Македонија
Македонските судии учат од американските колеги за новиот закон за кривична постапка
Македонските судии учат од американските судии за примената на новиот закон за кривична постапка кој треба да се имплементира во декември оваа година.
Во вторникот започна семинарот на тема „Улогата на судијата во акузаторната постапка“ на кој присуствуваат судии од кривичните оддели, од сите инстанци, од апелационото подрачје Скопје, како и судии од САД кои работат на кривична материја, а ќе продолжи и во среда
„Почетокот на партнерството меѓу САД и Македонија е во рамките на претстојната реформа на казнено правниот систем и како што знаете сите досегашни влади на Македонија, како и сегашнава, во центарот на нивните приоритети го ставаат воспоставувањето на владеењето на правото како систем којшто е предуслов за евроатлантските интеграции. Како што знаете, САД ја поддржува Македонија во евроатланските интеграции и семинарите од ваков тип се пример во рамките на ваквата поддршка“. изјави американскиот амбасадор во Македонија, Пол Волерс.
„Програмата за партнерство меѓу американските и македонските судии за имплементација на законот за кривична постапка, опфаќа обука за примена на законот на кривична постапка. Ќе го искористиме искуството на судиите на САД за примена на одредени техники. Судиите имаа основна обука ова е еден вид на специјализација. Имплементацијата на законот од декември ќе биде успешна, проблемот со буџетот ќе се надмине“, рече Александра Зафировска, претседател на судскиот совет на Македонија.
Целта на семинарот е преку панел дискусии и презентации да се разменат практични искуства во насока на унапредување на казнениот систем на Македонија преку јакнење на улогата на судијата во текот на акузаторната постапка./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.