Обвинетите Алил Демири, Африм Исмаиловиќ, Агим Исмаиловиќ да бидат осудени на доживатна казна затвор, на Фејзи Азири да му биде изречена 15 години затворска казна, а на Хаки Азири од девет до десет години затвор, бара обвинителката Фатиме Фетаи.

„ Со друга санкција нема да се постигне санкцијата”, рече Фетаи на судењето.

Таа објасни дека според Обвинителството, целта на петкратното убиство била дестабилизација на Македонија, а важно било жртвите да се Македонци.

„ Иако е јасно за јавноста и за семејствата на жртвите е важно зошто е направен овој чин, во случајот, од доказите проилегува дека изборот на жртвите е да се Македонци. Конкретни докази за мотивот за кривичното дело тероризам, вообичаено нема”, рече Фетаи.

Според неа, обвинетите успеале во мотивот за дестабилизација, со оглед на протестите кои се одржуваа во тој период.

„ Се задоволиле со непоткрепени тези за ‘крвав Велигден’, но не дава одговор на тоа зошто. Дејствијата на убивањето на петте лица е терористички акт и извршителите тоа го знаеле. Можноста за дестабилизација на Македонија е мотив за овој чин, а делумно има успех, што се покажа на револтот изразен на протестите. Се обратив до Агенцијата за разознавање, но не дадоа податоци од помош. Мотивацијата да не се екстрадираат Алил и Агим од Косово е можеби подлабока и тие ќе треба да ги дадат одговорите за мотивите”, рече Фатиме, надевајќи се дека ќе бидат екстрадирани.

Денес на првиот наставен ден од второто полугодие јасно е дека сѐ останува по старо. Учениците, професорите и родителите повторно ќе се соочуваат со истите проблеми, ќе се жалат меѓу себе, ќе си бараат помош, ќе се мачат, а времето ќе врви како и во претходното полугодие, обвини Комисијата на образование и наука на ВМРО-ДПМНЕ.

„ Наставниците повторно ќе се снаоѓаат со сопствени лаптопи, со прекините на интернетот, со притисокот да пишуваат оценки, директорите со пишување нереални извештаи за текот на наставата, а и за заразените од КОВИД-19, родителите со сѐ ова и со трошење на огромен дел од своето време за напредок на сопственото дете.

Учебници нема да има ниту во второто полугодие, особено за средните стручни училишта. Националната платформа за далечинско учење воопшто не профункционира, а наставниците повторно нема да добијат навремена професионална обука. Над 10.000 ученици повторно ќе следат опциона настава, односно настава на телевизија и со печатени материјали и притоа за нивниот напредок не е можна реална контрола на постигнувањата.

Министерката Мила Царовска наместо да направи анализа на проблемите и евалуација на постигнувањата цел распуст се бави со нешто, наречено Концепција за реформа на образованието искритикувана и отфрлена од сите релевантни институции.

Додека министерката се бави и на мускули ја турка концепцијата, наставниците и децата остануваат да се снаоѓаат како умеат и знаат, а таа продолжува да се фали со 90% успешна онлајн настава.
Жално и срамно! Не ви веруваме! Кому му се потребни лаги и невистини? Потребно е децата успешно да ја завршат годината!“ се наведува во соопштението.

Во однос на реформата на основното образование, кое се најавува од страна на Министерството за образование и наука, НСДП цени дека повеќе од потребни се квалитативни промени, кои ќе нè поместат од дното на светските рангирања за писменост. Според НСДП, потребен е инклузивен процес на дијалог и дебата во кој ќе бидат вклучени сите фактори од кои зависи испорачувањето квалитетни резултати во оваа сфера.

„Освен институциите на системот, како неизоставен дел од напорите за подобрување на состојбите со образованието потребно е активно да бидат вклучени сите засегнати страни, како што се наставниците, професорите, учениците и родителите. Квалитетното образование да се постави како врвен национален приоритет, со јасно формулирани цели и методи на развивање на способностите, знаењата и вештините на учениците. Само на тој начин може да го направиме првиот исчекор кон воспоставување модерен и динамичен образовен систем, од кој ќе излегуваат оформени и слободоумни млади генерации, оспособени за предизвиците што ги носи иднината“, наведуваат од партијата.

НСДП смета дека најнапред е потребно е да се води сметка целокупниот образовен процес да биде ослободен од стереотипите и предрасудите, од идеолошките и политичките митови, образованието да прерасне во мост на разбирање помеѓу младите генерации со различна етничка припадност и разни погледи на определени општествени процеси.

„Унапредувањето на материјалните аспекти и реалното профункционирање на вистинско бесплатно образование цениме дека претставуваат цели што заслужуваат внимание во дебатата што се отвора за реформа на основното образование. Ослободувањето на родителите од трошоците што ги имаат за своите деца за оброк, посети на музеи, училишни екскурзии, како и за разни наставни помагала, кои се неопходен дел од образовниот процес, се прашања што заслужуваат одговор од институциите на системот. Приоритет треба да добие и надминувањето на лошите материјално-технички и санитарни услови што постојат во дел од училиштата во руралните средини, каде што учениците немаат ниту пристојни хигиенски услови.

Состојбите со основното образование директно влијаат на високиот степен на неписменост кај младите генерации, со акумулиран потенцијал да наштети на севкупниот општествен и економски развој на државата. Ова е системски проблем кој бара ургентно надминување, но истовремено е потребно фокусот да биде проширен и на унапредување на состојбите во средното и високото образование. Затоа, НСДП смета дека е потребно да се постави јасна цел во наредните 10 години како држава да дојдеме на ниво на писменост од 98 %, а трошоците за образованието што државата ги издвојува да достигнат 5 % од вредноста на БДП на земјата.

Со зајакнувањето на финансиските основи на образованието ќе се унапредат материјалниот и општествениот статус на наставниците и професорите, нивната професионална мотивираност за усовршување и самообразование. Преку програми за интензивна дополнителна обука, квалификација, доквалификација или преквалификација да добиеме наставници што ќе бидат воспитувачи, а не строги судии. Издвојувањето поголеми финансиски средства за образованието ќе значи квалитетна и компетентна настава во сите степени на образовниот процес“, порачуваат од НСДП.