Македонија
Непречен сообраќај по влажни коловози

Сообраќајот на сите магистрални и регионални патни правци низ државата се одвива без забрани, по наместа влажни коловози.
Се препорачува поголема внимателност на патните правци Дебар – Струга, Маврово – Дебар, Катланово – Велес и Демир Капија – Удово каде има почеста појава на одрони кои може да го попречат движењето на возачите. На делниците низ клисурите и на повеќето мостови долж речните текови има појава на утринска магла и се препорачува прилагодена брзина на движење.
Повнимателно управување со возилата е потребно и на магистралниот пат М-1 делница Катланово – Велес, каде се одвиваат работи за реконструкција на патот за што има поставено соодветна сообраќајна сигнализација.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од Македонија.
Од 15.11.2012 год. стапи на сила законската обврска за поседување на зимската опрема во возилата, без оглед на моменталната временска состојба. Оваа обврска трае до 15.03 наредната година. /крај/амсм/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Посебно место на гробиштата во Кочани за починатите од пожарот во дискотеката „Пулс“

Гробиштата во Кочани се прошируваат поради големиот број починати во пожарот од дискотеката „Пулс”.
Жртвите ќе бидат погребани во посебен дел од кочанските гробишта.
„Ројтерс“ објави видео од багерите кои веќе се на терен и ги копаат гробните места.
Претходно, од општина Кочани соопштија дека на колегиумот што се одржал утринава, упатена е препорака до Управниот одбор на КЈП Водовод да донесе одлука за проширување на парцелите во Градските гробишта и да се определи посебно место за починатите во пожарот.
Исто, упатена е препорака и да се донесе одлука за бесплатно доделување парцели за починатите и за погребните услуги коишто се во надлежност на КЈП Водовод, соопшти Општина Кочани.
Во пожарот загинаа 59 млади луѓе, осомничени се 22 лица, а Обвинителството бара краткотраен притвор за 14 лица.
Македонија
Утре започнува теренска контрола на сите субјекти регистрирани како кабаре или дискотеки, најави Мицкоски по средбата со Стојаноски и Дурмиши

Претседателот на Владата Христијан Мицкоски денес имаше координативен состанок со директорот на Државен пазарен инспекторат Влатко Стојаноски и министерот за економија и труд Бесар Дурмиши на кои се разговараше за досегашните постапки кои се преземани од надлежните институции и опсежната анализа за сите субјекти регистрирани како кабаре или дискотеки, ноќни клубови итн.
Од неговиот кабинет информираат дека во текот на утрешниот ден започнува теренска контрола на сите субјекти по што ќе се излезе со детални информации.
Македонија
Имаше очи што зборуваат, Сарке мила, ќе те паметам дур дишам: Игор Џамбазов се прости од Сара Пројковска

Јавните личности продолжуваат да се простуваат од своите колеги, пријатели и соработници кои трагично го загубија животот во пожарот во дискотеката Кочани.
„Имаше очи што зборуваат. На земја те соборуваат. А под нив една насмевка вредна вечност.
Сарке мила, ќе те паметам дур дишам“, напиша во прошталната порака на социјалните мрежи Игор Џамбазов за Сара Пројковска која го изгуби животот во пожарот.