Македонија
41 крводарителска акција од јануари годинава организира општинската организација Црвен крст – Центар
![](https://makfax.com.mk/wp-content/uploads/2024/06/thumbnail_WhatsApp-Image-2024-06-14-at-11.30.53_8511352a.jpg)
По повод Светскиот ден на крводарителството, Општина Центар известува дека општинската организација на Црвниот крст – Центар од јануари до мај 2024 година има организирано 41 крводарителска акција, во која се обезбедени 1.938 крвни единици.
„Со овие бројки нашата општинска организација значително придонесува во задоволување на потребите за крв потребна за спасување живот. Општина Центар во соработка со Црвениот крст секоја година организира по 3 крводарителски акции, односно 4 пати во една календарска година. За учество во крводарителските акции и успешно спроведените заеднички проекти, Црвениот крст пред неколку месеци му додели признание на градоначалникот на општина Центар, Горан Герасимовски“, се истакнува во соопштението.
Во него се појаснува дека Општина Центар реализира низа успешни проекти, меѓу кои годинава првпат лицата со попреченост да добијат бесплатен превоз до здравствените установи. Одличен хуман проект со кој Општината гим о олеснува животот на оние на кои тоа им е најпотребно.
Соработка има и во рамките на едуцирање на децата од градинките за здравите хигиенски навики, како и едуцирање на предшколскиот и наставниот кадар со учениците од 8 одделение како да постапуваат во ургентни ситуации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Познат идентитетот на Македонката која загина во тешка сообраќајна незгода во Грција, тешко повредени уште две девојки
![](https://makfax.com.mk/wp-content/uploads/2024/06/soobrakajka-grcija.jpg)
Министерството за надворешни работи соопшти дека денеска во 12 часот по локално време, на автопатот Егнатиа, во Република Грција, се случила тешка сообраќајна несреќа, во која М.Н. (1995), државјанка на Република Северна Македонија го изгуби животот.
„Претставниците на Генералниот конзулат на Северна Македонија во Солун, кои од времето на настанатата трагедија беа во контакт со блиски на жртвата, остануваат на располагање за асистенција во врска со преносот на останките на починатата во земјата.
Воедно, информираме дека засегнати се и три наши државјанки, сопатници на починатата, А.К (2000) и М.Р (2000), кои добиле тешки повреди и И.Ј (1999) која не е повредена, при што се соодветно хоспитализирани“, соопшти МНР.
Генералниот конзулат останува во постојана комуникација со надлежните институции и на располагање на повредените наши државјанки и нивните семејства при евентуална потреба за помош, до нивното враќање дома.
Македонија
(Видео) Хеликоптер на МВР исфрли над 20 тони вода врз пожар во кичевско
![](https://makfax.com.mk/wp-content/uploads/2024/06/pozar-mkd.jpg)
Денеска хеликоптер Бел-412 од Одделот за воздухопловни единици на МВР, по добиено барање од ЦУК, дејствуваше на пожарот на отворено во атар на село Цер во општина Кичево, извести МВР.
Хеликоптерот исфрли над 20 тона вода и го стопира кракот што се наближуваше да зафати букова шума, соопшти МВР.
Македонија
Топлото време продолжува и во наредните денови, утре температурите до 40 степени
![](https://makfax.com.mk/wp-content/uploads/2021/06/toploten-bran-sad.jpg)
Времето утре ќе биде сончево и многу топло со мала до умерена локална облачност. Попладне облачноста ќе се зголеми. Ќе дува слаб до умерен ветер од западен и југозападен правец. Минималната температура ќе биде во интервал од 15 до 23, а максималната ќе достигне од 33 до 40 степени. UV=9
Во Скопје сончево и многу топло со мала до умерена облачност. Ќе дува слаб ветер од западен правец. Минималната температура ќе се спушти до 21, а максималната ќе достигне до 40 степени.
Во деновите од викендот нашето подрачје и понатаму ќе биде под влијание на многу топла воздушна маса од југ поради што времето ќе биде претежно сончево и натпросечно топло. Од понеделник во попладневните часови ќе има локален развој на нестабилна облачност со краткотраен пороен дожд и грмежи. Дневните температури ќе бидат во постепено благо опаѓање.