Лекарите во четвртокот побараа прием кај претседателот Ѓорге Иванов и претседателот на Собранието, Трајко Вељаноски.

Членови од Самостојниот синдикат на клиничкиот центар ги доставија до овие институции барањата поради кои штрајкуваат.

Меѓу барањата тие им доставија и примероци од турскиот и американскиот модел на плаќање по учинок, за да се направи споредба каков е овој модел во овие земји и како се применува во Македонија.

Се очекува во петок, лекарите своите барања да ги достават и до премиерот Никола Груевски. Лекарите веќе 14 дена штрајкуваат против моделот „плаќање по учинок“ и бараат зголемување на платите.

Медицинските сестри од скопските клиники, кои се приклучија на штрајкот на лекарите пак изјавија дека добиле допис од Самостојниот синдикат за здравство, фармација и социјална заштита дека до Министерството за здравство поднеле предлог за промена на колективниот договор со кој треба да се намалат бодовите за пресметка на платите на медицинските сестри, а да се зголемат на лекарите.

Претседателот на Самостојниот синдикат на здравство, фармација и социјални работи при ССМ, Љубиша Каранфиловскика пак негира дека дал таков предлог до Министерството за здравство.  Според него, нивниот предлог е за да се разграничат коефицинетите за плата меѓу лекарите и сестрите за да се постигне соодносот еден спрема два./крај/фф