Контакт

Македонија

(Видео) 82-годишен бездомник 12 години води битка да добие пензија

Објавено пред

Бездомниците почнаа да се враќаат во прифатниот центар во Чичино Село. Утрово три семејства, вкупно десет луѓе, се сместија во реновираната барака. Некои од нив се повратници во прифатниот центар. Неврие Идризи, бремена со седмо дете, е меѓу повратниците. Не сака да зборува пред камера. Вели дека во центарот имало семејство што ги тероризирало сите жители, но кога слушнала дека се иселило, одлучила да се врати. Живеела во прифатилиштата во Катланово, во Љубанци, а сега доаѓа од дворот на студентскиот дом „Стив Наумов“ во Автокоманда бидејќи Општина Гази Баба, минатата недела ги иселила. Треба да се породи во октомври, па се радува што ќе ги има основните услови за бебето.

Ајтен Мустафа, раководителка на прифатниот центар за бездомници во Чичино Село, ја сместила Неврие овде.

„Неврие со семејството, сите женски лица, ќе се сместат во една соба, ќе добијат покривки, хигиенски средства и ќе се вклучат во програмата за храна, ќе добиваат појадок, ручек и вечера“, рече раководителката Мустафа.

Со новите 10 прифатилиштето во Чичино Село има 53 жители. Најстариот од нив има 82 години. Благоја Давитковски е задоволен од сметувањето, но се жали дека не може да се избори за пензија.

„Овде сум 2,5 години. Дојдов од улица. Така живеев три години. Ме пронајдоа на станица по иницијатива од луѓе и ме сместија тука. Имам еден многу важен проблем, среќа што дојдовте баш во овој момент. Дванаесет години имам поднесено барање за пензија. Дванаесет години го влечкаат предметот. Трета година предметот лежи во Управен суд. Чекаат да заврши барателот и да се направи природен отпис“, ни се пожали Давитковски.

Од Министерството за труд и социјала велат дека го следат случајот на Давитковски, му понудиле и правна помош и нему и на сите други бездомници сместени во Чичино Село. Во текот на оваа недела најавија дека тој ќе биде сместен во домот за стари лица „Мајка Тереза“.

На помош од државата се надева и 72- годишната Благица Микиќ. Таа најдолго живее во прифатниот центар во Чичино Село, цели 13 години. Тука  ѝ починал едниот син пред три години, а другиот заминал на школување во странство. Сега најголем другар ѝ е кучето Рекс, го чува во дворчето пред бараката. Таа е сместена во нереновираната барака во центарот.

„Чекам стан. Сега во Бутел почнале да градат, се надевам дека ќе добијам. Бев во Владата, сите документи ми се средени, па сега со Господ напред. Овде веќе не е за мене. Еве овде покривот тече, нема кој да ми го поправи, ќе ми влезе вода, не дај боже, ќе се запали“, вели Микиќ, која пред да дојде во Чичино Село осум години живеела во напуштените судски бараки во Бутел.

Во истата барака дом си направиле и Азбија Мемедовски и Албер Османи. Имаат четири мали деца, па центарот им доделил две соби.

„Претходно, бевме сместени во домот ‘Ранка Милановиќ’, таму не беше добро. Имаме кујна, имаме каде да ги переме алиштата, имаме сè. Тука сме како во наша куќа. Децата ни беа тепани од наставничката во ‘Ранка’, затоа не ги пуштавме на училиште. Сега тука ќе одат од септември“, велат Азбија и Албер.

Албер одвреме-навреме работи кога ќе дојде некој да побара работници, а Азбија ја одржува бараката. Вели дека тоа е обврска на сите станари, но сите биле постари, па затоа обврската си ја презела на себе.

Најмлад жител на Чичино Село е 19-месечната Ангела. Тука живее со мајка си повеќе од една година.

Наташа Станоевиќ, в.д. директор на Меѓуопштинскиот центар за социјална работа Скопје, вели дека во моментот имаат евидентирано речиси 150 бездомници во Скопје.

