Контакт

Македонија

30 години се префрла топката „вие сте криви“ – Дебата на кандидатите за Ѓорче

Објавено пред

Најмногу е вложено во Ѓорче Петров, споредено со последните 20 години. Ова го смета актуелниот градоначалник на општината и кандидат за нов мандат од СДСМ, Александар Наумоски. Тој во дебатата со противкандидатите на „А1он“ и „Макфакс“ кажа дека за реализација  останале уште 20 проценти од програмата за  Ѓорче да нема повеќе кал.

„Ќе имаме ново училиште во населбата Александрија, кое ќе биде најмодерно, ќе ги прошириме училиштата, имаме нова градинка со прифатена апликација во Ново Село. Уредување на кејот на Лепенец, локалитетот во Кучково. Сите овие се капитални проекти во Ѓорче. Капацитетите на Ѓорче треба да се искористат. По клиничкиот центар, ќе се смени економско-социјалната карта. Ќе нема невработен човек.  500 милиони евра, медицински туризам, топлата вода да се искористи за бански туризам. Доградени градинки, сменети кујни, азбестни кујни. Не е само да се каже дека во Ѓорче е катастрофа. Се прави најмодерна градинка. Лесно е да се каже дека ништо не функционира“, рече Наумоски.

Александар Стојкоски, кандидат на ВМРО-ДПМНЕ, тврди дека по неговото доаѓање во општина Ѓорче Петров, доколку победи на изборите, ќе ги реши проблемите на жителите. Посочи дека во првите месеци цело Кучково ќе добие вода, веднаш ќе започне со работа за да се отстрани депонијата во Ново Село, најави канализација за Никиштани и Орман. Според него, треба одржлив развој во општината. Тој рече дека има повеќе проекти за животната средина, но и за инфраструктурни зафати. Му замери на актуелниот градоначалник Наумоски околу неговите ветувања.

„Вака со ‘ќе направиме, ќе направиме’ граѓаните веќе немаат простор за тоа ‘ќе’, да чекаат постојано. Треба  да им е јасно на граѓаните дека нема проект за клиничкиот центар, нема ниту идеен проект за него. Никој не знае како ќе изгледа. Ниту еден проект не е нов, сите се наследени проекти, а тие на некој начин се обидуваат да ги доработат. Во никој случај не би се спротивставил на одлуката клинички да се гради во Ѓорче Петров, ниту на тоа што значи развој на општината. Според моите информации, се работи на изнаоѓање нова локација за клинички. Околу делот на инвестициите сакам да напоменам брз развој на постоечките и дефинирање на нови инфраструктурни зони. Со изградена инфраструктура. На голи полиња многу тешко е да се најдат инвеститори“, рече Стојкоски.

Прва зелена општина да биде Ѓорче Петров е планот на Љупчо Јаневски. Според него, општината треба да се заштити од лошо урбано планирање и да се направи примамливо место за луѓето да се доселуваат и додава: „Не ние да одиме на кафе од Влае натаму, туку тие да ни дојдат во Ѓорче“.

„Треба да се вложува во администрацијата, треба да се едуцира, треба  што повеќе да генерираме млади луѓе кои ќе се ангажирани. Една од моите мисии во однос на инвеститорите кои ќе одлучат да инвестираат е 80 отсто од вработените да бидат од Ѓорче. Општината треба да учи бидејќи таа треба да се надградува со тимови кои ќе работат на меѓугранични проекти, проекти од Светска банка, ЕУ, проекти кои ќе донесат дополнителни средства во општината. Ние одлично ќе се бориме за Ѓорче. Велиме дека сите сме тука за Ѓорче. Доста се 30 години. Ако сакаме велосипед – од Влае натаму, ако сакаме маратон до Влае па да се враќаат назад, ако сакаме кафе – од Влае натаму. Ајде да работиме за Ѓорче. За сè има решение. Мое – твое, лево-десно, наше-ваше, доста е. За еден мандат може да се реши проблемот со депонијата во Ново Село“, рече Јаневски.

Сашо Панговски смета дека иста невладина организација ги тренира ВМРО-ДПМНЕ и СДСМ да победат на избори и затоа во Ѓорче Петров ништо не се решава. Тој посочи дека во неговата програма има проекти, а за дел од нив не треба да се потроши ниту денар за да се реализираат.

