Македонија
Внимателно возење поради снежните врнежи на превоите

Според најновите информации добиени од АМСМ од јавното претпријатие „Македонија пат”, сообраќајот на сите магистрални и регионални патни правци низ државата се одвива тековно во зимски услови, на места по влажни коловози, слаби врнежи од снег има на планинските превои Ѓавато и Крушево, но поради засега слабиот интензитет не претставуваат никаков проблем за одвивање на сообраќајот.
Патниот правец Р-1103 Неготино-Радовиш односно Неготино – Штип преку Лакавица, мост број 9, преку реката Вардар, кој беше затворен за тешки товарни возила поради деформација, оштетување на мостот, целосно е затворен за сите видови на сообраќај, како и за пешаци и е пренасочен преку Криволак, патниот правец Неготино-Криволак-Пепелиште. и тоа само за лесни возила.
Забраната за тешки товарни возила на тој патен правец сé уште е на сила. Одлуката беше донесена од комисија составена од претставници на јавните претпријатија „Државни патишта, „Македонија пат”, како и од стручни лица од Градежниот факултет и од Институтот за патишта и сообраќајната полиција.
Зголемена внимателност на учесниците во сообраќајот е потребна и на патниот правец Демир Капија – Удово, кај тунелите на Демир Капија, каде што се изведуваат градежни работи на пат. Како предупредување поставено е светлечка сообраќајна сигнализација (семафори) која го регулира сообраќајот. Можни се повремени куси застои во одвивањето на сообраќајот на тој дел од патот.
Од Автомото сојузот на Македонија препорачуваат внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони.
Дежурните екипи на „Македонија пат” се на теренот и редовно ги контролираат и одржуваат проодни сите патни правци.
Интензитетот на сообраќај на патните правци надвор од градските средини е умерен, а на граничните премини нема подолготрајни задржувања за влез и за излез од државата.
Инаку, денеска, 15-ти март, завршува законската обврска за поседување на зимска опрема во возилата, меѓутоа имајќи ги предвид временските прилики, најверојатно та ќе биде потребна најмалку уште викендов./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ваучери за електронски уреди од 250 евра за студентите

Собранието со 84 гласа „за“ го усвои Законот за издавање вредносни ваучери од 250 евра (15.300 денари) за набавка на електронски помагала: лаптоп, таблет или персонален компјутер, за сите студенти до 29 години запишани на додипломски студии.
Според информациите на властите, за оваа намена од државниот буџет се издвоени 850 милиони денари, со што ќе бидат опфатени 55 илјади студенти. Право на ваучери ќе имаат редовните и вонредните студенти на додипломски студии кои имаат не повеќе од 29 години и кои ќе запишат семестар во учебната 2025/2026 година на државен или приватен факултет.
Студентите запишани во втор и трет циклус на студии немаат право на ваучер.
Ваучерите за студентите премиерот Христијан Мицкоски првпат ги најави во октомври 2024 година на отворената програма „100 дена Влада“ што се емитуваше на јавниот сервис, а во јуни изјави дека ваучерите за електронски уреди ќе бидат доделени од наредната академска година.
Притоа, посочи дека процедурата е отпочната во рамките на Владата, односно во Генералниот секретаријат.
Македонија
Регистрирани се вкупно 29 пожари на отворен простор, од нив 10 се активни

До седум часот на територијата на Македонија регистрирани се вкупно 29 пожари на отворен простор. Од нив 10 се активни, три се под контрола и 16 се изгаснати.
Активни се пожарите во:
1.Општина Василево, Радовиш и Берово – с. Нивичино, планина Голем Готен и Малешевските Планини (нискостеблеста шума, смрека, грмушки и ниска вегетација);
2.Општина Прилеп 1 – с. Бешиште, м.в. Бешишки Рид, друг крак према с. Градешница и трет према граница со Р. Грција (мешана шума);
3.Општина Прилеп 2 – активен крак кон с. Дрен; под контрола делот меѓу с. Царевиќ и Смолани (мешана шума и ниска вегетација);
4.Општина Македонски Брод 1 – с. Црешнево (ниска вегетација);
5.Општина Македонски Брод 2 – меѓу селата Локвица и Крапа (деградирана дабова шума, грмушки, ниска вегетација);
6.Општина Штип – меѓу с. Драгоево и Селце (нискостеблеста шума, прнар и сува трева);
7.Општина Зелениково – с. Гумалево (ниска и мешана вегетација);
8.Општина Желино – меѓу с. Церово и Групчин (нискостеблеста и деградирана шума);
9.(број 9 недостасува – може да се внесе ако има информација)
10.Општина Струмица – м.в. Три Води (вегетација);
Под контрола се пожарите во:
1.Општина Македонски Брод – с. Грешница (мешана шума и сува трева);
2.Општина Шуто Оризари – ул. Брсјачка Буна (дива депонија);
3.Општина Карбинци – с. Јунузлија (шума);
Изгаснати се пожарите во:
1.Општина Шуто Оризари – кај општината (ѓубре);
2.Општина Прилеп – кај Касарната (ѓубре и сува трева);
3.Општина Ресен 1 – с. Долно Перово (трска и ниска вегетација);
4.Општина Ресен 2 – с. Прељубје (сува трева);
5.Општина Македонски Брод – с. Латово (мешана шума);
6.Општина Кочани 1 – с. Нивичани (ниска шума и сува трева);
7.Општина Кочани 2 – кај ДООЕЛ „Стоименов“, Кочани (сува трева);
8.Општина Кочани 3 – с. Мојанци (стрниште и сува трева);
9.Општина Куманово – с. Романовце (сува трева);
10.Општина Липково – с. Никуштак (сува трева);
11.Општина Гостивар – автопат Гостивар-Тетово, кај Бунар Петрол (сува трева);
12.Општина Старо Нагоричане – с. Руѓинце и с. Орах (шума, сува трева и куќа);
13.Општина Куманово 1 – н. Ристово трло (сува трева);
14.Општина Куманово 2 – с. Романовце (сува трева);
15.Општина Велес – ул. АСНОМ (сува трева);
16.Општина Росоман – помеѓу Росоман и Градско (сува трева);
Македонија
Денес и утре ќе се прска против комарци во Скопје

Од Град Скопје известија дека викендов (26.07 и на 27.07.2025 година), во раните утрински часови ќе се реализира авионска дезинсекција на подрачјето на градот Скопје, против возрасни форми на комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин, дополнуваат надлежните.