Македонија
Ставрески очекува буџетот да биде донесен до крајот на годинава

Вицепремиерот и министер за финансии Зоран Ставрески очекува буџетот за 2013 сепак да се донесе до крајот на годината.
Тој истакна дека Владата веќе нема намера да ги прифаќа уцените на опозицијата.
„Со ултиматум и уцени не се гради демократија. Опозицијата настојува да ги држи во заложништво и државата и граѓаните и да создаде општ хаос“, рече Ставрески.
Владата, според Ставрески, досега дала четири предлози за да се постигне договор со опозицијата, но таа ни прифатила ниту еден.
Во врска со обвинувањата на Сдсм дека владата тајно се задолжила за нови 100 милиони евра, Ставрески вели дека станува збор за елементарно неразбирање на функционирањето на буџетот.
„Секој прибран денар во буџетот се враќа во економијата и сите средства кои доаѓаат во буџетот се исплаќаат на фирмите за поврат на ДДВ на градежните компании за извршени работи, за субвенции за земјоделците, за изградба на болници и училишта. Така работат и владите на Франција, Германија, Италија, така работи и Владата на Република Македонија“, рече Ставрески./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: Апасиев да остане доследен до себе и да побара Мециновиќ да си поднесе оставка

ВМРО-ДПМНЕ го прашува Апасиев од Левица дали ќе побара оставка од Мециновиќ сега кога се кандндира за градоначалник?
„Дали Апасиев ќе побара од Мециновиќ да си поднесе оставка од пратеник сега кога се кандидираше за градоначалник, како што бараше претходно? Очекуваме Апасиев да остане доследен до себе и да побара Мециновиќ да си поднесе оставка“, велат од ВМРО-ДПМНЕ.
Од партијата пренесуваат изјава на Апасиев во која вели дека пратениците кои се кандидирале за градоначалници треба да поднесат оставка.
Партијата Левица денеска соопшти дека нејзин кандидат за градоначалник на Скопје ќе биде пратеникот Амар Мециновиќ.
Македонија
Поместени граници во ортопедска трансплантација – извршена најсложена трансплантација на коска на Клиниката за ортопедија

На Универзитетската клиника за ортопедија успешно е изведена најсложената трансплантација досега, со што се поместени границите на современата ортопедска хирургија кај нас соопшти Министерството за здравство.
Пациент, маж на 64-годишна возраст, со втор рецидив на миксоиден липосарком на левата натколеница, беше подложен на ресекција на средишниот дел од бутната коска, реконструкција со графт од кадавер и фиксација со клин.
Операцијата беше во два акта – во вториот имаше пластична реконструкција која ја изведе тим предводен од д-р Томислав Јовановски. Првиот хируршки тим го предводеше проф. д-р Милан Самарџиски, со учество на спец. д-р Бојан Будиќ, д-р Теодора Тодорова и д-р Гоце Гулески. За анестезија беше одговорна проф. д-р Јасминка Нанчева, со анестетичар с. Јована Илиева.
Во операционата сала активно придонесоа инструментарките Ерзен Муртезани и Татјана Дукадиновска, болничарот Дардан Синани и рентген техничарот Силвана Станковска.
„Со овој зафат се поставува нова референтна точка во домашната ортопедија и се потврдува капацитетот на македонските хируршки тимови за изведба на интервенции од највисок степен на сложеност“, велат од МЗ.
Македонија
Муцунски: Владата работи на европската интеграција, ред е и ЕУ да покаже посветеност

Во интервју за NewsMax Balkans, министерот за надворешни работи и надворешна трговија, Тимчо Муцунски, зборуваше за европската интеграција на државата, регионалните прашања, членството во НАТО, партнерството со ЕУ во сферата на безбедноста и одбраната, како и за странските инвестиции.
„Подготвени сме да ги завршиме тешките реформи – и веќе тоа го правиме. Со тоа јасно го демонстрираме стратешкиот правец во кој се движиме. Но време е и Европската Унија, нејзините институции и земји-членки, да покажат подеднаква посветеност на нашиот европски пат,“ изјави министерот Муцунски.
Тој нагласи дека Владата е посветена на европската интеграција преку спроведување на реформи и исполнување на мерливи критериуми што самата Унија ги поставила, но дека е потребна одлучност, фер пристап и предвидлива патека за напредокот на земјата и додаде дека државата црвсто стои на своите стратешки приоритети членството во НАТО, посветеноста на патот кон Европската Унија и стратешкото партнерство со САД.
Министерот се осврна и на членството во НАТО и придонесот на државата кон регионалната, европската и глобалната безбедност, вклучително и преку Партнерството за безбедност и одбрана меѓу Македонија и ЕУ, договорите за стратешко партнерство со Обединетото Кралство и Унгарија.
Во делот на економијата, министерот истакна дека според најновите статистики, Северна Македонија е лидер во регионот и во Европа по обем на странски инвестиции во однос на БДП.
„Граѓаните и бизнисите сакаат резултатите да ги почувствуваат и на терен. Најчесто бенефитите од големите инвестиции се видливи по шест месеци до една година, преку нови и подобро платени работни места, зголемена продуктивност и соработка со домашни компании,“ додаде Муцунски.
Тој посочи дека Министерството за надворешни работи и надворешна трговија, во координација со Дирекцијата за ТИРЗ, работи на обезбедување сигурност и поддршка за странските инвеститори, со крајна цел граѓаните да го почувствуваат ефектот на инвестициите во нивниот животен стандард.
„Ветувам дека ќе работиме уште посилно за да се позиционираме уште подобро во следното мерење наредната година,“ заклучи министерот Муцунски во интервјуто за NewsMax Balkans.