Македонија
30 години од основањето на Лекарската комора
Лекарската комора на Република Северна Македонија се издигна во почитувана, независна професионална организација, етаблирана на домашен и меѓународен план, со свои јасни цели и јасна програма во рамките на промоција на правата на лекарите и унапредување на здравствениот систем, констатираа говорниците на свечениот настан, кој по повод одбележување на 30-годишниот јубилеј се одржа вчера во Скопје.
Процесот за воспоставување на Лекарската комора почнува во 1991 година кога во Македонското лекарско друштво е поведена иницијатива за формирање на Лекарската комора како здружение што ќе се бори за правата на лекарската професија и паралелно за заштита на пациентите. Целиот процес за формирање се заокружува на 5 јуни 1992 година кога се одржува основачкото собрание во просториите на Воената болница во Скопје.
Проф. д-р Калина Гривчева-Старделова во своето обраќање истакна дека Комората одговорила на целта за која е формирана.
„Проф. д-р Јован Тофоски, еден од иницијаторите за формирање на Комората на основачкото собрание, рече ‘се водеше вистинска битка идејата да се озакони’, а претседателот Глигоров изрази надеж дека ‘Лекарската комора ќе го најде своето место во новото граѓанско општество и нејзиното формирање е еден од влоговите за создавањето на новата структура на нашето општество во кое секој човек и преку својата професија ќе си го најде своето место и ќе се создаде тој сложен мозаик на едно демократско општество’. Триесет години подоцна со гордост и со голема чест може да кажеме дека битката вредеше, дека влогот се исплатеше, бидејќи Лекарската комора прерасна во почитувана, самостојна и независна професионална организација, која е етаблирана на домашен и меѓународен план со свои јасни цели и јасна програма во рамките на промоција на правата на лекарите и унапредување на здравствениот систем. Направено е многу за релативно краток период ако се земе предвид дека период од 30 години и не е толку многу време кога станува збор за воспоставување институција. Важно е во иднина да продолжиме по патот кој веќе е трасиран, заедно, сплотени, со интегриран пристап да изнаоѓаме решенија за проблемите со кои се соочуваме“, истакна проф. д-р Гривчева-Старелова.
Првиот претседател на Комората, проф. д-р Алексај Дума, во своето обраќање на прославата рече дека идејата за формирање на Лекарската комора како еснафско здружение не била прифатена од социјалистичката власт и затоа и не бил лесен процесот на нејзино воспоставување.
„Многу беше тешко да докажеме дека професионалното достоинство и професионалноста немаат врска со политиката и политичките интереси и дека интересите на докторите се и интереси на пациентите и борбата за нивното здравје. Комората почна да функционира во темната комора на Институтот за судска медицина, што ја користевме за развивање фотографии, во шест квадратни метри, а во почетокот ја финансираа членовите на Извршниот одбор. Се радувам што денеска дојдовме до тука“, истакна проф. д-р Дума потенцирајќи дека лекарите за време на короната покажаа дека се доследни на Хипократовата заклетва и дека ќе направат сè за пациентите, па макар и на лична штета.
На настанот беше доделено и највисокото признание на Комората, плакетата „Св. Наум Охридски“, која ја доби д-р Весна Марковска, педијатар од Берово. Плакета за најдобар научен труд доби трудот „Мадикаментозно лекување Ковид-19: актуелни сознанија и важечки препораки“ на авторите д-р Миле Босилковски, д-р Марија Димзова, д-р Костадин Попоски, д-р Ане Петрушевска, д-р Маја Марковска-Илиевска и д-р Александар Дервишов. Посебна награда „Примариус д-р Димитар Ивановски“ добија тројцата студенти со најдобар просек од трите медицински факултети во Скопје, Тетово и во Штип – Стефан Неделковски, Елизабета Митева и Дрилон Мифтари. Лекарската комора додели и плакети и признанија во знак на добра соработка на медицинските факултети, другите еснафски комори, фармацевските компании и на новинари, кои подолг временски период известуваат за теми поврзани со здравството и здравствените политики. Јубилејна награда – уметничка слика – им беше врачена на тројцата поранешни претседатели на Комората, проф. д-р Алексеј Дума, проф.д-р Владимир Борозанов и проф. д-р Кочо Чакалароски. По повод јубилејот вчера беше промовирана и монографија „Кратка историја на Лекарската комора на РСМ“, чиј автор е Јосиф Џочков.
На настанот присуствуваа голем број лекари, сопругата на претседателот на РСМ, проф. д-р Елизабета Ѓоргиевска, како и претставници на државни институции и други еснафски комори.
Министерот за здравство, д-р Беким Сали, истакна дека трудот на лекарите треба да биде соодветно вреднуван и вети продолжување на трендот на зголемување на платите.
