Претседателот на СДСМ, Венко Филипче ги повика сите политички партии да ги поддржат и изгласаат сите закони што се дел од реформската агенда од Планот за раст и со тоа да се направи вистинска реформа на правосудсниот систем.

Во спротивно, потенцира Филипче, најавите на Владата на премиерот Христијан Мицкоски за промена на членови на Судскиот совет и иницијативата за разрешување на јавниот обвинител ќе претставуваат упад и груба партизација на севкупниот правосуден систем.

„Сметам дека најавите на Владата да се интервенира во делот на промена на членови на Судскиот совет и иницијативата за смена на јавниот обвинител апсолутно не е никаква реформа, туку е обид за партизација на системот. Постои јасна стратегија, којашто е содржана во Планот за раст, којшто владата на СДСМ го спремаше, а оваа влада на ВМРО-ДПМНЕ и премиерот го потпиша во Брисел, во којашто јасен е патоказот по која временска рамка треба да се оди за да се имплементираат различни измени на закони за вистински се реформира Судскиот совет и севкупниот правосуден на систем кај нас“, истакна Филипче на денешната прес-конференција.

Претседателот на СДСМ смета дека најголема потреба на државата и на граѓаните е реформата во правосудството и затоа повика на национално единство за ова прашање.

„Владата веќе прави консултации за новиот Закон за Судски совет од сите апелациони подрачја и на овој начин едноставно самата на себе си прави упад во системот менувајќи на членовите на Судскиот совет коишто во ова сценарио би биле смените и избрани нови по стариот закон“, појаснува Филипче.

Дел од законите што Филипче повика да бидат донесени се содржани и во програмата на Владата и се дел од Планот за раст, а тоа се: предлог Закон за плати на судиите, преку Законот за движење на судските предмети, предлог Закон за судски буџет, предлог Закон за јавно обвинителска служба, предлог Закон за платите на јавните обвинители, предлог Закон за судска служба, предлог Закон за судовите и предлог закон за Судскиот совет.

„Ако сега се направи упад на системот, не се постапи по овој План, тогаш целокупниот реформски систем и процес во судскиот систем се одлага за 6 години затоа што тие нови членови биле избрани по стариот закон“, вели Филипче.

Според него, не пости апсолутно ниту една причина да државата да не оди по зацртаниот и потврден пат којшто Владата го потпиша во Брисел со цел да се реформира целокупниот правосуден систем во државата.

„СДСМ во парламентот ќе ги поддржи сите реформски закони коишто произлегуваат од Планот за раст, односно реформската агенда во делот на судството. За сè друго сметам дека е упад во системот и груба партизација на истиот“, потенцира Филипче.

„Препораките за одземање на мобилни телефони во наставата помина одлично во јавноста, меѓу родителите и меѓу учениците. Дополнително, на класниот час повеќе се говори, преку презентации и посочување на класните раководители во делот на меѓуврсничко насилство, сајбер насилство и другарство. Лично присуствував на неколку класни часови кадешто се отворија дискусии, дел од учениците почнаа да раскажуваат како биле дел од мобинг и како тоа се решавало. Значи, за овие теми треба многу да се разговара и многу да се работи, а ние како Општина преземаме одговорност преку многу повици, проекти и работилници сето ова да го намалуваме и да не биде појава во општината“. Ова го потенцираше градоначалникот на Општина Центар Горан Герасимовски за МРТ.

Герасимовски, информираше дека пред неколку денови го посетил ООУ„Кочо Рацин“, а на самиот влез имало дежурни ученици, како дел од препораките што сите основни училишта на територија на Центар ги имаат прифатено од општината.

„Целта ни е да знаеме кој влегува и излегува од училиштето. Дополнително, имаме и препорака да гледаме што се случува на ТикТок и како учениците се самоповредувааат. Имаме насока, самите наставници да одвојуваат повеќе време, да посветат внимание на големиот одмор, внатре и надвор од училиштата и да бидат заедно со учениците“, рече Герасимовски.

Во време кога животниот стандард на граѓаните е загрозен поради погрешните економски политики на Владата, СДСМ како одговорна опозиција подготви и ќе предложи сеопфатна економска стратегија, порача претседателот на Социјалдемократскиот сојуз на Македонија, Венко Филипче, на денешниот брифинг со претставниците на медиумите.

Сетот на мерки како што кажа Филипче се преточени во закони, кои ќе имаат силен и брз ефект врз стандардот на граѓаните и ќе бидат делуваат како силна финансиска инекција, при што ќе го стопираат економскиот пад кој се случува.

Претседателот Филипче најави седум мерки, на коишто работи пратеничката група на СДСМ, и за кои се формализираат предлозите за мерките каде што треба да се интервенира со закон.

„Тоа се мерки коишто значајно ќе го олеснат животот на граѓаните, едноставно полесно ќе се справуваат со ценовните шокови. Првата мерка е намалување на ДДВ на електрична енергија од 18% на 5%. Тоа е намалување од најмалку 13% на сметките за струја. Односно за сметка од 3000 денари, намалувањето ќе биде околу 400 денари. Сметам дека е нешто што е значително олеснување за граѓаните. Потоа, намалување на ДДВ за основните прехранбени производи. Оваа мерка, во комбинација со дополнителните политики за замрзнување на маржите и цените, може да резултира со намалување на цените на овие производи дури и до 30%. Замрзнување на цените на основните прехранбени производи за следните три месеци. Ние ваква мерка пред околу две и пол години веќе имплементиравме, кога се замрзна цената на лебот на одреден период“, рече Филипче.

Во рамки на сетот мерки е и мерката за фиксирање на маржите за основните прехранбени производи, со што ќе се елиминира ризикот од манипулации и прекумерно зголемување на цените од страна на трговците. Исто така, СДСМ бара итно спроведување на Законот за нефер трговски практики, кој е клучен за заштита на потрошувачите од манипулации и нефер практики на пазарот. Овој закон беше донесен од Владата СДСМ, а ВМРО-ДПМНЕ не го спроведува. Филипче потенцираше дека целиот овој пакет на мерки, може сериозно да придонесе до намалување на цените на прехранбените производи.

„Предлагаме и намалување на цената на „зелениот картон“ за автомобили. Семејствата и малите бизниси кои зависат од транспортот, со ова директно добиваат намалување на трошоците. Фискален ефект ќе изнесува меѓу 9 и 11 милиони евра годишно пари назад кај граѓаните“, рече Филипче.

Во насока на подобрување на животниот стандард, СДСМ како што рече Филипче предлага мерка за зголемување на платите во приватниот сектор.

„Предлагаме зголемување на платите во приватниот сектор со замрзнување на придонесите. Во следниот период во приватниот сектор со цел да има зголемување на платите треба на компаниите да им се олесни системот и да не плаќаат дополнителна одредена сума за придонеси, значи да остане замрзната на онаа плата којашто е сега, а сето останато зголемување кое може да биде од 3.000 до 15.000 денари да оди директно кај работниците, при тоа работодавачите да не плаќаат придонеси на таа дополнителна сума на средства“ рече Филипче, додавајќи дека со овие мерки, СДСМ нуди реални и издржани решенија за економските предизвици со кои се соочуваат граѓаните.