Македонија
35 починати и 734 новозаразени од Ковид-19

Од Министерството за здравство информираат дека во последните 24 часа се направени 3.246 тестирања, а регистрирани се 734 нови случаи на Ковид-19 во Скопје – 313, Битола – 75, Куманово – 46, Прилеп – 38, Тетово – 36, Велес – 34, Гостивар – 26, Охрид – 24, Струмица – 22, Кавадарци – 19, Штип – 17, Кочани – 14, Гевгелија и Виница по 10, Кичево и Неготино по 9, Ресен – 8, Берово – 4, Радовиш, Делчево и Валандово по 3, Свети Николе, Богданци и Дојран по 2 и по еден во Струга, Крива Паланка, Дебар, Кратово и Македонски Брод.
Регистрирани се 621 оздравени пациенти од Скопје – 330, Кавадарци – 40, Велес – 37, Тетово – 29, Штип – 25, Неготино – 21, Гостивар – 19, Битола – 18, Гевгелија – по 14, Куманово и Кочани по 13, Демир Капија – 10, Пробиштип и Кичево по 9 , Свети Николе – 8, Берово – 7, Пехчево – 6, Ресен – 4, Богданци – 3, Прилеп и Кратово по 2 и по еден во Виница и Демир Хисар.
Пријавени се вкупно 35 починати лица – 12 од Скопје ( 87г , 84г , 81г , 80г , 77г , 75г , 74г , 72г , 72г , 70г , 70г и 61г ), 6 од Битола ( 88г, 84г, 75г, 63г, 63г и 59г), 4 од Охрид ( 78г, 75г, 73г и 28г), по 2 од Гевгелија (75г и 64г) , Куманово (73г и 60г) , Демир Капија (83г и 63г) и Кичево (78г и 68г) и по еден починат од Гостивар (77г) , Кочани (79г) , Виница (72г) , Велес (67) и Радовиш (49г). Сите 35 пациенти се починати во болнички услови.
Направени се 3.246 тестови преку: ИЈЗ-602, ЦЈЗ Скопје-85, ЦЈЗ Битола-113, МАНУ-125, Жан Митрев (Филип Втори)-173, Авицена-319, Биотек-323, Систина-346, лабораторија Лаор-633, Синлаб – 25, Ремедика-45, Плодност – 72, ЈЗУ и ПЗУ (рапид тест) – вкупно 385.
Досега во земјата се направени вкупно 641.573 тестирања на Ковид-19.
Вкупната бројка на ковид-дијагностицирани лица во нашата земја од почетокот на епидемијата изнесува 134.867, бројката на оздравени пациенти е 109.297, на починати е 3.940, а бројот на активни случаи изнесува 21.630.
Според епидемиолошките анализи, статистиката по градови во моментов е следна:
Скопје 60.299, активни 10.584
Прилеп 7.291, активни 1.166
Куманово 7.170, активни 1.078
Тетово 6.471, активни 666
Битола 4.813, активни 1032
Велес 4.712, активни 814
Гостивар 4.672, активни 526
Кавадарци 4.601, активни 728
Штип 4.392, активни 491
Охрид 4.282, активни 896
Струмица 3.391, активни 430
Струга 2.729, активни 275
Кочани 2.335, активни 280
Кичево 2.093, активни 226
Неготино 1.988, активни 381
Гевгелија 1.914, активни 409
Свети Николе 1.306, активни 123
Крива Паланка 1.100, активни 126
Ресен 1.066, активни 203
Радовиш 9.43, активни 142
Берово 880, активни 127
Дебар 868, активни 64
Делчево 865, активни 107
Пробиштип 709, активни 91
Виница 651, активни 104
Валандово 544, активни 98
Крушево 439, активни 127
Богданци 425, активни 80
Демир Капија 369, активни 76
Кратово 337, активни 29
Демир Хисар 331, активни 43
Македонски Брод 313, активни 44
Пехчево 238, активни 31
Македонска Каменица 212, активни 18
Дојран 118, активни 15
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.