Македонија
Промовиран национален портал за практикантска работа и вработување
Национален портал за практикантска работа и вработување, подготвен во рамките на програмата на УСАИД Проектот за конкурентност
Национален портал за практикантска работа и вработување, подготвен во рамките на програмата на УСАИД Проектот за конкурентност, денеска беше презентиран во Скопје.
Порталот www.mojakariera.com.mk беше претставен на потпишувањето на меморандум за соработка меѓу Проектот на УСАИД и Министерството за образование и наука (МОН).
„Националниот портал за практикантска работа и вработување, на студентите и луѓето кои бараат работа ќе им овозможи да се вклучат во практикантска работа, а на компаниите да ги намалат трошоците за вработување на квалификувани работници” рече Марша Вонг, директор за економски развој во УСАИД.
Порталот е веб апликација, која нуди бесплатно регистрирање на студентите и невработените лица кои бараат практикантска работа и вработување, и на компаниите кои бараат практиканти и квалификувани работници.
Проектот за конкурентност разви партнерства со универзитетите во земјата, кои ќе ги користат услугите на порталот за да обезбедат практикантска работа за своите студенти.
УСАИД Проектот за конкурентност очекува дека во првата година од Националната програма за практикантска работа и вработување, повеќе од 3.000 студенти и лица кои бараат вработување ќе се регистрираат и активно ќе ги користат услугите на порталот за пребарување на практикантска работа и вработување./крај/со/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

