Македонија
Алиу: Не сте сите, не сте цели … голи сте
Седум, осум милиони Албанци од регионот се навредени од постапката на Македонија на Самитот на претседателите на парламенти од југоисточна Европа и претседатели и шефови на влади во Охрид, што не беа поканети спикерот на косовскиот парламент, Јакуп Красниќи и Атифете Јахјага, претседателката на Косово, обвини Имер Алиу од опозициската ДПА.
Алиу говорејќи на редовната седница за пратенички прашања во Собранието, постави три прашања до потпретседателката на парламентот Сузана Салиу од владејачката ДУИ, што презела таа како претставник на Албанците да не се случи тоа, до спикерот Трајко Вељаноски, зошто не го поканил неговиот колега Красниќи и до премиерот Никола Груевски, кого го обвини дека претседателот Ѓорѓе Иванов „е негов пион“, зашто тој го откажал самит во Охрид.
„Зошто се откажа Самитот. Требаше да се одржи самитот со Никола Груевски, Али Ахмети, Томислав Николиќ и Ивица Дачиќ. Ова е природната коалиција на оваа власт“, обвини Алиу.
Според него, немало оваа ситуација да биде некој голем хендикеп ако станувало збор за земја во која живеат граѓани кои ги нема како малцинство во Македонија, но вака смета дека Македонија се засрамила пред Европа и пред светот.
„Од овој аспект требаше да биде поканета и претседателката на Косово, но вие се наредивте во редот на просрпските политики, односно антиалбански политики. Никој не излезе да каже дека вината е на ДУИ, ДУИ не знае да ги претставува Албанците тука. По Грција, Бугарија, сега Албанија и Хрватска, останавте сами. Ова е земја без перспектива“, рече Алиу.
Претседателот на Собранието, Вељаноски објасни дека Процесот на земјите од Југоисточна Европа е организација и има постапка за прием на нови членки. Дека тоа се прави на самити на министри на надворешни работи, а новата членка треба да ја ратификува Букурештанската резолуција за добрососедство.
„Организацијата е целосна ако се вклучени сите. Максимата е ‘Ако не сме сите, не сме цели’“, појасни Вељаноски.
Според него, Самитот завршил извонредно успешно, со договорено формирање Парламентарно собрание што ќе се оформи и ратификува идната година во Букурешт.
„Не сте сите, не сте цели… не, не сте цели, голи сте. Луѓе, навистина е за жалење, ова е голема несреќа. Процесот за зачленување го слушнавме и од Ахмети кој се обиде да образложи зошто не е примено Косово. Проблемот е во политичката волја. Не е проблемот кај Груевски или кај вас, туку кај партијата што ги претставува Албанците.
Потпретседателката Сузана Салиу, рече дека прашањето е на место, дека е факт оти неучеството и непоканувањето на Красниќи и на претседастелката на Косово во Охрид не е пријатно за Албанците, но дека ќе одговори како таа реагирала писмено.
„Пратеникот има свои тези, што и да одговориме ќе остане на нив. Она што сакам да кажам е дека оваа организација каде членува Македонија е регионална и се одржува еднаш годишно во различна држава. Дневниот ред и поканите се испраќаат со консензус и може секоја земја да стави вето. Две земји го искористија тоа право, за Косово да не биде покането. Тоа не беше од Македонија, туку од тие две други земји кои не го кријат тоа“, рече Груевски.
Појасни дека подоцна следуваа откажувања од неколку претседатели, чија постапка не го одразува односот кон Македонија, туку кон оние кои го поставија ветото.
„Жалам што дојде до таква ситуација, но Македонија не беше во ситуација да направи ништо друго и правилна беше одлуката на Претседателот. Македонија е жртва, а исто ќе се случеше и ако во друга земја беше Самитот. Двете земји исто ќе ставеа вето, но се случи да биде во време на нашето претседателство. Интересите на други држави се случија, и постапката на Претседателот беше исправна“, рече Груевски.
Кога ќе се создадат услови ќе се одржи тој самит, а постапката на Македонија повторно не е однос на властите во Македонија кон некоја етничка заедница, вклучувајќи ја Албанската.
„Жалам што поради туѓи постапки Македонија да треба да се брани, Претседателот да се брани…“, заклучи премиерот Груевски./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно време со повремени локални врнежи од дожд
Времето денес ќе биде променливо облачно со повремени локални врнежи од дожд, особено во северозападните и северните делови. Ќе дува слаб до умерен ветер од јужен правец.
Минималната температура ќе биде во интервал од 5 до 11, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб југоисточен ветер. Минималната температура ќе се спушти до 9, а максималната ќе достигне до 15 степени.
