Индексот на десетте најликвидни македонски компании МБИ10 продолжи да расте и денеска достигнувајќи раст од 2,49 проценти

Индексот на десетте најликвидни македонски компании МБИ10 продолжи да расте и денеска достигнувајќи раст од 2,49 проценти односно достигна вредност од 1.953,05 индексни поени.

Слична беше и ситуацијата со останатите два индекси и покрај промените кај европските индекси кои при денешното тргување светеа во црвено.

Индексот на јавно поседуваните друштва порасна за 0,73 проценти, а индексот на обврзниците забележа пораст од 0,15 проценти.

Во средата на пазарот на капитал беше остварен промет од 18.168.928,64 денари кој се оствари од 153 трансакции. Од овој промет 17.477.388,63 денари се реализира на Официјалниот Пазар кои се оствари од 103 трансакции, додека 691.540,00 денари се оствари на Редовниот Пазар од 20 трансакции.

Први по обем на тргување на Официјалниот Пазар беа акциите на Комерцијална банка Скопје, кои повторно направија голем промет во износ од над 7 милиони денари. Се истргуваа 3.051 акции, се тргуваа по цена од 2.479,71 денари по акција или тоа беше за 3,10 проценти поголема во однос на минатите тргувања.

Втори по обем беа акциите на Алкалоид Скопје со кои се истргуваа 735 акции по просечна цена од 3.124,24 денари, што значеше пораст од 2,92 проценти и при тоа остварија вредност на тргување од 2.296.314,00 денари.

Трети по висина на промет на Официјалниот Пазар беа акциите на Гранит Скопје со кои се истргуваа 5.072 акции по просечна цена од 415,70 денари од акција и при тоа нивната цена падна за 0,15 проценти. Вредноста на тргување со овие акции беше 2.108.408,00 денари.

Нагорна промена на овој пазар забележаа акциите на Витаминка Прилеп од 2,36 проценти или се тргуваа на цена од 6.500,00 денари. Се истругваа 2 акции, а со нив се оствари промет од 13.000,00 денари.

На Редовниот Пазар како најтргувани акции беа акциите на Стопанска банка Скопје, кои се тргуваа по цена од 138,88 денари, односно забележаа пораст од 6,59 проценти. Се истргуваа 1.865 акции, а се оствари промет од 259.010,00 денари.

Втори по обем на тргување на овој пазар беа акциите Македонски Телеком кои се тргуваа по цена од 331,12 денари по акција, односно се истргуваа 671 акции, а вкупниот промет со нив изнесуваше 222.180,00 денари.

Реплек Скопје објави ценовно чувствителна информација која се однесува на распределбата на дивиденда на акционерите за 2008 година. Имено во одлуката објавена на сајтот на Македонска берза, е наведено дека последен ден на тргување со право на дивиденда е 10.04.2009 година, а прв ден на тргување без право на дивиденд ае 13.04.2009 година. Висината на дивидендата по акција ќе изнесува 5.812,00 денари.

Пет најтргувани хартии од вредност

1. Комерцијална банка Скопје

2. Алкалоид Скопје

3. Гранит Скопје

4. Стопанска банка Скопје

5. Македонски Телеком

Хартии од вредност со најголем пораст

1. Стопанска банка Скопје 6,59 %

2. Макпетрол Скопје 6,01%

3. Комерцијална банка Скопје 3,10%

4. Алкалоид Скопје 2,92%

5. Витаминка Прилеп 2,36%

Хартии од вредност со најголем пад

1. Фершпед Скопје 5,16%

2. Топлификација Скопје 0,32%

3. Гранит Скопје 0,15 %