35 поранешни и 19 новоизбрани градоначалници не ја пријавиле имотната состојба, меѓу нив Ѓорѓиевски и Арсовска, соопшти Комисијата за спречување на корупцијата

Државната комисија за спречување на корупцијата, во согласност со член 17 од Законот за спречување на корупцијата и судирот на интереси ги евидентира и следи имотната состојба и интересите.

Во согласност со член 82 став 1 од Законот за спречување на корупцијата и судирот на интереси сите избрани градоначалници на локалните избори 2025 година имаат обврска најдоцна во рок од 30 дена од денот на изборот да поднесат изјава за имотната состојба и интересите, информираат од таму.

Потенцираат дека во согласност со член 82 став 3 од наведениот закон, по престанокот на функцијата градоначалник, тие имаат обврска да поднесат изјава за имотната состојба.

„ДКСК изврши проверка во регистерот на имотната состојба и интересите и ја констатира следната состојба:
– 35 лица по престанокот на функцијата градоначалник немаат поднесено изјава за имотната состојба и интересите и
– 19 лица по изборот на функцијата градоначалник немаат поднесено изјава за имотната состојба и интересите, а
за кои ќе иницира постапки во согласност со законот со издавање прекршочен платен налог.

ДКСК ќе ја следи состојбата и за сите наведени лица, кои и понатаму нема да ја исполнат законската обврска за доставување изјави, ќе иницира постапки за проверка на нивната имотна состојба и интереси“.

(табели со лица што немаат поднесено изјава за имотната состојба и интересите според ДКСК)