„Не се проблем парите. Проблем е коалицијата на Мицкоски и Заев, кои го јадат колбасот на маса, најверојатно печен на  контејнерите пред црквата во Ѓорче. Како што гледате, ова се среќни луѓе. Тие се среќни затоа што си помагаат едни со други. Тој бил 5 години во совет, другиот бил 4 години градоначалник, едниот должи 5 милиони, другиот должи 3 милиони. Заедничката нишка е што овие двајца луѓе од ДПНЕ и СДС одговараат на Мицкоски и Заев. Кога едниот или другиот ќе дојде на власт, целиот буџет на општината оди во раздолжување на мандатот“, рече Панговски од ТМРО.

Според Александар Димитријевиќ од Левица, Ѓорче е најдобрата општина која може некој градоначалник да ја добие за работа. За него, штета е идниот градоначалник да ја пропушти можноста да ја направи општината најдобра во Скопје.

„Ние не сме против градење, туку да има планско. Да видиме кој дел од Ѓорче како може да се развива. Многу поважно е точка еден од програмата да се замени со точка два. А точка еден да биде освестување на граѓаните во Ѓорче, кои ќе имаат верба во општината, кои ќе имаат надеж дека во Ѓорче може да владее правото. Како ќе носиме инвеститори кога администрацијата е на најниското ниво од сите општини. Сакам да дадам свесност, односно визија за Ѓорче како тоа може да се рашири, како да се искористат тие индустриски зони кои многу слабо функционираат. Ѓорче има природа која ја немаат другите општини. 30 години се префрла топката, вие сте криви, па вие сте криви. Локалната самоуправа е држава во мало. Префрлањето на топката за комуналните проблеми мора да е минато. За комунални проблеми да нема решение во 21 век, треба да ја дадеме општината на друг да ни ја води“, рече Димитријевиќ од „Левица“.

Македонија

Од Атина упатен повик, претставниците на законодавните домови да се заложат за мерки за безбедна и здрава животна средина

Објавено пред

Европската конференција на претседатели на парламенти која се одржува во Атина на 21 и 22 октомври, во организација на грчкиот парламент и Парламентарното собрание на Советот на Европа, на која учествува претседателот на Собранието на Република Северна Македонија, Талат Џафери, ја отворија претседателот на грчкиот парламент, претседателот на Парламентарното собрание на Советот на Европа и генералната секретарка на Советот на Европа.

Воведничарите, изразувајќи задоволство поради физичкото присуство на 48 претседатели на парламенти, ја истакнаа важноста на темите за кои ќе се дебатира во текот на дводневниот самит и предлозите кои би требало да се упатат до владите за преземање  активности со цел надминување на денешните предизвици. Во однос на темата за споделување искуства за предизвиците кои пандемијата со Ковид-19 ги наметна врз демократиите и за решавањето на слични кризи во иднина, беше подвлечена важноста на парламентите како гаранти на демократијата во време на криза и беше поздравен фактот што повеќето парламенти успеаја да ги обезбедат неопходните прилагодувања на нивните правила и процедури со цел да продолжат да ги извршуваат уставните улоги за време на пандемијата.

Во освртот улогата на парламентите и правото на здрава и одржлива животна средина, беше упатен повик претставниците на законодавните домови да се заложат за усвојување мерки со кои ќе се обезбеди правото на безбедна, чиста, здрава и одржлива животна средина, вклучително и преку дополнителен протокол кон Европската конвенција за човекови права, кој треба да биде правно обврзувачки за земјите членки. Експлицитното признавање на правото на здрава и одржлива животна средина во Европа како и во другите региони во светот, ќе го отвори патот за решителна акција и на европско и на национално ниво.

Според агендата, претседателот Џафери ќе се обрати на вториот ден на Конференцијата, на темата „Заедничката иднина на сите европски граѓани“, а на маргините на Конференцијата предвидени се средби со домаќинот, претседателот на грчкиот парламент и со потпретседателката на шведскиот парламент.

Прикажи повеќе...

Македонија

(Видео) Шилегов: Срамна е црната кампања против мене, со овој документ целосно ја побивам

Објавено пред

Денеска ќе зборувам за недозволивата и срамна црна кампања која против моето семејство и мене ја води ВМРО-ДПМНЕ, истакна кандидатот за втор мандат за градоначалник на Скопје, Петре Шилегов.

