Македонија
ЗНМ: Сензацијата да не биде пред човековата трагедија и болка

Советот на честа на Здружението на новинарите на Македонија(ЗНМ) остро реагира на објавувањето на фотографиите на кои се гледа безживотното тело на човек како виси на дрво во паркот наспроти зградата на Нова Македонија во Скопје, трагичен настан што се случи (е објавен) денеска.
Фотографиите се појавија на повеќе портали и на веб-изданијата на најголем дел од пишаните и елктронски медиуми. Дури е објавен и идентитетот на жрвтвата (не е почитувана приватноста на жртвата ниту на неговото семејство).
„Иако дел од медиумите потенцирале дека станува збор за вознемирувачки фотографии, Советот на честа смета дека е прекршен Кодексот на новинарите и дека е постапено крајно неетички и непрофесионално. Јавноста е ужасната, предизвикана е вознемиреност. Не е почитувана семејната и лична болка, со цел да се дојде до сензационализам (прекршени се членовите 7 и 8 од Кодексот на новинарите)“, се вели во реакцијата на Советот на честа на ЗНМ.
Од таму ги повикуваат новинарите на совесно и одговорно однесување.
„Да се искаже почит кон семејството на настраданиот. Станува збор за лични трагедии. Нема никаков јавен интерес во објавувањето такви фотографии. Сензацијата да не биде пред човековата трагедија и болка“, се вели во реакцијата. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Завршена е обдукцијата на загинатите, во пожарот се повредени 196 лица од кои 20 се деца

Завршена е обдукцијата на 59. загинати лица од пожарот што ја зафати дискотеката „Пулс“ во Кочани.
Министерот за внатрешни работи, Панче Тошковски, информирааше дека сите тие се идентификувани.
Тој информираше и дека во пожарот со повреди се здобиле 196 лица од кои 20 деца.
Во моментот 93 повредени се во скопските болници, а 80 се лекуваат во странство.
Македонија
МПЦ повикува за сплотеност и молитва: Да го сочуваме мирот во себе и меѓу себе и достоинствено да тагуваме

Македонската православна црква упати повик по ужасната трагедија која се случи во Кочани.
“Возљубени во Господа, Минува третиот ден од ужасната трагедија во која животите ги загубија 59 невини наши млади чеда, а над стотина се здобија со тешки повреди. Оттогаш, Светата Македонска Православна Црква постојано се моли за спасение на невино настраданите, служејќи помени за упокоените и принесувајќи молитви за исцеление на повредените, како и за утешение на нивните семејства и ближни.
Во овие дни на траор го повикуваме верниот наш народ заедно да ги сосредоточиме срцата во молитва кон Господа, просејќи од Него да ги прими душите на новопретставените чеда Божји во прегратките Авраамови, а, пак на повредените да им дарува побрзо оздравување.
Народната сплотеност и единство најмногу се огледуваат и се најпотребни во вакви злокобни неприлики. Затоа, ги повикуваме сите верни чеда на Мајката Македонска Црква и сите граѓани на Македонија ̶ да го сочуваме мирот во себе и мирот меѓу себе и, прилежно молејќи се, достоинствено да тагуваме, велат од МПЦ.
Македонија
Денес стигнува тим од Британија, ќе подготвува рехабилитација за пациентите кога ќе почнат да се враќаат од странство, вели Клековски

Лекувањето на повредните во пожарот во Кочани не е битка од 72 часа, туку процес што ќе трае со недели или месеци, рече денес директорот на Фондот за здравствено осигурување, Сашо Клековски. Здравствените власти почнуваат подготовки за следните фази неопходни за лекување на сите повредени.
„Денеска, ќе пристигне тим од Британија, кој ќе треба да ни помогне да се подготвиме за следната фаза – рехабилитација на пациентите. Веќе мора да размислуваме еден-два чекора понатаму, кога ќе почнат пациентите да се враќаат во Македонија“, рече директорот Клековски.
Според последните информации што попладнево ги сподели министерот за внатрешни работи, Панче Тошковски, во болниците во земјата се лекуваат 93 повредени, а 80 пациенти се транспортирани на лекување во странство, односно во Србија, Бугарија, Турција, Грција, Австрија, Литванија, Словенија, Унгарија и во Хрватска.
Директорот Клековски вели дека некои од пациентите ќе треба да бидат згрижувани на многу долг период бидејќи има пациенти со значителни оштетувања.
Ниеден пациент, нагласува Клековски, не треба да почувствува дека му е скратено правото на лекување во странство оти конзилиум од лекари од скопските клиники секојдневно ги следи пациентите што се во нашите болници и носи одлуки за пренесување во други болници во зависност од состојбата.
За пациентите сместени во нашите болници, покрај нашите лекари, се грижи и тим од лекари од српската ВМА, кој денес мора да се повлече оти во нивните болници се зголеми бројот на наши пациенти, но остануваат тимовите од Чешка и Израел, кои оцениле дека Клиничкиот центар и ГОБ „8 Септември“ ги исполнуваат сите услови за соодветен третман на пациентите.