Македонија
Министерот за одбрана на регионална конференција во Тирана

Министерот за одбрана на Република Македонија, Талат Џафери, во среда ќе учествува на регионалната конференција „Јадранско-јонски безбедносни предизвици“ која се одржува во Тирана, Република Албанија.
Конференцијата, на која свое учество имаат министри и заменици министри за одбрана од земјите од регионот, има за цел на едно место да овозможи размена на искуства и најдобри практики од земјите од регионот, во контекст на регионалната безбедност, како и да даде можност за утврдување на патиштата за засилена соработка и заеднички пристап кон развојот на регионот.
Учесниците на конференцијата своите гледишта, мислења и идеи ќе можат да ги претстават во две сесии посветени на „Перспективите на Западнобалканските земји во однос на јадранско-јонските безбедносни предизвици“ и на „Најдобрите практики и искуства на останатите региони и организации“. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре променливо облачно време со температура до 18 степени

Времето утре ќе биде променливо облачно со сончеви периоди. Во крајните јужни и источните делови ќе има услови за слаб локален дожд. Ќе дува умерен ветер од јужен правец, информира УХМР.
Минималната температура ќе биде во интервал од 3 до 10, а максималната ќе достигне од 13 до 18 степени.
Во Скопје, сончево со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 7, а максималната ќе достигне до 18 степени.
Следува период на променливо облачно време со сончеви периоди и со слаб до умерен јужен ветер. Во среда ќе има локални врнежи од дожд, а од четврток дневната температура ќе биде во пораст.
Македонија
Ѓорѓиевски доби поддршка од Меџити и Бакиу

Кандидатот за градоначалник на Град Скопје од ВМРО-ДПМНЕ, Орце Ѓорѓиевски, кој влезе во вториот круг од изборната трка, објави дека добил поддршка од новоизбраниот градоначалник на Чаир, Изет Меџити, и од кандидатот на коалицијата ВРЕДИ, Башким Бакиу.
„Подадена рака! Денес остварив средба со новиот градоначалник на Чаир, Изет Меџити и со кандидатот за градоначалник на Скопје од Коалицијата ВРЕДИ, Башким Бакиу. Од нив добив искрена и силна поддршка за вториот круг во Скопје, поддршка која дава дополнителна енергија и мотив да продолжиме напред. Благодарам на сите кои ја препознавте визијата, дадовте доверба и избравте иднина за Скопје. Заедно ќе го направиме нашиот град повторно горд, модерен, достоинствен и отворен за сите што живеат во него. Скопје го правиме заедно. По скопски! Победата ќе биде историска!“, напиша Ѓоргиевски на „Фејсбук“.
Македонија
(Видео) Трајановски: Да покажеме дека Аеродром заслужува вистинско лидерство

Кандидатот за градоначалник на Општина Аеродром од СДСМ, Александар Трајановски, им се заблагодари на граѓаните за поддршката.
„Благодарам за укажаната доверба и поддршка која ми ја дадовте во првиот круг од локалните избори. Вашиот глас е потврда дека промените за кои се залагаме во нашата програма се неопходни, и дека нашата визија за подобар Аеродром е заедничката цел која нè обединува. Ни претстои втор круг, во кој уште посилно, со уште повеќе енергија и работа на терен, ќе се бориме за иднината на нашата општина“, вели тој.
Трајановски најави дека во деновите што следуваат ќе продолжи активно да биде меѓу гласачите, затоа што, како што кажа, секој предлог е важен.
„Ве повикувам повторно, со истата решителност и верба, да се обединиме и да ја направиме промената што ја започнавме. Да покажеме дека Аеродром заслужува вистинско лидерство, отворена општина и работа во интерес на сите граѓани“, рече тој.