Македонски ученик од основно училиште во Вашингтон победи на натпревар од областа на животната средина со изум со кој се штеди електрична енергија

Македонски ученик од основно училиште во Вашингтон победи на натпревар од областа на животната средина со изум со кој се штеди електрична енергија.

Како што јави „Гласот на Америка“, шестоооделенецот Велјан Митровски од училиштето „Ојстер Адамс“ во Вашингтон ја освои првата награда за изумот со кој се штеди електрична енергија преку поставување на соларни плочи на семафорите во главниот град на САД.

Велјан бил инспириран од главната тема на проектот – како да се заштеди енергија, особено во ова време на голема економска криза.

„Во овој проект споредував два генератори – соларен панел и рачен генератор. Најпрвин, направив споредба на соларниот генератор.Ставив крпа на него и чекав светилките да згаснат. Потоа, чекав неколку минути повторно да се запалат, па ја ставив крпата и чекав повторно да згаснат. За рачниот генератор поставив пет светилки и сите се вкупно 600 волти. Пресметав колку пати треба рачката да се заврти за да се запалат сите сијалички“, раскажува Велјан.

За сите семафори во Вашингтон, 12-годишниот Митровски пресметал дека ако се инсталираат неговите соларни плочи, би се заштедиле точно 251 милијарда 942 милиони киловат часови за една година.

Кога ќе ја собере сончевата енергија, генераторот ја префрла во батеријата во соларниот панел и со поврзување на две жици – светилките се палат, рече Велјан

Претходно тој бил добитник и на награда на Саемот за математика, наука и технологија што на ниво на основни училишта секоја година се одржува во Вашингтон.

Неговите родители се на привремен престој во Вашингтон, така што тој планира да го презентира проектот и на соучениците во основното училиште „Димо Хаџи Димов