До понеделник ќе преовладува променливо облачно време со повремени локални врнежи од дожд. Наместа повремено врнежите ќе бидат поројни и пообилни со услови за појава на грмежи. Во текот на 24 часа се очекува да наврне поголема количина дожд (над 30 l/m²). Од вторник ќе има стабилизирање на времето.
Македонија
Ѓорѓиевски објави фотографии од почетокот на акцијата за чистење, поддршка му даде и Мицкоски
Новиот градоначалник на Град Скопје, Орце Ѓорѓиевски, објави фотографии на социјалните мрежи на кои се гледаат десетици камиони и други возила кои ќе го чистат Скопје.
Ѓорѓиевски во неговата изборна кампања вети дека кога ќе стане градоначалник, откако ќе му биде врачен мандатот за 72 часа ќе го исчисти Скопје.
„Започна големата акција за чистење на Скопје! За 72 часа, нашата метропола ќе ја добие свежината и сјајот кој го заслужува. Секој агол, секоја улица, плоштад со заеднички сили ќе бидат чисти. Скопје ќе блесне – уредено и достоинствено, токму како што доликува!“, напиша Ѓорѓиевски.
Македонија
Доделени ЕУ наградите за истражувачко новинарство
Церемонијата за доделување на Наградите на Европската Унија за истражувачко новинарство 2025 се одржа денеска во Скопје на која беа наградени најдобрите стории објавени во Македонија во 2024 година. Престижната награда поддржана од Европската Унија ги препознава најдобрите истражувачки стории објавени во претходната година во земјите од Западен Балкан и во Турција, а координатор за Македонија е Самостојниот синдикат на новинари и медиумски работници.
Церемонијата ја отвори амбасадорот на Европската Унија во Северна Македонија, Михалис Рокас, кој ја истакна посветеноста на Европската Унија во поддршката на независното новинарство и слободата на медиумите во регионот.
Жири-комисијата која одлучуваше за нградите ја сочинуваа Валентин Нешовски, Соња Колевска-Делевска и Огњен Зориќ.
Победниците на кои сертификатите им ги доделија амбасадорот Рокас и претседателот на жири-комисијата Нешовски беа прогласени во следниот редослед:
3. место:
Срѓан Стојанчов и Снежана Лупевска Созен за сторијата „Досие Крмзов – Епски криминал или обид да му се одземе бизнисот“ од емисијата КОД, ТВ Телма која истражува финансиски криминал со мрежа на фирми кои испумпувале пари од државниот буџет.
2. место:
Сашка Цветковска, Бојан Стојановски, Александра Денковска, Трифун Ситниковски, Александар Јанев и Давид Илиевски (Истражувачка репортерска лабораторија) за сторијата „Украдени животи“ која ја открива шемата за крадење идентитети со цел подигање брзи кредити на туѓо име.
1. место:
Александар Димитриевски и Михаил Милошевски за сторијата „По трагите на Јулија“, која го истражува скандалот со „лажната“ диплома за англиски јазик на шефот на тајната полиција.
По доделувањето на наградите победниците имаа можност да одржат краток говор:
„Владеењето на правото е израз кој кај нас лесно се заборава. Се надевам дека сите стории, независно од нивниот епилог, дека оставаат порака кај сите што допрела, дека владеењето на правото не е само израз…“, рече Александар Димитриевски од 360 степени.
„Сакам да се заблагодарам на жирито, второ на сите колеги кои работеа, а не се тука на сцената и трето за овој случај има 43 обвинети, сега случајот е во истрага, но за жал сите измамени граѓани се уште се должници во кредитно биро оти судството се уште не си ја завршило работата. Се надевам дека работат побрзо за да ги заштитат своите граѓани во иднина“, рече Александра Денковска од ИРЛ по примањето на втората награда.
„2024 беше прилично добра година од аспект на истражувачко новинарство, може да ми текне барем на 7-8 стории кои беа одлични. Навистина сум почестен што сме во тоа друштво. Истражувањата за финансиски криминал немаат многу простор во дневното новинарство и затоа драго ми е што имав време да го сработам тоа“, рече Срѓан Стојанчов од тимот на КОД.
Сенатот ја изблокира резолуцијата што ќе го спречеше Трамп да ја нападне Венецуела
Републиканците во американскиот Сенат ја блокираа резолуцијата што ќе му забранеше на претседателот Доналд Трамп да ја нападне Венецуела без...
Мицкоски: Македонија останува посветена на европскиот пат, но без двојни стандарди и политички притисоци
Македонија останува посветена на европскиот пат, но без двојни стандарди и политички притисоци, изјави премиерот, Христијан Мицкоски. Тој вели дека...