„Во моментот во Чичино Село престојуваат 53 лица, а во ‘Ранка Милановиќ’ меѓу 90 и 100 лица. Тоа се лица што се евидентирани и сместени во овој или во другиот објект. Сместувањето во Чичино Село оди на доброволна база, за лицата се грижат психолог, социјален рабтник и правник. Им помагаат да извадат лична документација ако ја немаат, да си обезбедат документи за здравствена заштита и да си ги обезбедат потребните лекарства“, вели директорката Стојановиќ.

За некои од бездомниците сместени во „Ранка Милановиќ“ во изградба е нов прифатен центар во Визбегово. Од Министерството за труд велат дека во Визбегово ќе бидат поставени 34 контејнери, во кои ќе може да се сместат 17 семејства. Изградбата на новото прифатлиште се очекува да заврши најдоцна до 20 септември. Теренот е подготвен, следува фаза во која ќе се поставуваат контејнерите. На оваа локација чекаат семејствата што живееја под Калето, а со одлука на Владата беа сместени во прифатилиштето во Автокоманда.

На бездомниците во Скопје им стои на располагање и прифатилиштето во Момин Поток.

 

 

Македонија

Одборот за свикување вонреден конгрес на ВМРО-ДПМНЕ: Христијан Мицкоски е само лош глумец

Објавено пред

Христијан Мицкоски е само лош глумец, чија суета ја турка ВМРО-ДПМНЕ во пропаст, реагираат од иницијативниот одбор за свикување вонреден конгрес на ВМРО-ДПМНЕ по вечерашната изјава на Мицкоски дека тој предложил да се свика вонреден конгрес на кој тој нема да биде претседател, но дека Централниот комитет едногласно го одбил тоа.

„Да беше искрен во предлогот за вонреден конгрес и во намерата да не се кандидира, ќе ја искористеше можноста што ја дава Статутот, ќе си дадеше оставка и ќе беше свикан конгресот наместо да прави театар злоупотребувајќи го Централниот комитет, кој е со истечен мандат. Сè уште актуелниот престедател на ВМРО-ДПМНЕ нема ниту кредибилитет ниту легитимитет да именува или разрешува партиски органи. Единствено чесно од негова страна би било извинување до членството за претрпените порази, преземање одговорност, оставка и закажување вонреден конгрес“, се вели во соопштението.

Само така, велат од иницијативниот одбор, ќе си го одржи зборот и ќе го сочува образот и, впрочем, и самиот Мицкоски јавно вети дека ќе се повлече доколку не победи и не успее да формира влада.

„Мицкоски загуби и немаше капацитет да формираше влада. Поразот на избори е најмногу поради тоа што нема капацитет да обединува. Ни граѓаните ни партиските членови во него не гледаат лидер. Парите наменети за изборно рекламирање ги трошеше во сомнителни портали, а на вмровските листи вметнуваше ликови како Сафет Бишевац, кои до вчера го навредуваа и омаловажуваа членството. Мицкоски е изолиран. Нема поддршка ни од домашната ни од меѓународната јавност. Мицкоски му одговара само на Зоран Заев бидејќи СДСМ никогаш нема да најде подобар спаринг-партнер, кој со сигурност ќе си го гази на избори. Времето и начинот на кој го предлага новиот извршен комитет покажува само дека Мицкоски не ги почитува конгресот и делегатите што го избрале. Наместо да побара поддршка на вонреден конгрес и потоа со легитимитет да ја води партијата доколку добие доверба, Мицкоски одлучува да се коцка со ВМРО-ДПМНЕ и да предлага нови структури, кои во суштина не нудат ништо ново“, се вели во соопштението на иницијативниот одбор за свикување вонреден конгрес на ВМРО-ДПМНЕ.

Прикажи повеќе...

