции или сопственост на имот.
ВМРО-ДПМНЕ наместо да лаже во континуитет и да се обидува да дефокусира, треба да почне да реализира нешто за граѓаните кои од оваа власт осврн неспособност, лаги и напади на опозицијата ништо друго не виде веќе цела година“, соопшти СДСМ.
Македонија
Крушево домаќин на првото државно првенство во планински велосипедизам

Оваа сабота (17 мај) со почеток во 10 часот стартува премиерното издание на маратонот во планински велосипедизам ,,Krushevo MTB Challenge” во организација на Велосипедскиот клуб Енерџи и Велосипедската федерација на Македонија.
Во рамките на овој настан, ќе се реализира и Државното првенство во планински велосипедизам Маратон како дел од официјалниот календар на ВФМ и според пропозициите и критериумите на Светската велосипедска федерација УЦИ.
Натпреварувачите ќе имаат можност да одберат помеѓу мал маратон од 25км и голем маратон од 75км со вкупно искачување од 650 односно 2000 метри.
Признанија и награди ќе бидат доделени за сите возрасни категории и тоа: 18-29, 30-39, 40-49,50-59,60+.
Пријавувањето е отворено до 15 мај.
Македонија
Општина Центар објави повик за субвенции за санација на покриви и лифтови

Општина Центар-Скопје објавува Јавен повик за финансиска поддршка за поправка и санација на постојни кровни конструкции и лифтови во колективни станбени згради на нејзина територија, согласно Програмата за комунални дејности за 2025 година.
„Ги повикувам сите станбени заедници во Општина Центар кои имаат потреба од санација на покриви или поправка на лифтови да аплицираат и да ги искористат средствата што ги нудиме. Ова е можност да се подобрат условите за живеење, безбедноста и енергетската ефикасност во вашите згради,“ изјави градоначалникот Горан Герасимовски.
Финансиската поддршка изнесува 30% од вредноста на проектот, но не повеќе од 150.000 денари за кровови и 300.000 денари за лифтови, додека 70% од трошоците ги обезбедуваат сопствениците. Повикот се спроведува по принципот „прв дојден, прв услужен“.
Право на учество имаат заедници на сопственици или управители од Општина Центар чиишто станбени згради се постари од 15 години, со најмалку 70% населени станови. Потребна е одлука со потписи од 50% + 1 сопственик, како и комплетна документација според условите наведени во повикот (договори, понуди, фотографии, технички извештај и др.).
Пријавите се поднесуваат во затворен плик, во Архивата на Општина Центар (барака 6) или по пошта, на адреса: ул. „Михаил Цоков“ бр. 1, Скопје, во периодот од 10 мај до 30 јуни 2025 година, секој работен ден од 09:00 до 15:00 часот.
Заинтересираните жители може да се информираат на веб-страницата www.centar.gov.mk.