Македонија
Нови 100,000 корисници на Вип
Бројот на корисници на третиот мобилен оператор во Македонија, Вип во 2008 година достигнал 242.000, што е за речиси 100.000 повеќе во однос на
Бројот на корисници на третиот мобилен оператор во Македонија, Вип во 2008 година достигнал 242.000, што е за речиси 100.000 повеќе во однос на претходната година.
Ова денеска го соопшти компанијата, додавајќи дека пазарниот удел достигнал 10,7 отсто, додека на крајот на 2007 година уделот бил 7,9 отсто.
Вип лани остварил оперативна загуба од 5,7 милиони евра, додека вкупните приходи од продажбата достигнале 3,7 милиони евра.
Според компанијата, тоа претставува подобрување на резултатите во однос на 2007 година, кога оперативната загуба била 8,3 милиони евра, а приходите од продажба изнесувале 2,1 милиони евра.
Вип успеа да го продолжи стабилниот раст на пазарот. Во голема мерка за тоа придонесоа и новите услуги кои ги воведе Вип за првпат на македонскиот пазар, подобрената регулативна рамка и преземените чекори за целосна либерализација на пазарот, изјави Никола Љушев, Главен извршен директор на Вип.
Од компанијата денеска промовираа нова понуда, со која корисниците за купена картичка од 300 денари, автоматски добиваат кредит од 600 денари кој можат да го искористат за разговори без никакви ограничувања.
Матична компанија на Вип, Телеком Аустриа денеска објави дека во ланската година оствари оперативна добивка од 689,3 милиони евра, што претставува пораст од 8,1 отсто во однос на 2007 година
Вкупните приходи на групацијата Телеком Аустриа достигнале 3,39 милијарди евра, што е пораст од 3,9 отсто. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