Македонија

Игор Јанушев се повлече од функцијата

Објавено пред

Централниот комитет на ВМРО-ДПМНЕ вечерва избра нови членови на Извршниот комитет на партијата. Генералниот секретар на партијата, Игор Јанушев, се повлекува од партиската функција, соопшти лидерот на ВМРО-ДПМНЕ, Христијан Мицкоски.

„Поради лични причини, се повлече Игор Јанушев, но тој ќе продолжува да придонесува и да помага во ВМРО-ДПМНЕ во наредниот период. Му се заблагодарувам за досегашниот ангажман“, рече Мицкоски.

Новиот состав на ИК ќе го сочинуваат: Александар Николовски, Владимир Мисајловски, Иван Иванов, Сергеј Попов, Никола Мицевски, Гордана Димитриеска-Кочовска, Рашела Мизрахи, Стефан Андоновски, Марија Андоновска, Олга Лозановска, Дафина Стојановска, Вело Марковски, Трајко Славевски, Владимир Ѓорчев, Драган Ковачки, Коце Трајановски, Кирил Пецаков и Антонио Милошоски.

Прикажи повеќе...

Македонија

(Видео) Мицкоски: Предложив вонреден конгрес на кој јас нема да бидам претседател, но предлогот беше одбиен

Објавено пред

Лидерот на ВМРО-ДПМНЕ, Христијан Мицкоски, предложил вонреден конгрес за избор на нов лидер, каде што тој нема да се кандидира, но предлогот му бил одбиен.

Изјава по состанок со Централниот Одбор, 21.09.2020

Изјава по состанок со Централниот Комитет, 21.09.2020

Posted by Hristijan Mickoski on Понеделник, 21 септември 2020

„Јас не бегам од моите принципи и затоа иако до ден-денешен не беше поднесена никаква иницијатива за вонреден конгрес од страна на оние што водат хајка врз мене, а целта е ВМРО-ДПМНЕ, само така служејќи му на Заев. Јас на сопствено залагање поднесов предлог за свикување вонреден конгрес, на кој јас нема да се кандидирам. Централниот комитет, без моето присуство по напуштањето на салата во која се одржуваше седницата, едногласно го одби моето барање и не се согласи со ваквиот предлог, а со тоа ми даде полн легитимитет да продолжам со владеењето на ВМРО-ДПМНЕ“, рече Мицкоски.

Тој изјави дека отворено дискутирал за неговото речиси тригодишно управување со партијата.

„ВМРО-ДПМНЕ е столбот на македонизмот. Наша цел е победа против мафијата“, рече Мицкоски.

Тој ја информира јавноста дека генералниот секретар на партијата, Игор Јанушев, се повлекол од партиската функција поради приватни причини и му се заблагодари за неговиот ангажман.

Прикажи повеќе...

Најново

Македонија6 часа

(Видео) Мицкоски: Предложив вонреден конгрес на кој јас нема да бидам претседател, но предлогот беше одбиен

Лидерот на ВМРО-ДПМНЕ, Христијан Мицкоски, предложил вонреден конгрес за избор на нов лидер, каде што тој нема да се кандидира,...

Македонија12 часа

Седум лица починаа од коронавирус, потврдени се 45 нови случаи

Министерството за здравство информира дека во последните 24 часа се направени 552 тестирања, а регистрирани се 45 нови случаи на...

Свет12 часа

СЗО ѝ се заблагодари на Русија за напорите за развој на безбедна и ефикасна вакцина против коронавирусот

Првата официјално регистрирана вакцина против Ковид-19, развиена од Институтот за епидемиологија и микробиологија при Научноистражувачкиот центар „Гамалеја“, сега се наоѓа...

Македонија13 часа

Пратениците на Беса го напуштија СДСМ во Собранието, но договорот за коалиција не се растура

Четворицата пратеници на партијата Беса од денеска во Собранието нема да дејствуваат како дел од коалицијата со СДСМ туку како...

