Македонија
САД донираа воена опрема за АРМ вредна шест милиони долари

Опрема во вредност од околу 6 милиони долари, донација од САД, која вклучува моторни возила, радио-уреди, како и систем на беспилотни летала, беше доделена на АРМ во петок на свеленост во техничко-ремонтниот центар во Скопје.
На свеченото примопредавање на опремата присуствуваа министерот за одбрана на Република Македонија, Талат Џафери, началникот на Генералштабот на АРМ, генерал-потполковник Горанчо Котески, амбасадорот на САД во Република Македонија, Пол Волерс, како и други високи гости.
Во таа прилика, министерот Џафери се заблагодари за континуираната помош од нашите пријатели, Соединетите Американски Држави, и истакна дека досегашната помош која надминува 100 милиони долари е доказ за цврстата и искрена поддршка на САД за развојот на Република Македонија.
„Конзистентноста на политиката на партнерство, е во насока на раст и унапредување на довербата помеѓу нашите две пријателски држави“, рече Џафери.
Амбасадорот на САД, Пол Волерс посебно потенцираше дека оваа програма не се однесува само на обезбедување на возила, оружје и радио уреди, туку преку неа се обезбедуваат способности и ефектно се зголемува интероперативноста преку заедничките платформи.
Донациите од САД се реализираат преку фондовите кои Владата на САД ги доделува на земји-партнери за унапредување на одбранбените способности. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДИК: Вкупно 8.848 болни или немоќни лица денес можат да го остварат своето право на глас

Денес се спроведува гласањето на болните или немоќни лица, лицата кои се на издржување на казна затвор или се во притвор и лицата кои се пријавиле за гласање а се сместени во установите за вонсемејна грижа, соопшти Државната изборна комисија.
Вкупно 8.848 болни или немоќни лица, како што велат од ДИК, можат да го остварат своето право на глас на овие локални избори.
Со почеток во 7:00 часот во 14 казнено поправни установи, своето право на глас можат да го остварат 2162 лица кои се на издржување казна затвор или притвор.
Од ДИК информираат дека 442 лица сместени во установите за вонсемејна грижа своето право на глас може да го остварат во вкупно 13 центри за вонсемејна грижа.
Гласањeто денес започна во 7 часот утринава, а завршува во 19 часот.
Македонија
Од средината на следната недела ќе биде потопло

Следува период на стабилно време, освен во среда, кога ќе има локални врнежи од дожд. Дневната температура од четврток ќе биде во пораст, соопшти Управата за хидрометеоролошки работи.
Времето денеска ќе биде променливо облачно со повремени локални врнежи од дожд со послаб интензитет. Ќе дува слаб до умерен ветер претежно од северен правец. Максималната температура ќе биде во интервал од 13 до 19 степени.
Во Скопје, променливо облачно со повремен дожд. Ќе дува слаб до умерен ветер од северен правец. Макималната температура ќе достигне до 16 степени.
Македонија
ОЈО Струга отвори предмет за спомен-куќата на Владо Малески

Основното јавно обвинителство Струга оформило предмет во врска со уривањето на спомен-куќата на Владо Малески, при вршење градежни работи во близина на објектот од страна на лице од Велешта.
Јавен обвинител, како што соопшти денеска Основнот јавно обвинителство, на 16 октомври извршил увид на лице место во присуство на вешто лице од градежната струка.
„Наредено е вештачење, а се преземаат и други дејствија за испитување на околностите под кои се случил настанот“, стои во соопштението на ОЈО.
При изведба на градежни работи на индивидуален објект во старото градско јадро беше срушен јужниот ѕид и дел од кровната конструкција од куќа заштитена како културно наследство.
Министерот за култура најави изработка на проект за обнова и реставрација на спомен куќата на Малевски со цел да се зачува автентичниот изглед и историјскиот дух.