Со букет цвеќе Ѓорѓиевски ја испрати Арсовска и ја презема градоначалничката функција
Со куса средба и букет свежо цвеќе заврши примопредавањето на должноста градоначалник на Град Скопје меѓу досегашната градоначалничка Данела Арсовска...
Јаневска ќе ја почитува одлуката на Мицкоски доколку реши да ја смени
Министерката за образование и наука Весна Јаневска одговарајќи на новинарско прашање, дали доколку има реконструкција на владата таа ќе остане...
(Видео) Мицкоски ќе ја реконструира партијата, па потоа Владата: Фокусирани сме на партискиот конгрес на 6 декември
Реконструкција на Владата нема да има пред партискиот конгрес на владејачката партија ВМРО-ДПМНЕ, кој е закажан за 6 декември. Премиерот...
Бомба најдена во автомобил во гаража во Скопје, сопственикот на возилото добил заканувачка порака, МВР влегло во објектот
Ноќеска, околу 1 часот по полноќ, непознато лице влегло во гаража од семејна куќа во скопската населба Бит-пазар, во сопственост...
„Скопје го менуваме од корен“: Ѓорѓиевски го презеде раководењето со Градот
Новиот градоначалник на Скопје, Орце Ѓорѓиевски, денеска го прими уверението и најави дека од вечерва почнува акцијата за чистење на...
(Видео) Николоски: Го потпишавме договорот за изградба на заедничкиот пограничен тунел со Бугарија, железничкиот Коридор 8 има стратешко, економско и безбедносно значење за Балканот и Европа
Железничкиот Коридор 8 е еден од најважните трансевропски транспортни коридори, кој има стратешко, економско и геополитичко значење за целиот Балкан...
(Видео) ДИК ги објави конечните резултати од вториот круг на локалните избори
Државната изборна комисија (ДИК) на денешната седница ги објави конечните резултати од вториот круг на локалните избори 2025 година за...
АХВ заплени небезбедна храна со непознато потекло по спроведен вонреден инспекциски надзор
По добиена пријава, со интервенција од Единицата за економски и компјутерски криминал при СВР Скопје, Агенцијата за храна и ветеринарство...
Црна Гора сè поблиску до Европската Унија: познат е можниот датум за влез
Црна Гора го доби својот најповолен извештај за напредокот во европската интеграција откако ги започна преговорите за пристапување со Европската...
Пронајдено безживотно тело на млада жена во Тетово, Обвинителството изврши увид
Дежурен јавен обвинител од Основното јавно обвинителство Тетово вчера изврши увид на лице место на локацијата каде беше пронајдено безживотно...
(Видео) Украина нападна клучна рафинерија длабоко во Русија, се шират снимки
Украинските војници наводно нападнале и оштетиле руска рафинерија за нафта во Волгоград преку ноќ, додека експлозии потресле неколку други енергетски...
Израелски заложник за држењето во Газа: Бев гол, само му се молите на Бога да престане
Ром Браславски, неодамна ослободен израелски заложник, тврди дека бил подложен на „ужасна“ и понижувачка сексуална злоупотреба додека бил во заробеништво...
Итен состанок во Белгија за беспилотните летала: „Тие се видени над воени бази“
Советот за национална безбедност на Белгија денес ќе одржи итен состанок откако мистериозни дронови предизвикаа хаос во воздушниот сообраќај и...
САД во ОН ја претстави нацрт-резолуцијата за планот на Трамп за Газа
САД им претставија на своите партнери во Советот за безбедност на ОН нацрт-резолуција со која се обидуваат да го поддржат...
Хамас предаде уште едно тело на Црвениот крст во Појасот Газа
Хамас ги предаде останките на уште еден заложник на Меѓународниот комитет на Црвениот крст во Појасот Газа. Според Хамас, останките...
Летовите привремено запрени во Хановер по забележување дрон
Летовите на аеродромот во Хановер беа привремено прекинати синоќа откако беше забележан дрон во близина на аеродромот, потврди полицијата. Аеродромот...
Путин: Она што Трамп го објави е сериозно, принудени сме да реагираме
Русија ја има најсовремената нуклеарна тријада во светот, изјави во среда портпаролот на Кремљ, Дмитриј Песков. Тој нагласи дека е...
(Видео) Филипче: ВМРО-ДПМНЕ успеа за една и пол година да нѐ стави во групата со Косово, БиХ, Молдавија и со Украина
Претседателот на Социјалдемократскиот сојуз на Македонија, Венко Филипче, на денешната прес-конференција порача дека Извештајот на Европската комисија за напредокот на...