„Почнуваме и нов проект, кој предвидува вработување веднаш за 50 студенти од трите медицински факултети, кои ќе ги завршат студиите со најдобар просек. Ќе се унапреди стручното усовршување, се работи на подобрување на безбедноста на работното место. Лекарската комора е наш партнер и нејзиниот придонес е од непроценливо значење. Уверен сум дека таа соработка ќе продолжи со реализација на многу успешни проекти“, истакна д-р Сали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Состојба по обилните врнежи во Македонија: пресек на ЦУК до 12:30 часот
Центарот за управување со криви направи пресек на состојбата по обилните врнежи до 12:30 часот.
Скопски регион
– На подрачјето Скопје не се евидентирани нарушувања на редовната состојба. Во моментов нема врнежи од дожд или снег и состојбата е стабилна.
Тетовски регион
– Состојбата во Тетово и околината е стабилна, без нарушувања во редовното функционирање. Сите патни правци се проодни, а коловозите се претежно влажни.
– ЈП „Македонија пат“ редовно го одржува патниот правец Тетово – Попова Шапка.
– Во врска со појавениот одрон на патниот правец Гостивар – Маврово, кај каменоломот, надлежните служби се известени и најавено е ангажирање екипа за расчистување и нормализирање на сообраќајот.
Струмички регион
– На територијата на Струмица нема пријави за настанати штети. Во моментов нема активни врнежи и не постои опасност од излевање на реките. Не се евидентирани одрони или непроодни патни правци.
Велешки регион
– На подрачјето на Велес состојбата е стабилна, без нарушувања, и во моментов нема врнежи од дожд или снег.
Кумановски регион
– На територијата на општините Куманово, Липково и Старо Нагоричане нема излевање на реките, а водостоите се во опаѓање.
– Сите патни правци се проодни и чисти. Патниот правец од с. Пелинце до Граничен премин Пелинце беше подмрзнат, но по интервенција од ЈП „Македонија пат“ истиот е целосно расчистен.
– Во Крива Паланка, Кратово и Страцин сите главни патни правци се проодни, со тековни интервенции за расчистување на одрони и снег на одредени локални делници.
Штипски регион
– На подрачјето на Штип во моментов нема врнежи, а состојбата е стабилна.
Охридско-струшки и западен регион
– Во Охрид, реката Сушица е ставена под контрола со изградба на заштитен насип. Сепак, на повеќе локации се уште има поплавени подрумски простории и дворови.
– Во Струшко, во селата Мислешево и Калишта има поплавени дворови, а состојбата се следи од надлежните служби.
– Во Дебар, реката Радика има зголемен водостој, но без опасност од излевање. Патните правци се проодни, со појава на помали одрони кои редовно се расчистуваат.
– Во Кичево, водостоите на Зајашка река и реката Треска се намалени и нема опасност од нови поплави. Во тек е состанок на Општинскиот кризен штаб за натамошни активности.
Битолско-пелагониски регион
– Во Демир Хисар, поради оштетување на мост на Боишка река, локалниот пат за с. Мренога е затворен за сообраќај.
Реките се вратени во коритата, освен река Црна во атарот на селата Жван и Единаковци, каде се уште има излевање и поплавени земјоделски површини.
– Во Битола, состојбата е нормализирана, а водата постепено се повлекува од зафатените површини. Нивото на река Црна кај Новаци изнесува 320 см.
– Во Ресен, поплавените земјоделски површини се во фаза на повлекување на водата, а во тек се интервенции за расчистување на коритото на Голема Река.
Македонија
ДИК: Излезноста до 11 часот во четирите општини е 3,32 отсто
Државната изборна комисија соопшти дека до 11:00 чaсот, од вкупно запишани 128.286 гласачи на 215 избирачки места од општините Врапшиште, Гостивар, Центар Жупа и Маврово и Ростуше, каде денеска се спроведуваат повторените избори за градоначалник на општина, гласале
3.553 гласачи, односно 3.32 %.
– Врапшиште, гласале 834 гласачи, односно 3.02 %.
– Гостивар, гласале 1937 гласачи, односно 3.14 %.
– Центар Жупа, гласале 168 гласачи, односно 2.22 %.
– Маврово и Ростуше, гласале 624 гласачи, односно 5.90 %.
Како што информира ДИК, во споредба со гласањето на 19 октомври 2025, до 11:00 часот, на овие повторени избори се забележува разликата во однос на излезеноста во овие општини и тоа:
– Врапшиште, зголемена за 0.48_%.
– Гостивар, намалена за 1.96 %.
– Центар Жупа, намалена за 2.61 %.
– Маврово и Ростуше, намалена за 5.82 %.
Македонија
(Видео) ДИК: Излезноста до 9 часот во четирите општини е 1,12 отсто
Државната изборна комисија на својата веб-страница објави дека до 9:00 часот утринава, излезноста на гласачите во четирите општини каде што се одржуваат повторени избори за градоначалник е 1,12%.