„Таа кампања господине Мицкоски и госпоѓо Арсовска е под секое цивилизирано ниво. Тоа што го правите е една од најлошите карактеристики на политичарите. Кога аргументи за работењето не постојат, тогаш лагите ги користите како единствен начин за битка“, посочи Шилегов обраќајќи им се на противкандидатката Даниела Арсовска и претседателот на ВМРО-ДПМНЕ.

Тој изрази жалење што партијата ВМРО-ДПМНЕ, како што рече, останала доследна на политиката на измама и злонамерни конструкции.

„Денес сум тука со документи да ги демантирам сите прес-конференции на ВМРО-ДПМНЕ и сите зборови искажани од митинзите за тоа колку и како сум ја злоупотребувал мојата функција и незаконити приходи. Овој документ, кој патем е изработен токму на барање на ВМРО-ДПМНЕ од страна на УЈП, потврдува дека мојата имотна состојба и сè што поседуваме јас и моето семејство е еднаква и соодветствува со пријавените приходи и платени даноци. Овој документ потврдува дека ниту еден денар повеќе од она за што сум го пријавил и за што сум платил данок немам потрошено“, нагласи Шилегов, кој побара од своите политички опоненти да престанат да користат лаги и изрази жалење што тоа е нивната единствена агенда.

Шилегов на крајот упати апел до граѓаните да се обединат и масовно да излезеат на гласање со цел, како што рече, да потврдат дека Скопје продолжува напред.

Прикажи повеќе...

Македонија

Арсовска: Со 250 нови екоавтобуси до подобар градски превоз

Објавено пред

Во 30-минутното возење низ Скопје можевме да приметиме дека непријатно е возењето, посебно кога станува збор за дупките по улиците и неизбалансираните шахти, поради кои се оштетуваат возилата, што ќе биде како проблем решено во првите 82 дена од мојот мандат. Непоходно е Скопје да добие бесплатен јавен превоз и нови екоавтобуси. Тоа е најбрзото и најсигурно решение за јавниот превоз во Скопје за разлика од БРТ проектот кој значи дополнителни инфраструктурни проекти и со тоа реализацијата ќе трае со години. Не ни треба решение за само дел од Скопје, бидејќи решенијата мора да се однесуваат на сите делови на Скопје“, изјави независната кандидатка за градоначалник на Скопје, Данела Арсовска, по возењето во градски автобус низ улиците на Скопје.

Арсовска посочи дека на скопјани им е доста од делумни решенија и се обврза на итно решавање на нивните проблеми.

„Ако бил толку добар БРТ-проектот зошто се покажа дека сега треба да се интервенира на мостот Обединети нации, зошто дополнително да се сече зеленилото на Партизанска, зошто да се имплементира решение што не е за цело Скопје“, истакна таа.

Проектот за екоавтобуси, според Арсовска ќе реши многу проблеми, а во исто време ќе направи ред на возење каде интервалот на доаѓање на автобуси ќе се скуси за да биде превозот побрз и почест.

„Тоа ќе значи помал метеж во автобусите. Во исто време ќе се воведат и почести ноќни линии за викендите. За овие решенија не требаат месеци, а да не зборуваме години, како што е менување на возен ред, ама кај нас и за едноставните нешта се чека со години“, додаде Арсовска.

Ги повика и граѓаните да дадат свое мислење за овој проект, затоа што според неа тие се главните сведоци на лошо менаџирање на ЈСП поради непродуктивни трошоци, непостоење систем за брз и ефикасен превоз кој само во првата половина од 2021 година има загуба од 139 милиони денари.

Прикажи повеќе...

Најново

Македонија1 час

Единствениот лек против Ковид-19 ќе биде достапен и во Македонија

Министерството за здравство ја информира јавноста дека ќе го набави лекот „молнупиравир“, единствен лек против Ковид-19. Министерството стапило во контакт...

Европа2 часа

(Видео) Силно невреме ја парализира Западна Европа – 250.000 луѓе во Франција останаа без струја

Околу 250.000 француски домови останаа без струја, а поради силните ветрови сообраќајот е во прекин во делови од северна Франција,...

Македонија3 часа

Во текот на вчерашниот ден се вакцинирале над 2.000 граѓани

Во текот на вчерашниот ден аплицирани се вкупно 2.919 дози вакцини, од кои 565 се аплицирани како прва доза, 1.286...