Македонија13 часа

Станиците Битола 1 и Миладиновци не мерат ПМ10 оти дотраените инструменти биле извор на радијација

Мерните станици се во функција, но дел од инструментите кои ги мерат ПМ10-честичките не работат, велат од Министрството за здрава и...

Македонија14 часа

Драма во Струмица: Роднини насилно го однеле телото на починат пациент, заедно со болничкиот кревет

Роднини и пријатели на пациент кој починал во струмичката болница насилно го зеле телото сосе болничкиот кревет и преку оградата...

Економија15 часа

Наместо карго-аеродром во Штип, ќе се градат училишта, водовод и канализации, соопшти Бектеши

Министерството за економија лани направило измени на Законот за јавно приватно партнерство со кој се отвора можноста средствата предвидени во...

Македонија16 часа

Од Германија екстрадиран Јетон Љужа, обвинет за убиството на Саздо

Третообвинетиот Јетон Љужа во случајот за убиството на Никола Саздовски-Саздо денеска бил екстрадиран од Германија, соопшти МВР. „Денеска од Германија...

Европа18 часа

Две волонтерки претрпеле невролошки проблеми по примањето на оксфордската вакцина

Две лица се разболеле за време на испитувањето на вакцината против коронавирусот на компанијата „Астра Зенека“ во Велика Британија, откриваат...

Економија18 часа

Сојузот на стопански комори предложи 25 мерки за економски спас

Сојузот на стопански комори на Македонија минатата недела достави 25 мерки за економски спас, кои очекува Владата да ги усвои...

Македонија18 часа

Приведено лицето кое нападна лекар на токсикологија, Филипче го осуди инцидентот

Приведено е лицето кое вчера го нападна дежурниот лекар на Клиниката за токсикологија, бидејќи го препратил неговото малолетно дете на...

Свет19 часа

Гутереш: Ширете го мирот за да се борите со коронавирусот

Генералниот секретар на ОН, Антонио Гутереш, во своето годишно обраќање во Генералното собрание на светската организација истакна дека повторно ќе...

Македонија20 часа

Денеска ќе се одлучува дали ќе има дневен престој во училиштата

Комисијата за заразни болести денеска на состанок ќе расправа за воведување целодневен престој во училиштата. Директорот на Здравствен дом Скопје,...

Свет1 ден

САД постигнаа нов рекорд со повеќе од еден милион тестови дневно

САД поставија нов рекорд со повеќе од милион тестови за коронавирус за еден ден, но експертите велат дека им требаат...

Македонија1 ден

Четири лица починаа од коронавирус, потврдени се 178 нови случаи

Во последните 24 часа од коронавирус во Македонија починаа четири лица, а потврдени се 178 нови случаи од 1.368 тестови,...

Македонија2 дена

Родилка и нејзиното бебе починаа на Клиниката за гинекологија, внатрешна контрола го испитува случајот

Родилката која заедно со нејзиното бебе вчера попладне починаа на Клиниката за гинекологија не знаела во која недела е од...

Регион2 дена

(Видео) Пронајдена трета жртва по ураганот во Грција, маж загинал кога врз него паднал покрив

Ураганот Јанош, кој ја погоди Грција, ја однесе и третата жртва во Тесалија во централниот дел на земјата, објавија денеска...

Македонија2 дена

Холштајн: Во интерес на Бугарија е да не го блокира проширувањето на ЕУ во овој регион

Билатералните проблеми не треба да бидат дел од преговарачката рамка за проширување на ЕУ, изјави германската амбасадорка во земјава, Анке...

Македонија2 дена

Пендаровски до Вартоломеј: Нашите православни христијани да бидат еднакви со другите во светот

Претседателот Стево Пендаровски, по повод почетокот на Новата црковна година, упати писмо до Неговата Сесветост Вартоломеј, Архиепископ Цариградски – Нов...

Македонија2 дена

Комисијата одлучува за целодневна настава

Комисијата за заразни болести вчера и денеска ја разгледува можноста за воведување целодневна настава во основните училишта од 1 октомври....

Досие