Во тек е редовната пролетна дератизација на околу 5.000 шахти на територија на општина Карпош.

Како дел од рутинските активности за одржување на јавната хигиена претходно, со процесот на дезинфекција, дезинсекција и дератизација беа опфатени сите основни училишта и детски градинки.

Локалната самоуправа ја презема оваа активност секоја година на пролет и есен, како превенција од штетните глодари и инсекти, во насока на одржување на здравата животна средина, информираат од општината.

„За да избегне програмска и кадровска реформа, на ДУИ очајно му треба политичка криза. Затоа веќе подолг временски период креираат сценарио кое треба да кулминира со бојкот на локалните избори“, велат од ВЛЕН.

„Дел од ова провидно сценарио се нивните неосновани напади за наводната деалбанизација, кое треба да креираат лажна атмосфера дека Албанците не се доволно застапени во државните институции благодарение на коалицијата на ВРЕДИ со ВМРО-ДПМНЕ.

Барањето за предремени парламентарни заедно со локалните избори Али Ахмети го пласира не за да навистина се одржат, туку тоа да му биде аргумент зошто сака да ги бојкотира локалните избори.

ДУИ знае дека на локалните избори ќе доживеат драматичен пораз. Нивните истражувања им го потврдуваат овој факт. Али Ахмети знае дека после пораз на локалните избори неминовно ќе се отвори прашањето за неговото лидерство. Не сакајќи да заврши како политички губитник тој како коцкар посегнува по последната карта – бојкот на локалните избори. Откако не му беше прифатена понудата да влезе во Влада наместо ВРЕДИ со четири министри, без претседател на Собрание заедно со ветување дека ВМРО-ДПМНЕ ќе го добие Кичево или Струга, ДУИ сака да предизвика политичка криза.

Вакво предавство на Албанскиот народ не поминува. Казната за ова неодговорно однесување на корумпираното и заробено раководство на ДУИ ќе биде жестока“, соопшти ВЛЕН.

„Лицата кои што се корисници на времена инвалидска пензија поради правни празнини може да станат социјални случаи. Актуелните законски решенија не предвидуваат мирување на работниот однос на работници на кои поради професионално или друг вид на заболување им е доделена времена пензија. Односно, ваквиот тип на пензија може да се користи најмногу 2 години, а за тоа време на работникот му престанува работниот однос“, велат од партијата Левица.

„Во случај кога Комисија за оценка на работната способност оцени дека работникот е способен за работа, правото на времена пензија на работникот му се укинува, поради неможноста да се врати на своето работно место, тој станува финансиски необезбеден или потенцијален социјален случај. Голем број на работници, се жалат дека оваа комисија многупати донесува одлука за укинување на правото на времена пензија и покрај тоа што работникот не е оспособен да се врати на работното место и ги извршува работните задачи.

Законот за работни односи предвидува мирување на работниот однос за лица кои се избрани на државни или јавни функции или при упатување на работа во странство, но не содржи одредби за мирување на работниот однос во случај на професионално или друг вид на заболување. Како социјална држава, Република Македонија има уставна обврска да се грижи за обезбедување на услови за живот за сите граѓани подеднакви, особено за лица кои се во социјален ризик.

Владеењето на елитистичките касти од ДПМНЕ и СДС, повеќе од триесет години покажа постојано ускратување на работничките права и зголемување функционерски привилегии. Во насока на заштита на егзистенционалните права на работниците, Левица најавува дека покрај измените во ЗРО со кои се бара враќање на патните трошоци на работниците, ќе интервенира и во други членови од овој закон со цел заштита на работничките права, вклучително и регулација на овие правни празнини, кои дозволуваат егзистенцијата и преживувањето на работникот да зависи од волјата на една комисија“, соопштуваат од партијата Левица.