Македонија и Словенија се единствени земји од регионот рангирани во Прво ниво во борбата пртоив трговијата со луѓе, односно Македонија е единствена држава од земјите кандидати за членство во ЕУ која е рангирана рамо до рамо со најразвиените западни држави, изјави министерката за внатрешни работи на презентацијата на Извештајот на американскиот Стејт Депармтент посветен на глобалните состојби со трговијата со луѓе за 2012.

„Македонија во глобалниот Извештај во кој се опфатени 187 држави во светот и овојпат е во друштво со 31 земја кои се категоризирана во првата, односно во групата ТИЕР 1 – земји што целосно ги исполнуваат стандардите во борбата против трговијата со луѓе заедно со САД, Велика Британија, Австралија, Австрија, Финска, Франција, Германија, Исланд, Ирска, Италија… Притоа, морам да истакнам дека ние заедно со Словенија сме единствените земји во ТИЕР 1 групата од поширокиот балкански регион, односно единствена држава од земјите кандидати за членство која еве со години по ред е рангирана рамо до рамо со најразвиените западни држави. За разлика од нас, на пример, Романија, Грција и Бугарија кои се членки на ЕУ, се во втората група држави, односно ТИЕР 2 – земји кои нецелосно ги исполнуваат минималните стандарди во борбата против трговијата со луѓе“, рече Јанкулоска.

Македонската полиција минатата година евидентирала четири кривични дела во сферата на трговија со луѓе, при што кривично се пријавени седум случаи. Во еден од тие случаи жртва е и малолетно лице.

Истовремено, според Јанкулоска, зголемени се активностите и во делот на криумчарењето на мигранти затоа што токму тие како специфична категорија на луѓе се и тоа како подложни особено на трудовата експлоатација и современото ропство.

„Така, лани за 44 проценти ја зголемивме реализацијата во откривањето на ваквите кривични дела во споредба со 2011 година, при што евидентиравме 39 кривични дела а пријавени беа 70 сторители на истите. Исто така, повеќе од двојно беше зголемен бројот на илегални мигранти – 415 во споредба со 173 во 2011 година, а од нив 396 беа сместени во Прифатниот центар за странци. Наедно документиравме криумчарење на уште 163 мигранти од афричките и азиските земји. За посебно нагласување е и фактот што изминатата година имавме за првпат регистрирано и машки лица, жртви на трговија со луѓе со цел трудова експлоатација“, додаде Јанкулоска.

Според најновиот Извештај на Стејт департментот на САД, Македонија повторно и во 2012 година, исто како и за 2011, 2008,2009 година е рангирана во групата ТИЕР 1 – држави коишто целосно ги исполнуваат стандардите за борба против трговијата со луѓе./крај/мф/мф