По општини:
– Врапчиште – 1%
– Гостивар – 0,93%
– Маврово–Ростуше – 2,89%
– Центар Жупа – 0,75%
Портпаролката на ДИК, Радица Тодоровска Алексовска, на прес-конференција кажа дека на избирачките места кои се отворени навреме, гласањето тече непречено, без поголеми тешкотии. Поради временските прилики со задоцнување се отворени неколку избирачки места, а едно избирачкото место во Ќафа не е воопшто отворено.
Денеска се гласа на вкупно 215 избирачки места, а право на глас имаат 128.286 избирачи.
(Видео) Успешно спасени двајца вработени во мобилен оператор заглавени во снег кај Лазарополе
Двајца вработени во мобилниот оператор А1 синоќа беа заглавени во снег кај село Лазарополе, во близина на базната станица на...
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да...
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна...
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време...
Болниците во Иран преплавени со повредени од протестите, доктори опишуваат „ужасни сцени“
Протестите во Иран продолжуваат, а улиците на градовите, особено Техеран, се исполнети со илјадници демонстранти, и покрај блокадата на интернет...
Вашингтон одржа „прелиминарни“ разговори за потенцијален удар врз Иран, објави Волстрит журнал
Американски официјални лица разговарале за планови за можни напади врз Иран, вклучувајќи потенцијални цели, објави Волстрит журнал, повикувајќи се на...
Детален список: каде целосно ќе се забранат сите видови цигари со новиот закон за заштита од пушење
Државата подготвува целосно нов и значително построг Закон за заштита од пушење, со кој драстично се заоструваат правилата за употреба,...
Состојба по обилните дождови во Македонија: пресек на ЦУК до 18:30 часот
Центарот за управување со криви направи пресек на состојбата по обилните врнежи до 18:30 часот. Источен регион – Штип Во...
УХМР: Водостоите остануваат високи, вечерва се очекува заладување и снег
Според податоците од хидролошките станици се уште е висок водостојот на река Сатеска, како и на река Коселска кој почнува...
ЈСП Скопје: Ниските температури и снегот може да предизвикаат изменето сообраќање на автобусите
Јавното сообраќајно претпријатие Скопје ги информира корисниците на јавниот превоз во Градот Скопје дека, поради ниските минусни температури и најавените...
18-годишникот кој со автомобил усмрти жена во Капиштец немал возачка, од Македонија избегал преку Табановце
Јавен обвинител од Основното јавно обвинителство Скопје донесе Наредба за спроведување истражна постапка против едно лице за – Тешки дела...
Николоски на терен: Сите патишта се проодни, снегот редовно се чисти од Македонија пат
Сите патишта во државата се проодни благодарение на макотрпната работа на луѓето од Македонија пат, кои даваат се’ од себе...
Хамнеи ѝ нареди на Револуционерната гарда да ја преземе контролата: Иран во најголема готовност досега
Иранскиот врховен лидер, ајатолахот Али Хамнеи, ѝ нареди на Револуционерната гарда да ја преземе главната улога во справувањето со протестите...
Сè што треба да знаете за протестите во Иран
Ако штотуку дознавте за растечките протести во Иран, имаме брз преглед на тоа што стои зад оваа тековна ситуација. Протестите...
18-годишниот возач кој вчера прегази жена во Капиштец избегал од државата, МВР распиша потерница
СВР Скопје поднесе кривична пријава против четири лица во врска со вчерашната сообраќајна несреќа на ул. „Народен фронт“ во Скопје...
Денеска гласаат болните и затворениците пред повторните избори за градоначалници во четири општини
Денес се спроведува гласањето на болните или немоќни лица и лицата кои се на издржување на казна затвор за повторните...
(Видео) „Се враќам во земјата за да бидам со луѓето“ – синот на поранешниот шах на Иран повика на протести
Реза Пахлави, син на покојниот поранешен ирански шах, кој живее во Вашингтон, ги повика демонстрантите во Иран да продолжат со...
Растат цените на становите во ЕУ – Унгарија рекордер со зголемување од 275%
Во периодот од 2015 до крајот на 2025 година, цените на становите во ЕУ во просек пораснале за 63,6%, додека...
(Фото+видео) Катастрофа во Викторија: беснеат стотици пожари, уништени куќи, илјадници без струја
Во австралиската сојузна држава Викторија во последните 24 часа избиле повеќе од 250 пожари, од кои 11 се класифицирани како...
ЗНАМ: Однесувањето на Филипче предизвикува историски транфер на разочарани членови од СДСМ кон ЗНАМ
Иако Венко Филипче едновремено зборуваше за европската интеграција на Македонија, денес повторно покажува и докажува дека неговиот интерес е ограничен...
