Македонија
Институт Димитрија Чуповски: Скоро 25 отсто го поддржуваат проектот Скопје 2014
Скоро 25 проценти од населението го поддржува проектот Скопје 2014, покажала анкетата на Институтот Димитрија Чуповски, спроведена од „Ипсос Стратеџик Пулс“.
На прашањето „Во колкава мера го поддржувате или не го поддржувате проектот Скопје 2014“, проектот целосно го поддржуваат 24,4 проценти од испитаниците, додека пак со „до некаде“ одговориле 39,2 отсто. Негативно, односно проектот воопшто не го поддржуваат 34 проценти од анкетираните.
На истото прашање, поставено на етничките Македонци, позитивно односно целосно го поддржуваат 28 проценти, а делумно 42 проценти, додека 27 отсто негативно се изјасниле по овој проект.
Во анкетата направена кај етничките Албанци пак, 14 проценти се изјасниле дека целосно го поддржуваат проектот, додека 26 проценти делумно, а 57 проценти пак воопшто не го поддржуваат проектот.
На прашањето „Во колкав степен вам лично ви се допаѓа барокниот стил на градбите од проектот Скопје 2014“, истиот воопшто не им се допаѓал на 25 проценти, а сосема им се допаѓал на 21 процент од анкетирањето.
Споменикот и фонтаната Воин на Коњ пак, им се допаѓа на 49 проценти од анкетираните, а не им се допаѓа на 22 отсто.
Анкетата на Институтот Димитрија Чуповски била спроведена на 2000 испитаници, во перидот од 26 јуни до 7 јули годинава./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дел од Карпош денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09:00 до 12:00 часот, корисниците на улиците: Урош Џудовоќ, Осло, Будимпештанска, Лубица Георгиева (Општина Карпош)
Македонија
Сончево и релативно топло со мала до умерена облачност
Сончево и релативно топло со мала до умерена облачност. Во утринските часови наместа ќе има појава на магла и зголемена облачност која во текот на денот ќе се намали. Ќе дува слаб до умерен, а наместа долж Повардарието повремено засилен ветер од северозападен правец.
Минималната температура ќе биде во интервал од -3 до 4, а максималната ќе достигне од 10 до 15 степени.
Во Скопје, претпладне во делови од котлината ќе има услови за појава на слаба магла. Во текот на денот времето ќе биде сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до -1, а максималната ќе достигне до 12 степени.
Времето во наредните денови
Под влијание на висок воздушен притисок продолжува периодот на претежно сончево и тивко време. Во ноќните и претпладневните часови наместа ќе има појава на магла и зголемена облачност.
Македонија
Зимзоленд: Продолжуваме со работа, шпекулација е дека настанот ќе биде затворен
Од Зимзоленд велат дека продолжуваат со работа и дека информациите за неговото затворање се шпекулации.
„Во последните часови на одредени медиуми се појавија неточни информации и шпекулации дека Зимзоленд ќе биде затворен. Ве информираме дека ова не е точно. Зимзоленд продолжува да работи со редовно работно време“, се наведува во јавното соопштението.
Во него се додава дека е точно дека во претходните денови имало инспекциски надзори, но велат дека до надлежните служби била доставена целосната и потребна документација.