Топ5 часа

Пресечен меѓународен транспорт на дрога од Албанија за Грција, вреден 200.000 евра

Во заедничка полициска акција на полициски службеници од Одделот за криминалистичка полиција – Сектор за недозволена трговија со дрога, оружје...

Свет5 часа

(Видео) Експлозија на гас уништи цел ресторан во Кина, има загинати и повредени

Најмалку тројца луѓе загинаа, а повеќе од 30 се повредени во експлозија на гас во ресторан во градот Шенџијанг во...

Свет5 часа

Трамп го возвраќа ударот – најави отворање на нова социјална мрежа

Поранешниот претседател на САД, Доналд Трамп објави дека ќе отвори своја социјална мрежа наречена Truth Social, откако во јануари беше...

Свет5 часа

Мелбурн се подготвува да излезе од најдолгиот „локдаун“ во светот

Милиони луѓе во Мелбурн се подготвуваат да излезат од најдолгото затворање поради Ковид-19 во светот, иако бројот на случаи сè...

Економија16 часа

Биткоинот достигна досега највисока цена

Биткоинот денеска достигна рекордна цена, во моментот е над 66.000 долари. Криптовалутата се зголеми над претходниот максимум од 64.889 долари...

Свет19 часа

Ужас во Франција – пронајдено обезглавено тело на маж со извадена утроба

Тело на маж без глава и отстранета утроба е пронајдено во малиот француски град Болен. Полицијата интензивно трага по Алекс...

Македонија20 часа

Мицкоски: Заев ништо не разбрал, народот е веќе обединет, но против него

Зоран Заев ништо не разбрал. Зоран Заев само ја повторува истата прес-конференција од лани кога исто така лажеше дека ја...

Македонија21 час

(Видео) Заев: Свесни сме дека повеќе нема толеранција за повторување на истите грешки

Претседателот на СДСМ и премиер, Зоран Заев, смета дека не може да влечат назад, а Владата да води напред. Затоа...

Топ22 часа

Со ремен ја тепал сопругата, замавнал со нож кон ќерката, гостиварец вршел семејно насилство

43-годишен гостиварец е обвинет за семејно насилство, информираа надлежните. Основното јавно обвинителство Гостивар поднесе Обвинителен предлог против 43-годишен гостиварец за...

Македонија23 часа

Починати 15 лица, регистрирани нови 487 случаи на Ковид-19

Министерството за здравство информира, согласно податоците од Институтот за јавно здравје дека во последните 24 часа се направени 3.491 тестирањe,...

Македонија24 часа

Борел и Блинкен бараат без одлагање почеток на преговори за Македонија

Во заедничката изјава за Западен Балкан, европскиот министер за надворешни работи, Жозеп Борел, и американскиот државен секретар, Ентони Блинкен, повикаа...

Македонија1 ден

Гир: Европската комисија очекува прва Меѓувладина конференција до крајот на годинава

Извештајот доаѓа во контекст на неодамнешниот Самит на Европската Унија за Западен Балкан, каде се даде недвосмислена поддршка за европерспективата...

Свет1 ден

Во Израел откриена мутација на делта-сојот од коронавирус, момче сместено во карантин

Израел го потврди првиот случај со мутација на делта-сојот на коронавирус, кој претходно беше откриен во некои европски земји, објави...

Македонија1 ден

Со една доза вакцинирани се 49,4% од населението над 18-годишна возраст

Заклучно со 17 октомври со една доза на вакцина против Ковид-19 вакцинирани се 49,4% од населението над 18-годишна возраст. Кај...

Македонија1 ден

Пендаровски: Извештајот на ЕК претставува објективна слика за состојбите во државата

Претседателот Стево Пендаровски денеска имаше средба шефот на делегацијата на Европската Унија, амбасадорот Дејвид Гир, кој му го предаде извештајот...

Македонија1 ден

До ДИК поднесени 13 приговори за изборните резултати

До Државната изборна комисија се поднесени 13 приговори за постапката за гласање и за постапката за сумирање и утврдување на...

Спорт1 ден

Потврдено: Ако не се вакцинира, Ѓоковиќ нема да игра на Австралија опен

Најдобриот тенисер во светот, Новак Ѓоковиќ, нема да може да ја брани титулата на Австралија опен, доколку не се вакцинира....

Досие