Вториот ден од работната посета на Брисел, министерот за европски прашања Орхан Муртезани го започна со средба со Оливер Ропке, претседател на Европскиот економски и социјален комитет (ЕЕСК), на која се разговараше за улогата на економско-социјалните партнери и граѓанското општество во евроинтегративниот процес.

Министерот Муртезани ја поздрави иницијативата на ЕЕСК за подлабока вклученост на граѓанскиот сектор, синдикатите и стопанските комори во процесот на проширување и истакна дека инклузивноста и широкиот општествен дијалог се клучни за успешно спроведување на реформите поврзани со европската интеграција. Тој нагласи дека Северна Македонија веќе има развиени механизми за вклучување на граѓанскиот сектор во процесот на креирање политики, вклучително и процесот на европска интеграција, но дека е потребна поконкретна соработка и со европските институции за продлабочување на оваа соработка. Тој подвлече дека учеството на граѓанските организации во европските платформи, како што е ЕЕСК, е вредна алатка за споделување искуства и добри практики, како и за јакнење на јавната поддршка за реформите што ги бара ЕУ.

Двете страни се согласија дека проширувањето на ЕУ не е само институционален процес, туку трансформација која мора да ја водат сите сегменти на општеството. Министерот Муртезани ја реафирмираше подготвеноста на Владата на Северна Македонија да ја зајакне соработката со ЕЕСК, со цел подобро искористување на можностите што ги нуди овој комитет за вклучување на граѓанскиот сектор во европските процеси.

Здружението од Кавадарци, „Лина – Спаси живот, добиј живот, помогни на животните“ на социјалните мрежи објавија статус, во кој велат дека во моментот на трагедијата, со Фросина Кулакова било и нејзиното куче Аја.

Кучето било тешко повредено, но преживеало. Било пронајдено под автомобилот на Васил Јованов.

„Ќерко наша, толку добрина имаше во тебе, толку милост, убавино наша… Како и секоја вечер со твоето душиче, со твоето пријателче Аја, за која ти се грижеше одговорно.

Бевте љубов, поврзани, си имавте свој јазик заеднички , како и многу други кои своите миленичиња се дел од семејството. Голем љубител на кучиња, на се она што носи душа во себе…, за разлика од нејзиниот убиец кој немаше емпатија кон се живо.

Кобната вечер кога нашата мила Фросина со својот неразделен другар, нејзина Аја, поминуваа на пешачки… Радосни, среќни, две души сплотени кои си беа верни една друга..ве сруши убиецот. Фросина ја покоси наркоман, дилер, пијаница, разгалено монструмче… Ја покоси заедно со нејзината душа миленичка, нејзината Аја..“, се вели во објавата.

„Твојата Аја лојална, барајќи те тебе..да ја заштитиш…да ја гушнеш…нашла безбедност во темината… И тоа Фросинче наша..твојата Аја се скрила под автомобилот кој те уби ..паркиран пред твојата зграда… откако ве удри заедно… Аја те чекаше Фросинче, под автомобилот на убиецот, затоа што мислеше дека си тука во близина…“, се додава во објавата.

„СДС го партизираше правосудниот систем во Македонија. СДС во Струмица ги бираше судиите кои после изборот, наместо по закон, судеа по партиска директива и тоа секој ден, се повеќе излегува на површина“, велат од ВМРО-ДПМНЕ.

„Блискоста на СДС со судиите се гледа и во примерот со судијката Даниела Алексовска Стојановска, која им отстапила дел од својот дом за партиски општински штаб.

Се поставува прашањето дали со ваквиот гест, судијката Даниела Алексовска ја финансирала СДС, или пак додека СДС биле на власт ја поткупувале, односно ја подмитувале, нејзе со кирија?

За ова одговори треба да дадат судијката Даниела Алексовска Стојановска, како и претседателот на СДС, Венко Филипче кои треба да кажат како е уреден односот за користење на просторот од страна на СДС во куќата на судијката во Ранковце.

Треба да се даде одговор дали СДС плаќала кирија за закуп на дел од семејната куќа на судијката и ако плаќала, колку таа изнесувала? Исто така, треба да се одговори дали СДС киријата ја плаќале на сметка или на рака, во готово?

Или пак, доколку СДС не плаќале кирија за изнајмување на просторот, истите треба да одговорат дали пријавиле донација од страна на судијката, во форма на отстапување на користење на деловен простор без паричен надоместок?

Ова е сериозно прашање кое ја поткопува независноста на судството и ја покажува страната на тесната испреплетеност на судиите со политиката и за тоа што поскоро треба да се изјаснат и да дадат одговори СДС и судијката Алексовска Стојановска.

Од друга страна пак, Судски совет веќе треба да почне да работи и да донесе одлука со која ќе ја разреши истоимената судијката, која полнолетен нарко дилер испратила во поправен дом, наместо да го испрати директно во затвор.

Аргументите се многубројни и на очиглед на целата македонска јавност и Судски Совет веќе не може да се прави дека не ги гледа. Која и да било ситуација да е точна од овие поставени дилеми, сериозно ја поткопува работата и независноста и само поради тоа Даниела Алексовска Стојановска повеќе не смее да биде судијка.

Народот очекува и веќе одговорност во Македонија мора да има“, соопшти ВМРО-ДПМНЕ.